‹ Ìndece du site · Càse du musèe · repèrte restauràte
Spàrtele:FacebookXWhatsAppTelegramEmail
Teorìe de l'Utilità Sociàle (Caro Maurizio Costanzo Show... lettera n.22)
lèttere n.22

Penzà a le fatte realisticamènde, cu tande càuse 'nsìeme, jè diffìcile e pu core nan fasce bbène. Accome jè cchiù facìle, 'mbèce, accome jè cchiù piacèvole fà resalì ogne effètte a na càuse sùle e, ce se pòte, personàle. A l'illusiòne de capì, s'aggiùnge in quìste càse, u piacère du cùlte de l'eròe, ce le circostànze sò favorèvole, e u stèsse, ce nan grùsse, piacère, quanne sò sfavorèvole, de perseguità nu capre espiatòrie.

ALDOUS HUXLEY









































TEORÌE DE L'UTILITÀ SOCIÀLE

Caro Maurizio Costanzo Show,

m'approfittàrrà de l'esistènze tò, de l'attenziòne tò, de l'esistènze mè, de l'attenziòne mè e de quèsta lèttere mè pe sviluppà le fondamènde de la "TEORÌE DE L'UTILITÀ SOCIÀLE" mè. Nan zàcce ce jè granché accome teorìe, pure picchè jè cchiù ca àlde quacchecòse ca m'è venùte 'nmènde ùltemamènde pe arrepezzà u vacànde orrènde de concètte ca stè in mè da sèmbe, picchè agghie sèmbe refiutàte le precongètte precòtte sop'a accome funzione l'èssere umàne e cose de stu gènere ca sò ogge accussì de mòde ind'a tutte le cervìdde.
Prèmette ca quanne pàrle de "utilità" e de "sociàle" nan me rifèrische pe nudde a quacchecòse tipe valùre ca hònna èssere positìve o negatìve o tutte e dù. 'Ndendèrrà sèmbe le paròle "utilità" e "sociàle" pu significàte tècneche lòre asèttiche, sènza cudde accezziòne ca 'mbrògghiene nu giudìzie cu le quàle de sòlete vène trasfiguràte u significàte pùre lòre. Jè quìste u prìme precongètte ca avìme abolì, ce vulìme capìnge quacchecòse de l'èssere umàne. Ca quacchecòse jè ùtele nan vole dìsce ca jè bbuène o giùste. Vole dìsce ca jè ùtele in sènze funzionàle e abbàste.
Ditte quèste, passàme o dunque e dendòrne.
Nan jè cèrte n'invenziòne mè ca l'èssere umàne jè n'anemàle sociàle, cioè ca tène bisògne de 'ntèssere relaziòne sociàle. Cudde ca jì sostènghe jè ca l'èssere umàne jè esclusivamènde n'anemàle sociàle, cioè ca nan pòte esìstere ce nan in funziòne de quacchedùne o quacchecòse da fòre de jìdde. Tutte le giudìzie nèstre cchiù comùne sop'a le èssere umàne, bbuène, cattìve, egoìste, altruìste, ecc., sò categorìe sbagliàte, fondàte sop'o precongètte sbagliàte ca l'indivìdue umàne pòte èssere cchiù o mène "socialmènde ùtele". Le differènze esìstene, fra indivìdue e indivìdue, ma pulezzànne ogne combortamènde de qualùnque indivìdue da tutte le sovrastruttùre simbòliche cu le quàle sìme abbituàte a vestìrle, ce acchiàme 'mmàne sèmbe u stèsse mìneme denominatòre mùltiple: l'utilità sociàle.
Nan esìstene indivìdue socialmènde inùtele. Quanne quacchedùne jè socialmènde inùtele mòre. (Quèste nan vole dìsce ca ci mòre jè socialmènde inùtele). Ma... cè jè l'utilità sociàle?
Avìme prìme de tutte abbàtte u precongètte ca jè ùtele socialmènde ci fasce bbène a tutta la società o a cudda pàrte de la società ca ce piàsce de cchiù. Fìne a quanne ce ostinàme a descrìvere la realtà accome vulèssime ca la realtà fòsse, mà ce avvecenàme a la realtà.
Jè socialmènde ùtele chiunque soddìsfe qualùnque esigènze de l'alde. Nan pe forze n'esigènze ca tène u consènze nèstre. Pòte tràttarse de n'esigènze ind'a la quàle ce identificàme facilmènde (aiutà quacchedùne a sopravvìvere), oppùre n'esigènze lundàne da u mòde nèstre de vedè le cose (aiutà quacchedùne a accìdere quacchedùn'alde). Èssere ùtele socialmènde vole dìsce sùle quèste.
