‹ Indiz de' sit · Ca de' museo · repêrt restaurê
Spartìs:FacebookXWhatsAppTelegramEmail
Viva l'Orór (Caro Maurizio Costanzo Show... lettera n.24)
lètra n.24

«Una matèna a bon'óra ad Zógn de' 1872 a j amazè e' mi bab - un at che, a cl temp, u m' fasè una prufonda impresiòn.»

AMBROSE BIERCE

«...E alóra, dònca, chi t si?»
«Me a so una pêrt ad cla fôrza ch'la vô in etèran e' Mêl e in etèran la fa e' Bén.»

GOETHE, Faust






















VIVA L'ORÓR

Caro Maurizio Costanzo Show,

l'è d'möda l'orór, basta ch'e' sia par finta. Mej s'l'è vèra, mo sèmpar par finta. Viva e' racapriciânt, basta ch'u s' sia sicur ch'e' sia par finta. U s' s' divèrt a ciapê pôra dabón par via ad cheuş ch'al pê vèri, mo finti.
U s' s' cala int l'angòscia d'un film de l'orór, duv che tot i prutagunesta i vén sbudlé par finta dabón. U s' s' nutres d'un telegiurnêl ch'u s' vumita int j'òc al scén d'êtar prutagunesta, sbudlé stavôlta dabón, mo par finta. I mört vèr de' telegiurnêl i è mört par finta, difati e' basta cambiê canêl e lór i spariss, del tot e par sèmpar, da al nòstri vit, duv ch'a scuprem acsè ch'i n' era mai aparì dabón, mo sól par finta.
U s' s' cala in qualsiasi versiòn d'orór fint cun una pasiòn che j'òman qualch vôlta i ciâma morbosa. In realtê l'è la pasiòn ad chi ch'l'impêra l'orór pr'al su rapresentaziòn ch'al n' è vèri, par mètas in grêd d'afruntêl mej s'mai lò e' s' presentès dnânz a nò cun e' su chêrich senza pietê ad realtê vera. U s' s' alèna a l'orór vèra, che par furtuna u s' tòca d'rêd, immedesimèndas int l'orór fint fintèsum di film pin ad mòstar ch'u n' s' crèd, e int quel vèra, mo fint par nò, di telegiurnêl pin ad mòstar ch'u s' crèd bén.
Mo guardê sti rapresentaziòn d'orór l'è, tot sumê, un esercizi piutòst pasìv. U s' impêra a livël bas, parchè tot quel che e' teleschérum u s' insegna l'è a livël bas. Par capì mej l'orór, e ësar pront a afruntêl s'mai lò u s' ciapès d'mira, l'è piò ùtil druvê la propri imaginaziòn. Difati, l'è sèmpar piò ùtil druvê la propri imaginaziòn invezi de' televisór par imparê, capì, sintì, apprezê o disprezê qualcvël. Par vacinês contra i rèsc ch'e' porta l'orór vèra, bsògna prèma ad tot n'avé pôra d'imaginêl. U s' cava sudisfaziòn dai film de l'orór e dai telegiurnêl (chi ch'u n' i cavès sudisfaziòn u n' i guardarèb, l'è ciêr) pröpi parchè lór i s' mett a e' nòstar post int la responsabilitê ad sciòr quêli oror imaginês. E' vén sò in nò cumè un sens ad colpa, a imaginê da par nò i oror ch'a n' vlem pr'la nòstra vita e par quela d'j'êtar. L'è un sens ad colpa fôra post, par via dla nòstra pôra che imaginê un orór e' pòsa purtê a fêl, quând che spes l'è invezi vèra e' cuntrêri.
A ciapem alóra in cunsideraziòn l'idea d'impalê e' nòstar gat ad ca o e' nòstar canén. Puvrèt, cum ch'i patirèb. L'idea la s' urta, e alóra a insistem imaginànd e' cuntrêri ad quel ch'u s' vén d'istènt, ciuè ad mètas a rìdar cun un prufond piasé sàdic dnânz a e' nòstar tesurèt ad ca ch'l'agunizza, e pröpi quând che la cumoziòn la s' purtarèb a smétla a j spudem invezi in faza, a e' nòstar pôvar cuciulèt ch'u s'à sèmpar vlù acsè ben, strapàndi i pél ón a ón e dàndi fôg a la côda imbivuda d'àlcol. L'è un pinsir pôc gentil. Mo u s' pò fê ad mej. A pudem imaginê un rigâl