|
Quèst l'è e' prèm lìbar "shareware" italian (e fórsi de' mond). T'a l'pëgh sôl dop avél lèt, s'u t'è piasù. U n'è duvù gnint a l'autór se e' lìbar u n' pis. A chiunque invezi u j pis, u i tòca e' dovér ad spedì a l'autór una zifra prupurziunêla a quânt che e' lìbar u j è piasù. Cum s'fa a cuntrulê che quí ch'i à piasù e' lìbar pu i pëga dabón? L'è sémpliz: a cuntrulê u i pinsarà la cunzìnza de' letór stèss. I letór cun poca cunzìnza, o cun una cunzìnza d'bassa qualità, ch'i n' s'sint ublighé da st'imperativ ètic acsè vàlid, i è zà stê punì da la natura a bastânza, parchè i è mânch ad stil, curetëza, dignità, unór, e tot e' rest ch'i à o ch'i crèd d'avé u n' i pò piò aiutê. A sta zénta, esèri imónd, una nòstra équipe ad strigûn ad valór la s'darà da fê cun di efizìnt augùri ad un cucalòn malign. I letór umanamënt curèt, ch'i rispèta e' pàt d'unór ch'i pò firmê int sta pàgina, invezi i n' à e i n'avrà mai gnint da tmé, da e' dëstin e da la vita, parchè lô i fa pêrt dla mità migliôra dl'umanità.
Cum pagê? I sôld pôch i s'pò spedì ma l'autór ènca in cuntânt (int una busta sarêda, in mëz a un pêr ad fói ad chêrta par nö fê vdé ch'u i è di bajûch). Al zifri piò grândi as pò pagêli fazilmënt a la pòsta cun un vàglia indirizê a: Roberto Quaglia, Casella Postale 1433, 16100 Genova Centro (indirèz ubviamënt bôn ènca par la curispundënza urdinêria)
![]() | ||||||||||||||||