Jè diffìcile lassà u precongètte ca l'utilità sociàle jè pe forze quacchecòse de "bbuène". Consideràme, pe nature nèstre e retàgge culturàle, socialmènde ùtele la crocerossìne ca cure nu malàte, ma nan u trafficànde de dròghe o u dittatòre sanguenàrie. E jè pe colpe de quìste precongètte ca nan arreuscìme a capì picchè quacchedùne pòte fà u trafficànde de dròghe o l'assassìne. A stu pùnde avà sùle decìderse ce se vole capì accome funzione l'èssere umàne e la società sò o ce se vole 'mbèce cundenuà a crogiolàrse ind'a la misèrrema illusiòne de avè capìte ca ce stònne le bbuène e le cattìve e ca nù, naturalmènde, facìme sèmbe pàrte de le bbuène. Ce se vole capì, avà pe nu momènde mètte da vànne le dògme pròprie, cioè cudde "quòte" de Verità Rivelàte sòlidamènde arroccàte ind'a la mènde nòstre, dìghe ca nan ze pòtene scavalcà cundre le quàle vonne a fermàrse cudde mìlle fiùme e rivòle ca sò le canoscènze nòstre ca crèscene, se tràsformene, destinàte a confluì ind'a nu sapè dinàmeche e tumultuòse, ce nan fòsse appùnde pe cudde dìghe scème, àrgene sòlide cundre ogne comprensiòne in cchiù.
Nan esìste èssere umàne ùtele sùle a se stèsse. Nè esìste èssere umàne ùtele a tùtte l'alde. U cosiddètte lìbbere arbìtrie e cèrte le circostànze pòrtene le indivìdue a "scègghiere" le referènde a le quàle èssere ùtele ind'a la vite lòre. Ma la scèlte jè ràramènde, ce nan proprie mà, na scèlte veramènde tàle, na scèlte meditàte e consapèvole. Jè, cchiù de quèste, l'esercìzie de n'istìnde ca se tène da quanne se nasce, cudde istìnde ca fasce de l'èssere umàne n'anemàle sociàle. L'istìnde sociàle umàne pòrte l'indivìdue a cercà ate a le quàle èssere ùtele, o livèlle cchiù adàtte a le specificità sò. Quanne se jè criatùre, se jè ùtele a le genitùre accome fìgghie, e se jè ùtele a le ate criatùre accome cumbàgne de jùeche. Arrevàte a l'età adùlte, tutte e dù le funziòne pèrdene adeguatèzze. U cosiddètte "inserimènde ind'a la società" jè nu momènde delecàte pròprie picchè forte forte jè l'esigènze de passà da le funziòne andìche a le ruòle nùve de utilità. Ce se càle a precepìzie ind'o ruòle de utilità cchiù adàtte a le caratterìstiche sò fra cudde ca le circostànze fàscene acchià. Stè ci arrèsce a devendà avvocàte, ci jè felìce de devendà operàie, ci nan dròve de mègghie ca arrolàrse ind'a n'esèrcete mercenàrie, ci accumènze la carrière de tossicòmane. Cèrte de quìste attività a nù ne piàscene, ate no. Ci le pìgghie le scègghie, preferènne une a le ate, o accedènnese ce nan vède o nan arrèsce a 'mmaginàrse e a crearse ruòle ca sènde adàtte a le specificità sò. Qualùnque jè la strade pigghiàte, jèdde jè de utilità a quacchedùn'alde. Ce nan fòsse accussì, l'indivìdue morèsse in picche tìembe de fàme o de àlde.
Lassàme, u rèpete angòre, u precongètte ca jè de utilità sociàle cudde ca jè ùtele a la maggioranze de la popolaziòne. Jè fàlse. Jè n'assùnde ipòcrite ùtele sùle a farce sendì bbuène. O munne ce stònne 5 miliàrde de crestiàne. Applecànne rigorosamènde u càre precongètte nèstre, pòte èssere consideràte de utilità sociàle sùle cudde ca vole u bbène de cchiù de 2,5 miliàrde de crestiàne. Allòre, pure ind'o precongètte nèstre, le contraddiziòne nan ze pòtene superà. U fatte vère jè ca jè de utilità sociàle qualùnque còse ca se fasce in funziòne de quacchedùn'alde, ca quìste alde jè nu gruppe sociàle, na famìgghie, nu sìngole indivìdue o n'anemàle.
