Discussioni pulìtichi, mozioni, atti ntô Consigghiu Cumunali
dû Comuni di Gènova
a cura di Roberto Quaglia
| Durante una di li sò identità (ntâ quali indussàu ad arti la màscara di ’na sorta di pseudu-sirità) Roberto Quaglia è statu Consigghieri Cumunali e Capugruppu dâ Lista Pannella ntô Consigghiu Cumunali di Gènova di l’inizziu dû 1995 â fini dû 1997. Â scadenza elittorali, nonostanti li vari offerti pi ’na ricandidatura, ha dicisu di nun si riprisintari ê elezioni, e ora si dèdica a faccenni decisamenti cchiù impurtanti e ben distanti dâ pulìtica. La pulìtica è sirvuta sulamenti a ’mparari certi cosi. Pi esempiu ca nenti di quantu liggirriti supra sti pàggini è defatti sirvutu a Gènova e ê genovisi o a cu’ si sia. NUDDA di li mozioni faticusamenti cundotti a approvazioni di Roberto Quaglia è po’ stata missa ’n attu dâ giunta (’n tutali sprezzu, dunqui, dâ dignità dû Consigghiu Cumunali) e, peju ancora, lu Consigghiu Cumunali stissu si nn’è beddamenti frigatu dâ sistimàtica inadimpienza dâ giunta rispettu ê votazioni cunsiliari (suprattuttu chiddi di Quaglia). Pigghiatu attu di tuttu chistu, Roberto Quaglia ha avutu lu bon gustu di turnari a s’occupari di cosi serii. Comu lu surrealismu. |
| Chiddu ca segui è nu risíduu fòssili di ddu periudu, e sulu ’n quantu tali va pigghiatu ’n cunsiderazioni. |
| Cridu ca l’avventu di Internet trasfurmirà prufunnamenti lu rapportu tra li cittadini e li sò eletti ntî istituzioni. Internet putirà furniri ’n futuru ’na trasparenza tutali supra tutti li atti pulìtici e amministrativi. ’Nfina dû Jinnaru 1997 ju mi staju battennu, ntô Consigghiu Cumunali di Gènova, pi impignari lu Comuni a mèttiri supra Internet tutti li propii atti cchiù significativi, ô scopu di garantiri ê cittadini la pussibbilità di siguiri ’n dittagghiu li attività di Sìnnacu, Giunta e singuli Assissuri e Consigghieri. Li cittadini hannu lu pienu dirittu di putiri sapiri comu si cumpòrtanu ’n dittagghiu li sò eletti e li sò amministraturi pùbblici. Di oggi, Internet furnisci lu mezzu ideali pi dari concreta efficacia a stu dirittu. |
|
Sta pàggina conteni certi mozioni di mia purtati ’n discussioni ntô Consigghiu Cumunali di Gènova. Pi certi mozioni aju ritinutu útili mèttiri online la ’ntera discussioni effettuata ’n Consigghiu. Truvirriti a riguardu ogni palora prununziata di Consigghieri e Assissuri. Tutti
li intirventi. Tutti li pusizioni. Tutti li votazioni. E macari quarchi rassigna stampa. È nu esempiu ca aju vulutu furniri supra a comu putirà essiri impustata la missa online di li virbali di Consigghiu Cumunali di ’na granni città. Lu miu esempiu e lu miu tintativu su’ pû mumentu únici ’n Italia. Speru di pèrdiri quantu prima pussibbili stu inútili privilegiu. |
Roberto Quaglia, 1997
Consigghieri Cumunali e Capugruppu
Criditi di putiri nun rumaniri esterefatti dâ mia ? ? ? |
| Ecco lu summariu di li documenti pulìtici ccà dispunìbbili: |  |
| Sta tabbella cumprenni certi documenti di mia prudutti durante la mia accussì ditta attività pulìtica, cumprisi vari mei discursi. Nun fazzu cchiù lu Consigghieri Cumunali, dunqui nun faciti casu ô fattu ca di sti documenti pari ’mmeci ancora di sì. Trasìti comunqui a vostru risicu e pirìculu. | |
- Mozioni pi l’organizzazioni a Gènova di ’na manifestazioni supra ô futuru e supra â fantascienza, e rilativu intirventu.
- Mozioni pi l’organizzazioni a Gènova di ’na manifestazioni culturali supra â cultura rumena cuntimpuranea, e rilativu intirventu.
- Prima Mozioni (Lugliu '96) pi impignari lu Comuni di Gènova a prumòviri la propia immàggini supra Internet; segui la ’ntera discussioni ntô Consigghiu Cumunali, cumprindenti tutti li intirventi ’n aula.
- Secunna mozioni (Frivaru '97) pi impignari lu Comuni di Gènova a prumòviri la propia immàggini supra Internet e garantiri la trasparenza supra li atti amministrativi. Segui la ’ntera discussioni ntô Consigghiu Cumunali, cumprindenti tutti li intirventi ’n aula.
- Mozioni pi aprìri la discussioni supra ô tema di li rumura sirali ntô Centru Stòricu di Gènova, ’n siguitu a ’na rivitalizzazioni dû stissu.
- Mozioni supra â legalizzazioni di li dirivati dâ cannabis e a l’usu derapèuticu di oppiacei. Segui: trascrizioni integrali di tutta la discussioni a riguardu.
- Ordini dû Jornu supra ô emergenti prubblema dâ schiavitù a fini di prostituzioni a Gènova comu ntî àutri città italiani. (nota postuma: â èpuca (1997) ’n cui prisintai sta mozioni definiii lu fenòminu "schiavitù" accussì suscitannu la ilarità di parecchi consigghieri e la indifferenza di quasi tutti l’àutri. Â èpuca (1997) la palora schiavitù nun viniva quasi mai adupirata ’n meritu a stu prubblema e menzionarila ’n nu consigghiu cumunali era cunsidiratu quantumenu stravaganti. Oggi idda è trasuta ntô vucabbulariu cumuni di giurnalisti e pulìtici)
