‹ Ìndece du site · Càse du musèe · repèrte restauràte
Spàrtele:FacebookXWhatsAppTelegramEmail
Va' penzìre! (Caro Maurizio Costanzo Show... lettera n.19)
lèttere n.19

Ci tène esperiènze de na fatìe sciendìfeche sape ca cudde ca se refiùtene de scì de ddà da le fatte rarameènde arrìvene a le fatte stèsse.

TH. H. HUXLEY




















VA' PENZÌRE

Caro Maurizio Costanzo Show,

t'addùne ca sì virtualmènde immortàle? Dìche "virtualmènde" pe nan fàlla tròppe fore du bulacco. Ma tutte cudde ca ind'a te succède nan scombàre succedènne, accome succède a le fenòmene clàssece. Ogne mumènde de la manifestaziòne tò jè conzervàte fedelmènde cu la procedùre màggeche de la videoregistraziòne, e nan jè atterràte ind'o passàte. Nudde ne vìete de penzà ca fra quacche millènnie le immàgene e le descùrse de cui sì fatte vènene mostràte ind'a nu musèe elettròneche du futùre... (ce vole disce nu musèe elettròneche? cudde ca agghie scritte jè na banalità immàne; l'elettròneche jè attuàle ogge accome u motòre a vapòre u jère ind'o sècule passàte; fra meggiàre de anne...) ...o cchiuttòste, ind'a nu musèe mendàle, qualsìase cose stà invenziòne putarà èssere. Nudde ne vìete nfatte de immaginà ca ind'a nu futùre ca nan ze sape quanne, tutte cudde ca ind'o passàte fu scritte, candàte, sunàte, fatte in immàgene, pòte èssere direttamènde accessìbbele a la mènde de ognùne cu sckitte l'esercìzzie de la nténzione pròprie. Cu àlte paròle, cu tècneche ca pe nù ogge nan ze pònne immaginà (accome nan ze pùtevene immaginà de secùre le tècneche informàteche pe le crestiàne du medioèvo), nu crestiàne putarà "vedè" direttamènde ind'o cervìdde sù qualsìase film ca s'à mà giràte, sendì qualsìase canzòne ca ognùne ha mà candàte, pefìne "cambà", in modalità ca nù angòre nan canoscìme, fatte succèsse sècule prime. Cudde ca stoche a disce nan jè già mò nudde de tròppe straordenàrie, quanne le progrèsse ind'o svilùppe de le tècneche de realtà virtuàle fàcene presagì l'inauguraziòne de n'èra de esistènze pure tutta fittìzzie già pe l'inìzie du sècule ca vène, ciuè fra mène de nu decènnie. Picchè ind'a la stòrie umàne la realtà ha sèmbe scavalcàte la cchiù sfrenàte de le fandasìe, se ne petèsse capì ca qualsìase ipòtese la mènde umàne pòte immaginà pu futùre de la spècie nèstre, bbastànne ca nan stà in condràste totàle cu le cchiù evidènde de le lègge de la natùre, jè destinàte nan zckitte a avveràrse, ma a èssere pefìne scavalcàte da le fatte vère.
Jè quìste nu penzìre pe ddavère intrigànde, caro Maurizio Costanzo Show. Sckitte ind'a stu sècule òrde de scrittòre s'entusiàsmene a scrìve de cudde ca u futùre offrarà a l'umanità. Sbagghiàrene, ind'a le sècule e ind'a le sècule passàte, tutte le crestiàne cchiù dòtte, ca mà prevedèrene nu futùre in sostànze devèrse da u presènde lòre. Sbagghiarànne allore pure tutte le scrittòre de fantascìènze de mò, e pure lòre, accome le predecessòre lòre, pe defètte? Le stòrie lòre già de pe sè mirabbolànde e ingredìbbele, sarànne superàte da na realtà angòre cchiù allucinànde? Ce la lògeche nan jè n'opiniòne, sarà accussì, pure ce la mènda nèstre se mètte condr'a stà ipòtese, picchè nan accètte ca da quacche vànne (in stu càse ind'o "futùre") ge pònne èssere incògnete ca jèdde nan pò tenè sotte u condròlle sù.
Sì allore virtualmènde immortàle, caro Maurizio Costanzo Show. Cudde ca ind'a te vène dìtte rimbombarà quacche vòte, qquà e ddà, ind'a le mènde de indivìdue ca honna angòre nàsce. Accome a nù arrìvene le immàgene sfocàte e accelleràte in bbiànghe e nìre de le prime film de inìzie sècule, chiène de protagonìste ca da tanda timbe honne fernùte de èssere, farà nu jùrne tenerèzze o àlte sensaziòne a quacchedùne u fatte de guardàrse le sequènze bidimensionàle de le trasmissiòne tò, sendì le personàgge ca honne cambàte ind'a te recambà chèdde ca parèrene le conversaziòne lòre assùrde e passàte de mòde.