Adolf Hitler sènza dùbbie nan jère ùtele a le ebrèie ca facève stermenà, ma u jère a la popolaziòne ca l'avève dàte tutte u potère sò. Accussì, ind'a la guèrre du gòlfe George Bush nan jère ùtele a le irachène ca facève atterrà vìve ind'a le trincèe da càrre armàte ausàte accome trattòre, ma u jère a le popolaziòne occidendàle, nù pure, ca cundenuàme a vulè abbrusà ind'a le macchène nèstre u petròlie àrabe pagànnele mène, assà mène de cudde ca còste l'acque minneràle. U dittatòre ca scatène na guèrre nan jè ùtele a tutte cudde ca mòrene, ma u jè a le vengetùre ca sopravvìvene. U tossicòmane nan jè ùtele a le vìttime ca derùbbe, ma u jè o spacciatòre, e pure a l'industrie de le autoràdie. L'assassìne nan jè ùtele a la vìttime sò, ma u jè o mandànde. U mafiòse nan jè ùtele o commerciànde ca tagghièggie, ma u jè o polìteche a cui pòrte le vote, u polìteche corrùtte nan jè ùtele a cudde ca l'honne elètte, ma u jè o corruttòre. Galileo Galilei nan jère ùtele a le contemporàne sù ca l'honne perseguitàte, ma u jère a le descendènde ca l'honne sapùte capì. U delinquènde pìccole nan jè ùtele a cudde ca derùbbe, ma u jè a la famìgghie sò ca mandène cu le sòlde arrubbàte, o a le fèmmene sò ca pòte accussì chiangià de regàle o sèmblicemènde a la bbànghe addò riciclèsce u malettòlte. L'editòre nan jè ùtele a le forèste ca vènene stermenàte pe dalle la càrte, ma u jè a le lettùre sù. L'animalìste nan jè ùtele a le èssere umàne ca fàscene commèrcie de anemàle muèrte, ma u jè a le anemàle ca cèrche de salvà. U vegetariàne nan jè ùtele a le vegetàle, de le quàle jè custrètte a fà stràge pe mangià, ma u jè a le anemàle, ca nan vènene accìse pe jìdde. U trafficànde 'nternaziunàle de dròghe nan jè ùtele a le famìgghie rovenàte da le fìgghie drogàte, ma u jè a le spacciatùre ca vènnene a dettàgghie e a le bbànghe svìzzere, ca riciclèscene le sòlde sù illegàle. E a la fìne pure l'eremìte, ca nan jè ùtele a nisciùne crestiàne, picchè vive da sùle, u jè o càne o a l'àlde anemàle ca nan mànghe mà e ca "le tène combagnìe".
La società umàne jè na giùngle 'mbrogghiàte assà de nèsse de utilità reciproche. Chiamàme egoìste ci sèmblicemènde nan vole èssere ùtele a nù o a ci nù vulèssime ca jìdde se facèsse ùtele. Cèrte pure jìdde jè ùtele a quacchedùne. U rìcche avìde tìrchie ca nan mòlle na lire a nisciùne pe tutte la vite, ca nù tìpecamènde vedìme accome la quintessènze de l'egoìste" (cioè "de ci jè ùtele sùle a se stèsse"), jè 'mbèce ùtele a le bbànghe ca ausene le sòlde sù, e pure a le erède. U chiamàme egoìste sèmblicemènde picchè nù nan zìme le bbànghe nè le erède, nè ce identificàme cu lòre.
Quèste nan vole dìsce ca jè moralmènde la stèssa còse aiutà nu malàte o trafficà eroìne, e ci penzèsse ca jì u pènze sarrìe nu deficiènde. Ma u trafficànde de eroìne la pènze pròprie accussì, se no nan facèsse cudde ca fasce, e ce vulìme capì picchè u fasce avìme capì cè ne pènze jìdde, nan cè ne penzàme nù. E bbuène, jìdde vède nu mercàte, cudde de l'eroìne, e pènze ca quacchedùne servèsce cudde mercàte, ce nan u fasce jìdde. E ce nan ge stè u mercàte, jìdde vède le produttùre, ca tènene bisògne de nu mercàte, e ce quacche poste se prèste a devendà nu mercàte, u devèndesce cèrte, o ca jè jìdde a pènzarce, o ca jè n'alde. A nù pòte nan ne piàsce stu mòde sò de raggionà, ma jè u sò mòde de raggionà, e l'avìme capì ce vulìme capì le fenòmene ca ce stònne attaccàte. Capìrle, u rèpete, jè n'alda còse da giustificàrle.
