Contribùt e donassion

QUANT DNÉ AS PEUL MANDÉ A ROBERTO QUAGLIA?

A-i é nen na sifra fissa. E a-i é nen un lìmit. Certe përsone a mando mach quàich Euro a Roberto Quaglia, na sifra simbòlica. Pì tìpicament, chi ch'a veul contribuì a la vita ëd Roberto Quaglia a lo fa con almanch 10 Euro - ël còst ëd na pizza e n'aqua mineral. Vàire përsone a contribuisso però ëdcò con sifre pì gròsse. A l'é nen rar che ël contribùt a riva ëdcò a 100 Euro e pì. Përsone ëd gran valor a l'han contribuì ëdcò con 1000 (mila) Euro. Chi ch'a l'ha tant a peul dé tant. Ëdcò desmila Euro o sentmila Euro a sarìo contribùt gradì. Dal milion ëd Euro an su as oten un special sertificat ëd autèntica benmerensa.

PËRCHPËRCHÉ NA PËRSON-A A PEUL MANDÉ DNÉ A ROBERTO QUAGLIA?

Prima ëd tut përché Internet a lo përmet rendend-la n'operassion curta e sémplice. A-i son peui vàire motivassion ch'a spingo le përsone a mandé dné a Roberto Quaglia. Certe a mando dné a Roberto Quaglia sémpliciament përché sòn a-j smija na bon-a idea. A-i é quaicòsa, an Roberto Quaglia, ch'a-j fa vnì veuja ëd fé quaicòsa për chiel, ma, savend nen esatament còsa, a-j sping a mandé-je un pòch ëd dné, savend che chiel a gradirà.

Àutre përsone a mando dné a Roberto Quaglia përché a lo ten-o un dritt sò. A l'é un dritt sacrosant ëd minca përson-a lìbera ëd serne còsa fé dij sò dné. Ste përsone a lo san, e apressiand j'ativ ëd Roberto Quaglia a veulo fermament sostnì-je con un contribùt personal sò. A preferisso ëd gran longa che un pòch dij sò dné a vada a Roberto Quaglia anvece che ai sòlit parassit e avoltòj.

A-i son përsone ch'a mando dné a Roberto Quaglia sémpliciament përché sòn a-j fa sté mej. A lor a-j anteressa nen savèj përché ëd tant an tant a regalo dné a Roberto Quaglia. A lor a-j anteressa mach che sòn a-j fa sté bin. La prima vòlta 'd sòlit a esito, dàit ch'a l'han mai fàit quaicòsa dël gener, parèj, sensa un motiv precis. Peui, scasi sensa pensé-je, a sponzo ël boton "Make a donation" e a mando ël sò prim dné. A na son mai pentì. A l'é na còsa ch'a-j rend pì seren. Minca vòlta.

Certi individó a mando dné a Roberto Quaglia përché a l'é un status symbol. Nen tùit a peulo francament vanté-se d'avèj mandà dné a Roberto Quaglia. Mach chi ch'a l'ha dabon fàit-lo a peul afërmé na còsa dël gener sensa un dì risché ëd perde la facia. A ste përsone a-j pias podèj dì: Mi i son stàit un dij prim a mandé dné a Roberto Quaglia. Chi ch'a-j peul dé tòrt?

Àutre përsone a preferisso mandé dné a Roberto Quaglia përché a lo dëspresio. Certe ëdcò përché a l'òdio. Mandé dné a Roberto Quaglia a l'é për lor na manera d'umilié-lo. Lor a dimostro soa superiorità rispet a Roberto Quaglia obligand-lo a acetté ij sò dné. A l'é na serna ëdcò costa, che gnun a l'ha ël dritt ëd biasimé.

Certe a l'han nen bin ciàir an ment përché mai a dovrìo mandé dné a Roberto Quaglia. Për sòn, prima ëd decide, lor a s'imàgino coma ch'a së sentiran dòp avèj-lo fàit. A l'é na sensassion gradìa. Coma tùit ij piasì dla vita, l'orìgin dla sensassion ëd piasì a l'é misterosa, ma sòn a la rend mach pì atraenta. Imaginé-se coma ch'as sentirà dòp avèj mandà ël sò contribùt a l'é la manera mej për savèj con sertëssa se e quant dné as sent ëd vorèj mandé a Roberto Quaglia.

*Mandé dné a Roberto Quaglia a l'é un-a dle manere possìbij d'interagì con chiel. La vita a l'é un fenòmeno biològich e spiritual fàit ëd relassion e transassion d'energìa tra j'individó. Certe forme ëd relassion a son pì complesse e elegante, àutre a son pì sémplice e contàbij. L'amor a l'é sensa dubi ël contribùt pì eclatant ch'i podoma oféje a chi ch'an pias, ma nen sèmper a riva a destinassion e a produs ij sò efet. Ël dné a sarà nen pien dij midem "quant" ëd pur spìrit, comsëssìa almanch i soma sigur ch'a riva a destinassion (dzortut dovrand Paypal) e a produs dabon ij sò umij efet. Preuvé për chërde.

Se i veule contaté cost mutant
ch'a càmbia soa facia con ël temp,
i seve com fé.

Se i lo seve nen, CLICHÉ SÌ

Se i seve nen com fé, lassé perde

Ùltima modìfica, 23 otóber 2003

Tùit ij test e j'imàgine contnù an "Astounding Quagliaspace", a peulo esse lesù, vardà, adorà, scarià sù 'l computer, stampà e tacà ant la propia cambreta, e copià sensa lìmit, MACH PËR USO PERSONAL. Tùit ij test e j'ilustrassion a son proprietà ëd Roberto Quaglia e a peulo nen esse dovrà antregh o an part sensa permess. Ël proget gràfich e le componenti gràfiche ëd ste pàgine a son proprietà riservà ëd Roberto Quaglia. Gnente ëd sòn a peul esse butà an vèndita o comsëssìa comersialisà a gnun tìtol sensa permess prima.