Into 1962 Roberto Quaglia o l'é vegnûo a sto mondo sénsa riuscî ciù a tornâ a l'âtro. Tànto o decíze de ambientâse.
De primma o créscio, protéizo vèrso e dimensióin e pöi e fórme d'ancheu, sénsa scordâse de liberâse de tûtti quelli cavélli che no gh'ocorrívan. Piggiòu possèsso do spaçio ocupòu da lê, o l'afrontò o ténpo che o ghe scoríva adòsso. Comme pròdotto de scârto da seu permanénsa spaçio-temporâle treuvémmo di fumétti, fotografie di ricerca, , carta scrîta, e di notévoli resté de resté orgànichi. Ma o l'é stæto sólo quàndo in tròppi se sòn míssi de pù a lêzilo che o s'é adòu d'èse de pù 'n scritô che o se n'ê de pù convínto d'èsilo. Da quello moménto, coerenteménte, o l'à de pù scrîto, scordândose, inti moménti ciù ossescívi, ascì de víve, ma riuscìndo a sopravvíve o mæximo. Mascìmo o segge ancòra relativaménte pòco conosciûo in Itàlia, Roberto Quaglia o l'é ancheu un di scritôi ciù originalménte iconoclàsti in gîo. I sò tànti scrîti (quàtro romànzi abondànti, quarànta cunti, déxe comèdie, dôe raccólte de sàggi, 'n clamorózo tòmmo de 500 pàgine in sce l'11 de seténbre, ecc.), paradossalménte (ma no tròppo...) in bònn-a pârte inéditi in Itàlia, sòn invéce tradûti in díverse léngue, e pubblicæ inti paéizi diti foesté con fórti tiratûre e con notévole sucessò. L'ûrtima òpera de Roberto a l'é 'n incredíbile lìbbro scrîto insémme a-o scritô britànnico Ian Watson. Quarchedun di cunti de sto lìbbro sòn stæti pubblicæ in sce ríviste e antologîe in Canada, USA e Italia. Âtri sòn comparsüi in sce ríviste online.
In parécci cìrcoli lettérai, i sò tèsti sòn diventæ oggétto de cùlto, chì se no se capísce comme. Se san ascì tànti câxi donde a èse forzòu a oggétto de cùlto, a furô de pòpolo, o l'é stæto o mæximo Roberto Quaglia. O mistério o continua...
Tra paréntexi, tra i anni 80 e 90 o l'à manegiòu a Panteca de Zêna. Pe-i feticìsti de-e formalitæ, riportémmo che da-o 1995 a-o 1997, comme conseguénsa de 'na campagna eletorâle surealista o s'é ritrovòu a èse ascì Conseggié Comunâle a Zêna, 'n'esperiénsa interessànte ascì da 'n pùnto de vista antropològico. Da-o 2002 o l'é vice-prezidénte de l'ESFS (European Science Fiction Society)
Tûtto questo o l'é sólo 'n exénpio. |
Comme Cristóforo Colonbo Roberto Quaglia o ciöve da Zêna, donde o l'é stæto barman e Conseggié Comunâle primma de diventâ 'n esploratô, into seu câxo de l'Èst Európa e do Surealismo. Òua o l'é de câ a Bucarést. Tànte vòtte Robert Sheckley o l'à vissûo con Roberto in Itàlia e Romanìa, e inta grànde végia e gianca Mercedes de Roberto, scrivéndo ascì 'na prefaçión a-o seu sureâle e satírico doppio romànzo de fantasciénsa Pane, Burro e Paradossina (pubblicòu in ingléize da Delos international). Roberto e Ian de prinçipio s'én míssi a colaborâ a 'na série de cunti “My Beloved” inte 'n albèrgo misteriozaménte vöo in sce 'na collinn-a boscôza vixin a-a frontéa tra Ungerîa e Slovàcchia into 2003. Ex fotògrafo vincitô de prèmmi, Roberto o continua a scatâ mijâ de fòto. O sò bârba o vive a Mónaco de Bavéa, ascì lê o gh'à da parlâ in todesco; ma impârâ o rumëno o l'à destûrbiòu o françéize de Roberto, ascì o l'é ben ch'o no l'âgge 'n bârba a Parìggi.
|
Roberto Quaglia da Zêna de sòlito o vive a Bucarést parlândo rumëno, ancon ch'òua o sâ ascì imitâ o russo assæ da convínce i russi ch'o stagghe parlândo davéi in russo. Comme conseguénsa, o l'à da pòco pozòu pe l'ediçión russa de Penthouse. L'amiraçión pe Bob Sheckley a l'é a câuza pe-a quâ Roberto o l'à invitòu Sheckley in Itàlia, pe pöi scaroszâlo in gîo pe l'Európa pe díversi anni inta seu grànde Mercedes gianca etichetâ www.surreal.info fin che e léttere no sòn scivolæ vîa da-o lunòtto de derê. Ex-barman, premiòu fotògrafo, e 'na vòtta Conseggié Comunâle surealista de Zêna, Roberto o l'é autô do diverténte doppio romànzo Pane, Burro e Paradossina disponìbile in ingléize – e in ciù o l'é Vice-Prezidénte de l'Associaçión Européa de Fantasciénsa (ESFS), ch'a prezédde i Eurocon che se tégnan in díverse naçióin comme a Bulgarîa e l'Ucraìnn-a da pòco, e into 2007 a Danimârca. Roberto e Ian an cominçiòu a scríve di cunti insémme inte 'n albèrgo strananaménte dezèrto inte 'n bosco de collinn-e vixin a-o confín ungheréize/slovàcco into 2003, e òua gh'é 'n lìbbro intégo, The Beloved of My Beloved, avídamente in cèrca de 'n corajôzo e mato editô. Âtri cunti de sto progettòu volûmme sòn in sce Helix, Clarkesworld e Flurb. Un o l'é in sce Lust for Life e 'n âtro o l'é in sce Weird Tales e Robot.
|
