
 |
ACCATTÀTEVE U LIBBRE RUMÈNE MÌ
Caro Maurizio Costanzo Show,
Te spedìsche ogge la cosiddètte ùltema fatìche mè (in realtà jè tutt'àlde ca ùltema, da tutte le pùnde de viste: da u pùnde de viste mì, ndèrre, l'ùltema fatìche mè jè in quìste istànde u gèste de scrìveterre quèsta lèttere). Te spedìsche u libbre rumène mì cchiù nùve, ca me piacèsse venì a fà canòscere ind'a la trasmissiòne tò, o mègghie, ind'a la trasmissiòne ca tu sì. Accome putì vedè, u ùltime libbre rumène mì jè rumène in tutte e pe tutte. Soprattùtte le paròle de le quàle jè tutte chìne sò rigorosamènde rumène. Pure le fràse, accussì ca leggènne le paròle tutte de fìle tènene pure nu sènze cumbiùte òttime tutte rumène. Pure u romànze jè rumène. Le fràse rumène, ndèrre, sò mèsse ind'a na sequènze speciàle secònde còdece 'nternaziunàle addottàte da tutte le paìse occidendàle o nu picche orientàle, accussì ca leggèndele secònde quèsta sequènze standard s'arrìve o romànze ca le fràse fàscene. Romànze tutte rumène, appùnde. Po' stè la càrte, rumène pure jèdde e se vède, tìpecamènde coperte de gnòstre tìpecamènde rumène pure jìdde.
Caro Maurizio Costanzo Show, te spedìsche allòre u ùltime libbre rumène mì, ca sènza dùbbie s'ha da fà canòscere ind'a la trasmissiòne ca tu sì. U fatte ca jè nu libbre rumène, ca pàre nu svandàgge, in Italia, se scòpre 'mbèce, a n'anàlisi appène cchiù attènde, nu vandàgge granne granne. Pe accumenzà jè esòteche e originàle. Quale italiàne tène già ind'a la libbrerìe sò nu libbre accussì 'ndensamènde rumène, cu paròle, fràse, romànze, càrte e gnòstre rumène? Jè allòre u libbre rumène mì na novità assolùte ind'o paìse nèstre, ca pòte 'ngundrà nu sucèsse granne granne. U libbre rumène mì tène po' nu secònde vandàgge: jè state scritte da n'italiàne, cioè da mè. L'italiàne tènnene a apprezzà l'ate italiàne, picchè ce arrecòrdene ca sò italiàne pure lòre, e quèste, da u pùnde de viste de nu normàle italiàne, pàre na fertùne e nu vandàgge. Nzomme, u libbre rumène mì acchiappàrrà l'italiàne pure cu nu picche de sàne nazionalìsme picchè, pure ca jè rumène, u mèrite de èssere state scritte jè tutte de n'italiàne accome a lòre.
Po' stè u descùrse du prèzze, ca jè rumène pure jìdde. Quìste libbre rumène mì còste sùle 2800 lire. Pure ca ce stònne inde bbuène 100.000 paròle rumène, u còste sò, sicòme jè rumène, pòte stà o prèzze de dù cafè, 2800 lire. Ci mà nan s'accattèsse nu libbre rumène mìteche o prèzze de nu cafè italiàne?
Ma u vandàgge prengepàle du libbre rumène mì jè ca, sicòme jè tutte scritte in rumène, ci l'accàtte italiàne nan tène la mìnema possibilità de lèggerle. Quèste jè cudde ca farà du libbre rumène mì u sucèsse editoriàle de l'anne. Nan ze accàttene ndèrre le libbre pe lèggerle, accome u famòse "Pendolo di Foucault" de Umberto Eco demòstre (nisciùne de cudde ca u accattàrene o u avèrene in regàle mà u lescì). U libbre rumène mì, dànne o prèzze sò meschìne de 2800 lire la garanzìe de nan pòtè èssere lètte, dà a ci l'accàtte la garanzìe totàle de nan soffrì in futùre de nisciùne sènze de còlpe pe nan avè lètte u libbre. Capìsce la convenìenze, caro Maurizio Costanzo Show? Accattà nu libbre de Umberto Eco pe nan lèggerle còste cchiù de 30.000 lire e stè l'effètte collateràle du sènze de còlpe cchiù o mène vàghe pu fatte ca nan se lègge. U libbre rumène mì dà u stèsse servìzie a 2800 lire, mettènne ind'o prèzze n'esotìsme ca nan ze pòte negà e n'aziòne ca protègge cundre u lògorie de le sènze de còlpe.