Ogne tendènze umàne fasce nàsce, ca nisciùne sàpe accome, na tendènze cundràrie. Pigghiàte n'opiniòne qualùnque, alluccàtele o munne, e jìdde se devìde ind'a crestiàne ca la pènzene uguàle e crestiàne ca la combàttene. Quèste vale pe qualùnque opiniòne. Alluccàte ca le cìgne sò bbèlle, e assà diciàrranne ca tènene u cuèdde trèppe lùnghe. Facìte vedè amòre pe le jàtte, e assà diciàrranne ca le òdiene, 'nzultàte le càne, le serpènde, le scorpiùne, e quacchedùne se mètte a defènnerle, candàte l'amòre vèstre pe Dìe, e quacchedùne u jastemàrrà, jastemàtele e assà u vòlene bbène de cchiù, esaltàte l'amòre e ate u refiutàrranne pe l'òdie, cercàte la pàce e ate cercàrranne la guèrre, decìte ca cudde ca jì agghie scritte fìne a mò jè mèrde purìsseme, e ate u pigghiàrranne pe Vangèle.
U mìte de l'altruìsme e u mìte de l'egoìsme s'honna allòre abolì. Ognedùne se pìgghie la lùcide responsabilità de decìdere da sùle quàle funziòne de utilità a vandàgge de ci jìdde o jèdde vole e pòte tenè ind'a la vite sò. E rispètte cudde ca honne fàtte scèlte devèrse. U munne putèsse accussì devendà nu poste nu picche cchiù vevìbbele.
E soprattùtte, la scèlte de vite ca ognedùne ca pènze anche nu picchecìdde avà allòre fà, jè ce preferì la canoscènze pure amàre du cchiù plausìbbele de le nèsse fra le cose (in pràteche la realtà), e allòre stà canoscènze e la saggèzze ca vène appìrse onestamènde cercà, oppùre preferì sterilmènde pazzià pe tutte la vite cu le celebraziòne ripetitìve e confortànde du pùnde de viste sò ca nan ze mòve mà e jè sèmbe giùste e fìnde superiòre. Scusàte la fràse 'mbrogghiàte, ma m'è venùte de gètte. Ce nan v'è piaciùte scurdàtevele de prèsse.
E pe fenì in bellèzze, scusàteme ce nan zò alberoni, ma pure jìdde s'avà scusà de nan èssere jì o almène s'avà scusà de nan avè spiegàte bbuène e cu paròle sò cudde ca 'mbèce m'è tuccàte a mè penzà, a mè ca òltre a nan èssere nu sociòloghe cu la patènde, accome 'mbèce tutte pènzene ca jè jìdde, nan guadàgne mànghe nu sàcche de sòlde a tenè quìste penziere ca nan me spèttene, mèndre jìdde, a cui spèttene, 'mbèce le sòlde bbèlle le guadàgne sènza avèrle (le penziere ca agghie ditte).

Roberto Quaglia





Làsse nu Commènde.

Lìgge le commènde de le àlde.

Me piàsce! Me piàsce! Me piàsce!

Ìndece de le lèttere.

Copertìne.

Ma ci jè Roberto Quaglia?





L'òpere "Caro Maurizio Costanzo Show...", tutta sane o a pìezze, pòte èssere lètte, scarecàte sop'o computer, stambàte e copiàte senza lìmete, sule pe ùse personàle. Tutte le tèste e le illustraziòne sò proprietà de Roberto Quaglia e nan ze pònne ausà sane o a pìezze senza permèsse. U progètte gràfeche e le pìezze gràfece de quìste pàggene sò proprietà riservàte de Roberto Quaglia. L'òpere "Caro Maurizio Costanzo Show...", tutta sane o a pìezze, nan pòte èssere mettùte in vèndete a nisciùne tìtue senza permèsse de prime.
© 1994-2000 Roberto Quaglia.




















Spàrtele:FacebookXWhatsAppTelegramEmail