ad cumpleân del tot particulêr par la nòstra câra nòna, che quând ch'a s'era burdèl la s' cuntéva acsè ben al fôl, o par e' nòstar amê nunén. Cun la scusa ch'l'è e' su cumpleân a i lighem a una scrâna par zùg, e quând ch'i s'aspèta ch'e' riva e' rigâl a j iniètem invezi a ripetiziòn aqua salêda ch'la bói dêntar e' nês, nö senza avéi prèma imbavaié par ben. Pu, quând che l'atmosfera la s'è scaldêda a basta a fasem intrê in ca la znina banda ad pastur stupradur ch'a avem ingagê dop lònghi zirchi, individuv timprê da ân ad cöit cun pìguri e galèni, e quând che lór i s' dà da fê cun i nòstar pôvar non nò a avem e' bon gust d'imurtalê ogni detali cun la nòstra znina telecàmera, fasèndi pu sóbit dop arvèdar a i non sfnì e' filmê dal su prudëz ch'i n' vleva, e a j infurmem pr'curetëza che cun un espediént tècnic a sem culighé cun l'antena de' cundomini int la frequenza giösta, acsè che tot e' palàz u i sta adës guardènd a e' post ad RAI UNO. A vlé esagerê a pudrèsum mètar i fotogrâm mej int e' circuit telemàtic ad INTERNET, mitèndi acsè a dispusiziòn ad vént miliòn d'utént in tot e' mond. Mo a fôrza d'esagerê l'orór prest e' s' trasfórma in umurésum nìgar, e u n' fa piò l'istes efèt.
Qualcadun e' pudrà scandalizês, pinsànd che qualcadun êtar e' pòsa ardì ad pinsê qualcvël de' gèn. S'l'è par quest a pos ardì ad pinsê ben ad pez, mo a n' vleva adës fê vèdar quânt ch'a so bon d'imaginêm d'urébil. A vleva mètar in evidenza e' fat che imaginês da par sé i oror l'è un pas avânti rispèt a e' gest ad guardês i oror int un film o int e' telegiurnêl. U s' s' stupés di oror mustrê int un film ad Dario Argento & Colleghi e u s' s' stupés di oror mustrê int un telegiurnêl pr'la mancânza d'imaginaziòn ch'a fasem vèdar a n' imaginês par cont nòstar quel che e' regesta de' film l'à invezi savù imaginês e quel ad schifôs che i giurnalesta marpiòn i è ariv a scuvê in zir pr'la sucietê.
L'orór e' tira parchè u i è e parchè, siché u i è, bsògna savé difèndas. U n' s' e' cnos dabón fin ch'u n' s' e' incòntra. Mo u s' s' avsèna a cnòsal guardànd j'esèmpi che i film e i telegiurnêl i s' dà, opùr druvànd la propri imaginaziòn. Piò ch'u s' è avsinê a cnòsal, piò u s' è in grêd d'afruntêl quând che lò e' s' tuchès da avsèn. A quest i serv i film de l'orór, la viulenza in tivù, e i telegiurnêl. A quest la serv, ben ad piò, l'imaginaziòn, par chi ch'la sa druvê. Imaginê l'urébil, savènd ch'l'è urébil, in tot i su detali, u s' dà un bon putenziêl ad difésa contra ad lò.

Roberto Quaglia





Lasa un Cumént.

Lèz i cumént di êtar.

U m'pis! U m'pis! U m'pis!

Indiz dal lètar.

Cuperta.

Mo chi èl Roberto Quaglia?





L'òpera "Caro Maurizio Costanzo Show...", tota intìra o in pêrt, la pò ësar lèta, scarghêda int e' computer, stampêda e cupiêda sènza lèmit, sôl par ûs persunêl. Tot i tèst e al ilustraziôn i è pruprietà ad Roberto Quaglia e i n' pò ësar druvê tot intìr o in pêrt sènza autorizaziôn. E' prugèt gràfic e i cumpunént gràfic ad sti pàgin i è pruprietà riservêda ad Roberto Quaglia. L'òpera "Caro Maurizio Costanzo Show...", tota intìra o in pêrt, la n' pò ësar mesa in vèndita a niseun tìtul sènza autorizaziôn prèma.
© 1994-2000 Roberto Quaglia.




















Spartìs:FacebookXWhatsAppTelegramEmail