E po' stè u vandàgge de fà bbèlla fìgure cu eventuàle òspete rumène. A tutte, prìme o pò ind'a la vite, capìte de avè òspete a la càse. Ind'a quèst'èpoche de grànne migraziòne ce se 'mbàtte sèmbe cchiù spìsse in quacche forastìere. La màggior pàrte de le vòlte se tràtte de nu turìste tedèsche o marocchìne o senegalèse. Ce a n'òspete tedèsche dàte na bìrre tedèsche, le facìte cèrte piacère ma nan u fàte meravegghià; vevìme ndèrre ind'o mercàte comùne. Ce a l'òspete senegalèse fàte vedè tutte orgogliòse l'elefandìne vèstre de lègne nìre senegalèse nan le facìte cèrte nisciùne piacère (ce nan avìte già avùte l'elefandìne v'u avèsse vennùte jìdde) e mànghe u fàte meravegghià; quàse tutte l'italiàne tènene ormà a la càse n'elefandìne senegalèse. Ma ce ve capetèsse de avè n'òspete rumène, ecche ca u 'nvestemènde vèstre de 2800 lire tutte nzìeme ve fruttèsse u prestìgge in cchiù de la crestiàne cosmopolìte e strùtte a livèlle 'nternaziunàle. Po' fra l'alde u romànze ca stè ind'o libbre jè assà bbèlle e l'òspete rumène vèstre v'u confermèsse, pe la soddisfaziòne vòstre in cchiù de averle a tìembe sò accattàte.
Capìsce, allòre, caro Maurizio Costanzo Show, picchè jè accussì 'mbortànde ca tu te dà da fà pe fà canòscere u libbre rumène mì?
La bèllezze sò già notèvole jè a la fìne fàtte sublìme da nu paradòsse ca pàre: u libbre rumène mì esìste in rumène, ma nan in italiàne, pure ca jì l'agghie scritte regolarmènde in italiàne. Quìste fatte fasce l'oggètte ca t'agghie mò mannàte chìne de significàte in cchiù ca a mè me scàppene, ma ca accussì nan fàrranne a tè, e ca pòrte pure quesìte emblemàtece o àlda mercanzìe de stu gènere de pùbbleche utilità. U paradòsse jè certamènde sùle apparènde, picchè pure ca du libbre rumène mì nan esìste u clòne italiàne corrispondènde, ne esìste però u manoscrìtte. La nature sùle apparènde du paradòsse jè da l'alda vànne repagàte da l'esistènze, arrète a l'esèmbie du libbre rumène mì ca t'agghie mannàte, de nu fenòmene ca me riguàrde assà cchiù grùsse e clamoròse de stu sìngole càse. Nisciùne de le òpere mìje cchiù granne jè ndèrre stambàte in Italia, ma quàse tutte, fra picche, u sàrranne a l'èstere. Ate libbre òttime ca nan ze pòtene lèggere, allòre, pe ci accàtte libbre in Italia, ca facènne collezziòne ind'a le salòtte lòre de le òpere mìje in esìlie se pòtene dà na spruzzàte de cultùre 'nternazionalìste, pe la priesce de le eventuàle òspete forastìere lòre, e u rispètte e la 'mmìdie de cudde italiàne. .
Roberto Quaglia
L'òpere "Caro Maurizio Costanzo Show...", tutta sane o a pìezze, pòte èssere lètte, scarecàte sop'o computer, stambàte e copiàte senza lìmete, sule pe ùse personàle. Tutte le tèste e le illustraziòne sò proprietà de Roberto Quaglia e nan ze pònne ausà sane o a pìezze senza permèsse. U progètte gràfeche e le pìezze gràfece de quìste pàggene sò proprietà riservàte de Roberto Quaglia. L'òpere "Caro Maurizio Costanzo Show...", tutta sane o a pìezze, nan pòte èssere mettùte in vèndete a nisciùne tìtue senza permèsse de prime.
© 1994-2000 Roberto Quaglia.
|