|
Quìste jè u prime libbre "shareware" italiàne (e forse du munne). U pàghe sule dòppe ca l'à lètte, ce t'è piaciùte. Nudde jè dovùte a l'autòre ce u libbre nan piàsce. A ci se sìe ca nvèce piàsce tòcche u dovère de mannà a l'autòre na cìfre proporziunàle a quande u libbre l'ha piaciùte. Accome se fasce a controllà ca cudde a ccì u libbre ce piàsce po' pàgane daddavère? Jè semblìce: a controllà ce penzerà la coscènze du lettòre stèsse. Le lettòre cu pòche coscènze, o cu na coscènze de bàsse qualità, ca nan ze sèndene legàte da quìste valìde imperatìve ètiche, sò ggià stàte punìte da la natùre a bbastànze, picchè lòre sò mònche de stìle, correttèzze, dignità, onòre, e tutte u rèste ca tènene o crèdene de tenè nan le pòte cchiù aiutà. A cudde, crestiàne immònde, n'èquipe nòstre de bràve stregùne s'ammazzerà de fatìe pe fà auguri efficàce de coccolòne malìgne. Le lettòre umanamènde corrètte, ca rispèttene u patte d'onòre ca ind'a quèsta pàgene pòtene sottoscrìvere, invèce nan tènene e nan teneranne mà nudde da temè, né du destìne né da la vìte, picchè lòre appartènene a la metà megghie de l'umanità.
Accome pagà? Le cìfre pìccele se pòtene mannà a l'autòre pure in contànde (ind'a na bbuste chiùse, mmènze a nu pare de fògghie de carte pe nan fà vedè ca ce stònne le sòlde). Le cìfre cchiù gròsse se pòtene pagà facile a la pòste cu nu vàglia ndirizzàte a: Roberto Quaglia, Casella Postale 1433, 16100 Genova Centro (ndirìzze, se capìsce, valìde pure pe la corrispondènze ordinàrie)
![]() | ||||||||||||||||