Roberto ël mutant

10 fòto a l'ann

Minca ann ëd mia vita contà con 10 fòto ch'a lo rapresentrìo. An realtà a son nen sèmper 10. Certe vòlte a son vàire ëd pì, certe vòlte vàire ëd meno. A-i é nen giustissia ant j'agn. E, s'a l'é për sòn, gnanca ant le fòto. Vàire event e përsone significative ëd mia vita a son sì dël tut assent, përché a na esist nen fòto opura mi i-j l'hai nen.

Event

An particular conventions literarie ëd fantasienza italian-e e forëstere, a cui i l'hai ciapà part, + autor famos, vacanse assortìe, vagabondagi ecc.

'E Colession Antrega, ant la colòna ëd drita, a buto a disposission tute le mie fòto ëd l'event an órdin cronològich e indiscriminà (consijà dzortut ai fanàtich, a chi ch'a l'avèissa ciapà part a l'event o a chi ch'a dòvra na conession a Internet tròp lenta për le selession essensiaj).

'E Selession Essensial, pì rasonevolment, av presento mach na ridòta serna ëd mie fòto preferìe, con oportun-e didascalìe për capì chi ch'a l'é chi.

Ant la colession antrega le fòto a son comsëssìa pre-visualisà con thumbnails, lòn ch'a peul risulté vàire pràtich, e le fòto a son peui visualisàbij un-a a un-a an grand formà, antramentre ant la selession essensial le fòto a compàro tute ansema an formà medi, e ël cariament dle fòto a peul risulté lent për chi ch'a l'ha nen na conession Internet lesta. Fé ij vòst tentativ e serné la modalità ch'i preferisse.

Veje galerìe:
Conventions ëd fantasienza 1997-1999

Conventions ëd fantasienza 1990-1996

Tema

Fòto Vàire Colorà - Colession ëd fotografìe basta fantasiose da mi realisà an gran part ant ij prim agn otanta ansema a l'amis Gigi Picetti. Pì dël 90% dle fòto a l'ha për soget na facia feminil, dàit che se pròpi a-i bzògna punté n'obietiv fotogràfich da quàich part, tant a val che ël paesagi a fussa meritèivol ëd nòstra atension. Comsëssìa, për rende le face feminij meno prevedìbij, as l'é sì pensà bin ëd trasfiguré-je un pòch, dovrand però mach purìssim foton colorà, gnente truch e gnente eletrònica. Për j'amant dle còse strane, na vìsita an sta galerìa a l'é vivament consijà.

Mia campagna eletoral surealista ch'a l'ha fonsionà benìssim, tant a l'é vera che peui a m'han elegiù...

Un pòch ëd sàtira e vignëtte che un tòt d'agn fa a-m é capità ëd generé

Àutre còse da vëdde i podrìe trové-je ansima a la pàgina dle Rassegne Stampa.

Anfin, naturalment, se al Vëdde i veule gionté l'Audì, i peule acomodé-ve ant la session dj' Video.