‹ Ìndece du site · Càse du musèe · repèrte restauràte
Spàrtele:FacebookXWhatsAppTelegramEmail
Gènova (Caro Maurizio Costanzo Show... lettera n.18)
lèttere n.18

U bbèlle de Gènova jè scirsìnne.

GIGI PICETTI


















GÈNOVA

Caro Maurizio Costanzo Show,

parlàme ogge de Gènova. Nan ne pàrle mà nisciùne, in Itàlie, e jè nu peccàte, picchè ge sarrèbbere sop'a quìste assà assà cose de cattivèrie sublìme da disce. Gènova jè na granna cetà, cchiù de Venezia, Firenze e Bologna. Pàtisce però na emarginaziòne crònneche da u proscènie de l'attenziòne naziònale, emarginaziòne de cui sò colpèvole le genuvìse stèsse. Le genuvìse sò nfatte vère e pròprie prìngepe de l'emarginaziòne, ma nan de la sòlete e tìpeche emarginaziòne de le cchiù pòvere e derelìtte, accussì diffùse in tutta Itàlie e in tutte u munne. Gènova jè maèstre a emarginà le cettadìne sù cchiù vìve. Ma nan pe cattivèrie. Nfatte, cchiù ca ind'a cudde ca s'à appène dìtte, Gènova jè perfètte ind'o gèste assùrde de emarginà pefìne sè stèsse da u munne. Da le orìgene sò spartùte da u rèste de la società da u mare e da le mùnde, Gènova se n'jè spartùte pure a lìvidde mendàle (e accome avèsse petùte èssere sennò?). Appoggiàte accome picche àlte metròpole sop'a le collìne affacciàte sop'o mare, dànne accussì de sè nu spettàcue ùneche ca nan vène mà a nòie, mìse mmèzze a une de le cchiù bbèlle rivière du munne, Gènova jè riuscìte pe miràcue a scanzà u 100% de le miliùne de turìste de tutte u munne ca sènza fermàrse mà se mòvene lassànne arrète a lòre na scìe de sòlde e de benèssere. La posiziòne geogràfeche de Gènova jè nu done ca picche àlte cetà ind'o munne se pòtene vandà. U clìme d'invèrne jè ndrà le cchiù mìte d'Itàlie e de stàte u cchiù ventilàte. Sènza fà ind'o passàte nudde de clamorosamènde sbagghiàte o appène quacchecosètte de giùste, Gènova petèsse mò èssere la Miami d'Europa. Immaginàte, immaginàte na spiàgge ca vàce da Vesima a Nervi, interròtte sckitte da u cchiù granne pùerte turìsteche du munne, cu cendenàre e cendenàre de albèrghe pe tutte le sacchètte chiène zìppe tutte l'anne de recchìsseme padrùne de panfìle e de turìste de l'Europa sane! Immaginàte u cèndre stòreche genovèse, u cchiù granne d'Europa, chiène de turìste beàte, ntasàte de gènde ca vole spènne! Immaginàte la cetà d'Aùste, ca brulìche de crestiàne ca se gòdene e ca spèndene nan mène ca a Rimini! Nudde fàbbreche de Cornigliano ca pèrdene sòlde e ca fàcene sckitte càngre! O poste lòre: nu luna park permanènde affacciàte sop'o mare, a nu passe da la spiàgge!
D'Aùste a Gènova nan ze iàcchie nu negòzie apèrte manghe a pagàlle.
A Ferragùste la cetà jè mòrte, o in animaziòne sospèse. Accussì silenziòse da fà penzà ca na bbombe o neutròne l'à sterilizzàte da la popolaziòne sò. Tutte le genuvìse stònne a spènne da àlte vànne, quanne sarrìe state accussì facile fà sì ca fossere l'àlte, le non-genuvìse, a passà l'Aùste a Gènova a spènne le sparàgne lòre.
De ci jè la colpe?
Succède pure spèsse ca n'indivìdue nan jè u colpèvole du destìne sù. Nan zuccède la stèssa cose a le pòpue. Le pòpue sò responsàbbele du destìne lòre. Le genuvìse sò colpèvole de èssese sputtanàte l'eredità ambiendàle ca tenèvene a disposiziòne, lassànne ca devendàsse cuve de fetènzìe u cèndre stòreche ca avèsse appassionàte turìste de tutte u munne, lassànne le spiàgge lòre a la mercé de le fàbbreche ca nan fàcene sòlde e fàcene càngre, emarginànne sistematicamènde ci facève qualsìase cose cu coscènze, e a la fine, condenuànne angòre mò ind'a la pazzìe lòre cecàte e autolesionìste.
Se cambe màle a Gènova, ogge cchiù de ajìre e mène de crà, ogne angue scùre jè u poste prefèrite de le meggiàre ce nan decìne de meggiàre de giòvene genuvìse tossicòmane.
