est de moda s'orrore, prus chi siat pro finta. Mègius si est reale, ma semper pro finta. Bìvat su racapritziante, prus chi si apat tzertesa chi siat pro finta. Si si divertit a s'ispantare a beru in virtude de càusas verosìmiles, ma fintas.
Si si falat in s'angòssia de unu film de s'orrore, in ue totu sos protagonistas benint isquartziados pro finta a beru. Si si nutrit de unu telegiornale chi nos bòmicat in sos ogros iscenas de àteros protagonistas, isquartziados custa borta a beru, ma pro finta. Sos mortos beros de su telegiornale lu sunt pro finta, difatis bastat cambiare canale e issos iscumparint, assolutamente e pro semper, dae sas vidas nostras, in ue gasi iscoberimus chi no fiant mai aparfidos a beru, ma isceti pro finta.
Si si falat in cale si siat versione de fintu orrore cun passione chi sos òmines carchi borta giamant morbosa. In realidade est sa passione de chie imparat s'orrore a traessu de rapresentatziones irreales suas, pro si pònnere in gradu de l'afrontare mègius cando mai issu si presentaret cara a nois cun su ispietadu càrrigu suo de efetiva realidade. Si s'allenat a s'orrore beru, chi pro fortuna de raru nos tocat, immedesimèndenos in s'orrore fintu fintìssimu de sos films prenos de mostros improbàbiles, e in cussu beru, ma fintu pro nois, de sos telegiornales prenos de mostros probàbiles.
Ma assìstere a custas rapresentatziones de orrore est totu summadu esertzìtziu belle passivu. Si imparat a bassu livellu, proite totu su chi su teleschermu nos imparat est a bassu livellu. Pro cumprèndere mègius s'orrore, e èssere prontos a l'afrontare cando issu mai nos aeret de leare de mira, est prus ùtile impreare s'immaginatzione pròpia. Difatis, est semper prus ùtile impreare s'immaginatzione pròpia imbetzes de su televisore pro imparare, cumprèndere, sentire, apretziare o dispretziare carchi cosa. Pro vatzinare a sese matessi de sos riscos chi s'orrore beru cumportat, bi cheret primu de totu no àere timòria de si lu immaginare. Si pigat satisfatzione de sos films de s'orrore e de sos telegiornales (chie no pigaret satisfatzione no los abbaidaret, est òviu) pròpiu proite issos si sostituint a nois in sa responsabilidade de iseberare cale orrore si immaginare. Aflorat in nois comente unu sensu de curpa, a immaginare a tortu de orrores chi no disigiamus pro sa vida nostra e pro cussa de sos àteros. Est unu sensu de curpa fora logu, dèpidu a su timore nostru chi immaginare un'orrore potzat indùere a lu cummìtere, cando est ispissu imbetzes beru su contràriu.
Pighemus tando in cunsideratzione s'idea de impalare su gatu de domo nostru o su cagnigheddu nostru. Poborittos, comente diant sufrire. S'idea nos urtat, e tando insistimus immaginende su contràriu de su chi nos benit istintivu, est a nàrrere de nos pònnere a rìdere cun profundu sàdicu praghere cara a s'agonizante tesoreddu domèsticu nostru, e pròpiu cando sa commotzione nos diat indùere a l'acabbare li ispudamus imbetzes in cara, a su poborittu cateddigheddu nostru chi gasi tantu nos at semper chèrfidu bene, istratzèndeli sos pilos unu a unu e allughende sa coa sua imbufada de àlcol. Est unu pensamentu pagu gentile. Ma si podet fàghere de mègius. Podimus immaginare unu regalu de cumpleannu de su totu particulare pro sa cara giaja nostra, chi cando fìamus minoreddos nos contàiat gasi bene sas fàulas, o pro su amadu giaju nostru. Cun sa iscusa chi est su cumpleannu issoro los atacamus a una cadira pro giogu, e cando s'aspetant chi arribat su regalu lis inietamus imbetzes a ripetitzione abba salida buddende in su nasu, no sena los àere primu acuradamente imbavagliados. Posca, cando s'atmosfera si est iscarfada abbastantza faghimus intrare in domo sa pitica banda de pastores istrupradores chi amus reclutadu a pustis longas chircas, indivìduos temperados dae annos de coidos cun berbeghes e puddas, e cando issos si dant a fàghere cun sos poborittos giajos nostros nois tenimus su bonu gustu de immortalare onni dettàgliu cun sa pitica telecàmera nostra, faghende luego a pustis torrare a bìdere a sas istenuadas giajas su filmadu de sas involontàrias braurias issoro, informèndelas pro curretesa chi mediante un'espediente tècnicu semus collegados cun s'antenna condominiale subra sa frecuèntzia giusta, gasi chi totu su palàtziu si est immoe ammirende a su postu de RAI UNO. Cherende esagerare diamus pòdere immìtere sos fotogramas megiores subra su tzircuitu telemàticu de INTERNET, ponèndelos gasi a disposìtzione de binti milliones de utentes in totu su mundu. Ma a fùria de esagerare s'orrore bene a prestu si trasformat in umorismu nieddu, e no faghet prus su matessi efetu.
Calicunu at a pòdere s'iscandalizare, pensende chi carchi àteru potzat osare pensare carchi cosa de custu gènere. Si est pro custu potzo osare pensare bene de peus, ma no cheria immoe dimustrare cantu deo siat in gradu de m'immaginare sos orrìbiles. Cheria pònnere in evidèntzia su fatu chi si immaginare dae sos sceti sos orrores est una evolutzione rispetu a su gestu de si abbaidare sos orrores in unu film o in su telegiornale. Si s'ispantat de sos orrores esibidos in unu film de Dario Argento & Colleghi e si s'ispantat de sos orrores esibidos in unu telegiornale pro sa mancàntzia de immaginatzione chi traimus a no nos immaginare pro contu nostru su chi su regista de su film at imbetzes ischidu si immaginare e su chi de ripugnante sos giornalistas marpiones sunt resessidos a iscoberrire in giru pro sa sotziedade.
s'orrore atraet proite esistit e proite dadu chi esistit bi cheret si ischire difèndere. No si connoschet a beru finas a cando no si atopat. Ma si s'acùrtziat a lu connòschere osservende sos esempros chi sos films e sos telegiornales nos fornint, opuru impreende s'immaginatzione pròpia. Cantu prus si est acurtziadu a lu connòschere, tantu prus si est in gradu de l'afrontare cando issu nos tocaret diretamente. A custu servint sos films de s'orrore, sa violèntzia in tivù, e sos telegiornales. A custu servit, bene de prus, s'immaginatzione, pro chie l'ischit impreare. Immaginare s'orrìbile, ischende chi est orrìbile, in totu sos dettàglios suos, nos fornit unu bonu potentziale de difesa contra a issu.

Roberto Quaglia