Ge stà quacchecòse de soprannadùrale in tutte quìste. Nudde ca ind'a te succède scombàre. "Verba volant" se dicève na vòte. Pe millènnie, le paròle nan honne lassàte tràcce. Né le gèste. Tutte scombarève succedènne. Da mò in pò, pe cudde ca te reguàrde, nan zarà cchiù accussì. Ogne parolàcce de sgarbi jè remàste, ca se pò ripropòne a l'infinìte, giudecàbbele e rigiudecàbbele fine a la fine de le timbe o de l'Òme o de le supporte addò tu, Maurizio Costanzo Show, sì e sarà registràte. Ogne manifestaziòne de bellèzze, ind'a te e ind'a la trasmissiòne tò, nan jè stàte effìmere, esìste angòre, e se manifestarà quanne la richiamàme a la manère giùste. Pe mò la manère giùste jè cudde de rimannàrle in onde, o de revedèrse na cassètte registràte. Nu jùrne, accome già dìtte, putarà abbastà sckitte la nténzione pròprie. S'accedarà a le recùrde audiovisìve collettìve cu sfòrze mendàle sìmele a cudde ca nù normalmènde già tutte le jùrne ùsàme pe arrecordà cudde ca sapìme. Pe cudde timbe, l'istruziòne sarà forse tutta staccàte da le libbre, ca ind'a la forme de ogge comunque nan esisterànne cchiù. (Prime de tutte picchè nan esisterà cchiù la carte. La carte vène nfatte fatte da l'àrvele e ind'o cùrse du sècule ca vène l'Umanità darà probbabbilmènde fonde a le ùldeme risèrve de forèste ca ogge angòre resìstene e ogne tipe de àrvele scombarà pe sèmbe da la terre e cu jìdde la carte. Pe secònde, la carte de le libbre ca esìstene mò se sarà decompòste da sole, picchè accussì fasce la carte: aspètte pe nu picche ca quacchedùne la lègge, pò zitte zitte se decompòne dòpe picche cendenàre d'anne o màsseme, scombarènne nzìme a le paròle ca ge stònne de càse.) La cultùre sarà ind'a la capacità de acchià, ind'o smisuràte database de tutte u scìbbele digitalizzàte (o registràte a n'àlta manère), 'nformaziòne, immàgene e correlaziòne de documènde. U scìbbele digitalizzàte (accome a mè mò me piàsce de chiamàrle), sarà in cèrte sènze n'ambiènde mendàle, n'ambiènde immènse e complicàte. La differènze ndrà l'ignorànde e u crestiàne istruìte sarà dàte da l'acquisiziòne megghie o pèggie de le tècneche ca ge vòlene pe destrecàrse ìnde. Le cchiù intelligènde mbararànne tècneche cchiù complicàte. Sarà, cudde ca mò confusamènde stame a fantasticà, inevitabbilmènde n'esistènze tutta mendàle. Quìste nan zarà comunque pe nudde na pèrdete. Cudde ca ne succedarà o ne parèrà de succèderne, ne parèrà a tutte l'effètte vère e allore de fatte u sarà. Pure malatìe e mòrte sarànne purtròppe vère pure sènza èsserle. Cudde ca u cervìdde jè fermamènde convìnde ca ge stà a succèdere, pe ddavère ge succède, compresa la mòrte (dura lex, sed lex psicosomaticae). Ma le vandàgge de stà società mendàle ca avà venì sarànne eclatànde: l'èssere umàne trascennarà pe l'ennèseme vòte le lìmete sù de prime, mandenènne le passiùne sò, le vìzie animàle sù e le tare genèteche inquadràte ind'a nu sistème nùve sofisticatìsseme ca ind'a la fandasìe nèstre mò confusamènde pare impossìbbele e misteriòse (accome impossìbbele e misteriòse parèsse u sistème de vite nèstre de mò a l'Òme Medievàle), ma ca a l'Òmene e Fèmmene du futùre parèrà sèmblecemènde - accome sèmbe jè state dòpe ogne gradìne de svilùppe - normàle, scondàte, e pure nojòse. Caro Maurizio Costanzo Show, l'oraziòne mè de ogge nnanze a te jè fernùte. Ramìtte le concètte mìje a le pòstere opùre no e accussì sìe.

Roberto Quaglia





Làsse nu Commènde.

Lìgge le commènde de le àlde.

Me piàsce! Me piàsce! Me piàsce!

Ìndece de le lèttere.

Copertìne.

Ma ci jè Roberto Quaglia?





L'òpere "Caro Maurizio Costanzo Show...", tutta sane o a pìezze, pòte èssere lètte, scarecàte sop'o computer, stambàte e copiàte senza lìmete, sule pe ùse personàle. Tutte le tèste e le illustraziòne sò proprietà de Roberto Quaglia e nan ze pònne ausà sane o a pìezze senza permèsse. U progètte gràfeche e le pìezze gràfece de quìste pàggene sò proprietà riservàte de Roberto Quaglia. L'òpere "Caro Maurizio Costanzo Show...", tutta sane o a pìezze, nan pòte èssere mettùte in vèndete a nisciùne tìtue senza permèsse de prime.
© 1994-2000 Roberto Quaglia.




















Spàrtele:FacebookXWhatsAppTelegramEmail