Addò angòre ge n'è, l'intelligènze sòffre, a Gènova, a la viste de stà cecetà strategiche collettìve, ind'a la comprensiòne de le tare mendàle orrènde ca honne portàte Gènova a na ruvìne accussì granne o poste de la prosperità luminòse ca le risòrse eccezionàle sò l'avèssere fatte facilmènde realizzàbbele.
Jè pe quìste ca da Gènova fusce e ha da fusce ci ind'o archètipe du genovèse nan ze reconòsce e nan ze vole rassegnà a reconòscese.
Sò scappàte in tande. L'artìste, tutte. Opùre honne fernùte de fà l'artìste. A Gènova nan zopravvìve a lùnghe nu cantautòre, nu còmeche (pe nomenà le categorìe de artìste ca "vanno per la maggiore"). Ma nemmanghe nu scrittòre, nu pittòre, nu regìste teatràle, n'attòre. Ce a Parigi o a Venezia nu uagnòne sòne pe la vie pe guadagnàrse quacche sòlde jè n'artìste in èrve. Ce u fasce a Gènova jè nu pezzènde. Pe quàle mutìve cantautòre e còmece genuvìse sò in mèdie le megghie d'Itàlie? Picchè fine a quanne nan honne lassàte Gènova honne maceràte ind'a l'indifferènze generàle, costrètte da u delòre lòre de nan èssere pe nudde consideràte a migliuràrse e a migliuràrse e a migliuràrse, etèrnamènde pe nudde, fine a quanne, lassàte fenalmènde stà chiàzze cecàte, honne petùte mesuràrse cu ci, ind'o rèste d'Itàlie, avève fatte o stèsse timbe cose sìmele a le lòre, ma cu mène delusiòne, mène frustraziòne e allore, mène crescìte artìsteche.
Cudde ca agghie appène dìtte jè natùralmènde discutìbbele, ma ci u vole discùte m'avà spiegà, allore, a ce jè dovùte pe esèmbie la cosiddètte "scuola genovese" de le cantautòre. Pòzze garandì ca nan esìste nisciùna scòle de stu gènere. L'ùneca scòle de Gènova, ca obblìghe l'artìste o u penzatòre a renunzià o a migliuràrse, jè l'Indifferènze. L'Indifferènze dettàte nan da u snobìsme, ma da l'Ottusità. Jèdde distrùgge na mènde origenàle opùre la tèmbre.
Giranne pe u munne e ngondranne, accome succède spèsse, nu taliàne, t'addùne sùbbete ce jè nu genovèse. U mène fore da l'ècchie. Opùre, u capìsce da cudde ca da l'ècchie nan mène fore. Le genuvìse ca angòre sò vìve da ìnde, quanne gìrene fore da le confìne de la segregaziòne genovèse ménene lambe da l'ècchie ca nan ze pònne sbagghià, lùsce de entusiàsme ca nan ze pò frenà a scoprì ca nan tutte o munne jè angòre muèrte. O mmèce, ce a cammenà a l'èstere sò le genuvìse cchiù tìpece, nu vèle opàche de nègghie inghiène u sguàrde lòre spènde pe sèmbe, ca ce nan stà attìnde sùbbete te reinfètte cu l'umòre ca a Gènova a ogne mòde nan pù scanzà de tenè.
U genovèse jè chiùse, accome chiùse jè sèmbe stàte, geograficamènde, la cetà sò. Stà chiusùre, stà avarìzie mendàle, ind'o passàte, fu de secùre ùtele pe sopravvìve. Ogge, ca le confìne geogràfece nan zò cchiù ostàcue a la comunicaziòne, chiùdese o munne nan jè cchiù strategìe pe sopravvìve, ma de autoemarginaziòne e de estinziòne. Gènova stà a agonizzà, o forse jè già mòrte, nan zàcce, ma nan v'la pigghiàte cu mè. (a metàfore espresse nan ze guàrde in vòcche)

Roberto Quaglia





Làsse nu Commènde.

Lìgge le commènde de le àlde.

Me piàsce! Me piàsce! Me piàsce!

Ìndece de le lèttere.

Copertìne.

Ma ci jè Roberto Quaglia?





L'òpere "Caro Maurizio Costanzo Show...", tutta sane o a pìezze, pòte èssere lètte, scarecàte sop'o computer, stambàte e copiàte senza lìmete, sule pe ùse personàle. Tutte le tèste e le illustraziòne sò proprietà de Roberto Quaglia e nan ze pònne ausà sane o a pìezze senza permèsse. U progètte gràfeche e le pìezze gràfece de quìste pàggene sò proprietà riservàte de Roberto Quaglia. L'òpere "Caro Maurizio Costanzo Show...", tutta sane o a pìezze, nan pòte èssere mettùte in vèndete a nisciùne tìtue senza permèsse de prime.
© 1994-2000 Roberto Quaglia.




















Spàrtele:FacebookXWhatsAppTelegramEmail