Roberto o mutànte

10 fòto a l'anno

Ògni anno da mæ vìtta cuntòu con 10 fòto che o-o rapprezentiéivan. In realtæ no son sénpre 10. De vòtte son de mòlte de ciù, de vòtte mòlte de meno. No gh'é giustìçia inti anni. E, se o l'é pe questo, manco inte-e fòto. Mòlti evénti e persónne significatîve da mæ vìtta son chì do tùtto assénti, perché no ne exìstan fòto oppûre mì no ne son in possèsso.

Evénti

In particolâre conventions letterârie de fantasciénsa italiànn-e e estêre, a-e quæ ho piggiòu pàrte, + autoî famôxi, vacànse assortîe, vagabondàggi ecc.

E Colleçioìn Intêghe, inta colònna de drîta, méttan a dispoxiçión tùtte e mæ fòto de l'evénto in órdine cronològico e indiscriminòu (conseggiâ soviatùtto a-i fanàtichi, a chi o l'avésse piggiòu pàrte a-l'evénto ò a chi o s'adêuvia 'na connescion a Internet tròppo lénta pe-e seleçioìn essençiâli).

E Seleçioìn Essençiâli, ciù raxonevolménte, ve prezéntan sólo 'na ridûta scèrnia de mæ fòto preferîe, con oportûne didascalîe pe capî chi o l'é chi.

Inta colleçión intêga e fòto son tuttavîa pre-vixualizæ con thumbnails, o che o pêu resultâ assæ pràtico, e e fòto son pöi vixualizàbili ûnn-a a ûnn-a in grànde formâto, mentre inta seleçión essençiâle e fòto appâran tùtte insémme in formâto mêdio, e o caricaménto de-e fòto o pêu resultâ lénto pe chi o no l'à 'na connescion Internet veloce. Fæ i vòstri tentatîvi e scegéi a modalitæ a viâtri preferîa.

Vêge gallerîe:
Conventions de fantasciénsa 1997-1999

Conventions de fantasciénsa 1990-1996

Têmi

Fòto Mòlto Coloræ - Colleçión de fotografîe abbastànsa fantaxiôze da mì realizæ in gran pàrte inti primmi anni ottànta insémme a-l'amîgo Gigi Picetti. Ciù do 90% de-e fòto a l'à pe sogètto 'n vìzo femminìle, dæto che se pròpio bezéugna puntâ 'n obiettîvo fotogràfico da quarche pàrte, tànto vâ che o paesàggio o segge meritévole da nòstra attençión. Tuttavîa, pe rénde i vìxi femminìli meno prevedìbili, s'é chì ben pensòu de trasfigurâli 'n pö, utilizàndo però sólo purìscimi fotoìn coloræ, ninte trùcchi e ninte eletrònica. Pe-i amànti de-e cöse stràne, 'na vixita inte sta gallerîa a l'é vivaménte conseggiâ.

A mæ campàgna eletorâle surrealìsta ch'a l'à fonçionòu benìscimo, tànt'é vêo che pöi m'an elètto...

'N pö de sàtira e vignétte che 'n tòt d'anni fa me capitò de generâ

Âtre cöse da védde poriéisci trovâle in sciâ pàgina de-e Rasségne Stànpa.

Infìn, naturalménte, se a-o Védde voéi azonze l'Udî, poéi accomodâve inta seçión di Video.