Discuscioìn polìtiche, moçioìn, atti into Conseggio Comunâle
do Comûne de Zêna
a cûa de Roberto Quaglia
| Inte ûnn-a de-e seu identitæ (inta quæ o l'à portòu ad arte a màschera de 'na sòrta de pseudo-serietæ) Roberto Quaglia o l'é stæto Conseggié Comunâle e Cap'do-grùppo da Lista Pannella into Conseggio Comunâle de Zêna da-o prinçìpio do 1995 a-a fìn do 1997. A-a scadénsa eletorâle, mascìmo e diversce offèrte pe 'na ricandidatûa, o l'à decîzo de no riprezentâse a-e elezioìn, e òua o se dèdica a faccénde decizaménte ciù importànti e ben distànti da-a polìtica. A polìtica a l'é servîa sólo a inpâò quarche cösa. Pe exénpio che ninte de quello che leziéi in sce ste pàgine o l'é in efètti servîo a Zêna e a-i zenéixi ò a quæsìasi un. NISCIÙNN-A de-e moçioìn faticozaménte condûte a aprovaçión da Roberto Quaglia a l'é pöi stæta missa in atto da-a giùnta (in totâle disprêxo, dónca, da dignitæ do Conseggio Comunâle) e, pézo ancón, o mæximo Conseggio Comunâle o se n'é belaménte fregòu da sistemàtica inadenpiénsa da giùnta rispètto a-e votaçioìn conseggiâli (de pù quelle de Quaglia). Pigiòu atto de tùtto questo, Roberto Quaglia o l'à avûo o bón gùsto de tornâ a ocupâse de cöse sêrie. Comme o surealìsmo. |
| Quello che vegne apprèsso o l'é 'n resto fòssile de quello perîodo, e sólo in quànto tâle o va pigiòu in consideraçión. |
| Créddo che l'arîvo de Internet o trasformiâ profóndamente o rappòrto tra i çitadìn e i lô eletti inte-e istituçioìn. Internet o poriâ fornî into futûro 'na trasparénsa totâle in sce tùtti i atti polìtichi e amministratîvi. Fìnn-a da-o Zenâ 1997 mì me stàggo batténdo, into Conseggio Comunâle de Zêna, pe inpegnâ o Comûne a métte in sce Internet tùtti i pròpi atti ciù significatîvi, co-o scòpo de garantî a-i çitadìn a poscibilitæ de seguî in dettàglio e ativitæ do Sìndaco, da Giùnta e di sìngoli Assessoî e Conseggié. I çitadìn an o pìn dirìtto de podéi savéi comme se compòrtan in dettàglio i lô eletti e i lô amministratoî pùbrici. Da ancheu, Internet o fornìsce o mèzo ideâle pe dâ concrêta eficâcia a sto dirìtto. |
|
Sta pàgina a contén quarche moçión da mì portâ in discusción into Conseggio Comunâle de Zêna. Pe quarche moçión ho ritegnûo ûtile métte online tùtta a discusción fæta in Conseggio. Treuviéi in própòxito ògni paròlla dîta da Conseggié e Assessoî. Tùtti
i intervénti. Tùtte e poxiçioìn. Tùtte e votaçioìn. E ascì quarche rasségna de stampa. O l'é 'n exénpio che ho vorsûo dâ in sce comme o poriâ èse inpostâ a missa online di verbâli de Conseggio Comunâle de 'na grànde çittæ. O mæ exénpio e o mæ tentatîvo son pe-o moménto ûnici in Italia. Spêro de pèrde o ciù prèsto poscìbile sto inùtile privilêgio. |
Roberto Quaglia, 1997
Conseggié Comunâle e Cap'do-grùppo
Crédi de podéi no restâ esterefæti da-a mæ ? ? ? |
| Eccove o sommârio di documénti polìtichi chì disponìbili: |  |
| Sta tabèlla a conprénde quarche documénto da mì prodûto inta mæ cosidétta ativitæ polìtica, conpréixi diversci mæ discórsi. No fàsso ciù o Conseggié Comunâle, dónca no fæ câxo a-o fæto che da sti documénti o pâ invéce ancón de scì. Intræ comunque a vòstro rìschio e perìcolo. | |
- Moçión pe l'organizaçión a Zêna de 'na manifestaçión in sciô futûro e in sciâ fantasciénsa, e relatîvo intervénto.
- Moçión pe l'organizaçión a Zêna de 'na manifestaçión culturâle in sciâ cultûa rumèna contemporànea, e relatîvo intervénto.
- Primma Moçión (Lùggio '96) pe inpegnâ o Comûne de Zêna a promeuve a pròpia imàgine in sce Internet; segue tùtta a discusción into Conseggio Comunâle, conprendénte tùtti i intervénti in âula.
- Segónda moçión (Frevâ '97) pe inpegnâ o Comûne de Zêna a promeuve a pròpia imàgine in sce Internet e garantî a trasparénsa in sci-i atti amministratîvi. Segue tùtta a discusción into Conseggio Comunâle, conprendénte tùtti i intervénti in âula.
- Moçión pe arvî a discusción in sciô téma di romoî da séia into Çéntro Stòrico de Zêna, dòppo 'na rivitalizaçión do mæximo.
- Moçión in sciâ legalizaçión di derivæ da cannabis e a l'ûzo terapèutico d'oppiâcei. Segue: trascriçión integrâle de tùtta a discusción in própòxito.
- Órdine do Giórno in sciô emergénte problêma da sciâvitù a fìn de prostituçión a Zêna comme inte-e âtre çittæ italiànne. (nòta pòstuma: a-o ténpo (1997) into quæ ho prezentòu sta moçión ho definîo o fenòmeno "sciâvitù" coscì suscitàndo l'ilaritæ de parécci conseggié e l'indiferénsa de quæxi tùtti i âtri. A-o ténpo (1997) a paròlla sciâvitù a no vegnîva quæxi mâi adêuviâ in mêito a sto problêma e nominâla inte 'n conseggio comunâle o l'êa consideròu quàntomeno stravagànte. Ancheu a l'é intrâ into vocabolâio comûne de giornalìsti e polìtichi)
