‹ Ìndece du site · Càse du musèe · repèrte restauràte
Spàrtele:FacebookXWhatsAppTelegramEmail
U Nòme de la Rose (Caro Maurizio Costanzo Show... lettera n.7)
lèttere n.7

Ausà paròle ca nan z'àusene jè n'àtte de maleducaziòne letteràrie. Sùle le difficoltà du penzìre s'honna mètte mmènze a le pìte du pùbbleche.

KARL KRAUS






















U NÒME DE LA ROSE

Caro Maurizio Costanzo Show,

scùse ce dèche u tìtole a la lèttere accome ha fatte umbertoeco cu u libbre sù, ma tande cudde tìtole nan ge trasève nudde cu u libbre sù accussì accome u stèsse nan ge tràse nudde cu la lèttere mè. Jìdde ind'a la sapiènze sò e jì ind'a l'ignorànze mè avìme fatte la stèssa còse.
Ogne tande ca me càte l'ècchie sop'a tànde de chèdde lèttere mìje tutte chiène de paròle ca nan capìsche e frase ca capìsche angòre mène de le paròle, pènze ca ce vòle probbie ca quacche vòlde te scrìve pure quacchedùne accome a mmè, cchiù semblìce e pure sincère, almène crède. Jì u sàcce ca me dìscene ca sò probbie la stèssa persòne ca scrìve pure tutte chèdde lèttere accussì 'mbrugghiàte, e me dispiàsce pure ce sò condènde. E se vète bbuène ca u sàcce picchè ggià o prengìpie dìche ca me càte l'ècchie sop'a le mìje lèttere, quinde se capìsce ca jì sàcce ca sò mìje, o cmungue u capìsche jì e quìste m'abbàste.
Agghie lètte na vòlde sop'a la carte de nu cioccolatìne ca nù tutte (le crestiàne) sìme pure parècchie identità tutte nzìime o cchiù ttòste a ttùrne. C'endre quacchecòse cu la pissicanàlisi, chèdda sciènze 'nvendàte da Froid. Pe mèrite de Froid jì allòre sàcce ca certe vòlde scrìve le còse tutte 'mbrugghiàte, cu pure le paròle difficile e le frase angòre de cchiù, e le alde vòlde accome ogge nan rièsche a capì n'acca de cudde ca m'arrecòrde ca pure agghie scritte jì. Jè buffe, vère, caro Maurizio Costanzo Show?
Agghie viste ind'a le televisiòne nu bbèlle film ca se chiamàve "I due mondi di Charlie", ca parlàve de nu scème ca ce fàcene na cure pe addevendà la persòne cchiù 'ndellegènde du munne e jìdde ce addevènde daddavère, ma a la fine tòrne scème, e quanne tòrne scème s'arrecòrde però ca jère state 'ndellegènde, e pure ce nan gapìsce nudde de chèdde paròle e frase ca ha scritte da 'ndellegènde u fatte de èssere state 'ndellegènde ce piàsce u stèsse pure mò da scème. Jì agghie viste u film, ma m'arrecòrde ca la persòne ca sò da 'ndellegènde (tutte quìste jè stràne, vère?) avève pure lètte u libbre, ca se chiamàve e fòrse se chiàme angòre "Fiori per Algernon". Ce pe ccàse ce stà quacchedùne 'ndellegènde ca lègge ce consìgghie de lèggere u libbre, pe tutte le alde accome a mmè jè megghie guardà u film ca tande la stòrie jè la stèsse e vè pure a fernèsce a la stèssa manère. L'autòre du libbre se chiàme Daniel Keyes, u dìche picchè o show tù s'àuse a dìsce le nòme de cudde ca scrìvene le libbre bbèlle, e pure ce jì nan l'agghie lètte le libbre ca tu dìsce sèmbe ca sò bbèlle jì ce crède daddavère ca sò tutte assà bbèlle picchè m'u ha ditte u portinàre mì ca se ne 'ndènne.
La vìta mè jè bbèlle, caro Maurizio Costanzo Show. Sò condènde de èssere la persòne ca sò, e sò condènde de èssere pure chèdde ca nan zò. Spère ca nan stoche a ffà confusiòne. Vògghie dìsce ca me piàsce pure ca certe vòlde sò 'ndellegènde (crède ca le 'ndellegènde sò cudde ca pàrlene cu le paròle tutte difficile e le frase angòre de cchiù), picchè sò convìnde ca èssere 'ndellegènde ave a èssere na còse bbòne. Ce stà però na còse ca me dà nu pìcche de fastìdie, ind'a quìste fatte de èssere 'ndellegènde a ttùrne. Jì me sènde me stèsse, se capìsce, e sàcce ca quìste jè giùste picchè ce ùne nan ze sènde sè stèsse in pràtiche jè malàte, crède ca pure qquà ce stà la mànecèdde de Froid. Visto ca sò 'ndellegènde a ttùrne, e mò nan u sò, jì me dummànne cè succède cu mmè quanne nan zò me? La carte du cioccolatìne dìsce ca sìme tutte assà crestiàne, quìste l'agghie capìte. E allòre, quanne jì nan zò me stèsse picchè sò quacchedùn'alde (pe esèmbie u 'ndellegènde), addò vàche a fernèsce jì? (cioè cudde ca sò mò?) Quèsta còse agghia dìsce ca me dà nu pìcche de fastìdie. Spère ca nan penzàte ca sò 'ndellegènde condre la volondà mè.
Certe vòlde fòrse sò pure cchiù semblìce de ogge, ma nan u sàcce. Ci sape ce quanne sò 'ndellegènde m'arrecòrde ca jì sò pure accussì accome mò, cioè assà megghie (umanamènde parlànne), ma cchiù semblìce.
Quanne sò accome sò mò me dummànne pure cè vòle dìsce èssere 'ndellegènde, precìse. E ce ùne se stùdie a mmemòrie tutte le paròle difficile e pure le frase ca s'honna sapè pe èssere 'ndellegènde, dope vòle dìsce ca accussì s'ha addevendàte 'ndellegènde? Me dummànne ce me dummànne quèste dumànne pure quanne sò 'ndellegènde, e ce se capìsce m'arrìve la resposte visto ca allòre sò 'ndellegènde. E me dummànne ce quanne sò 'ndellegènde me dummànne ce quanne sò accome mò me dummànne la stèssa dumànne ca m'agghie dummannàte. Sò assà fessarìidde, vère?
Jì ce pènze accussì assà ca ormà ne sò secùre ca avèssere da dà nu certificàte pe èssere 'ndellegènde. Cioè in pràtiche ca se vè a l'anagràfe e accome se cèrche pe sapè la date de nàscete sò e la residènze e ce se jè sposàte e chèdde còse ddà, se cèrche pure ce ce stà la 'ndellegènze sò o nò. M'honne ditte ca in Amèriche u fàcene, ma ddà stònne nnànze sop'a tutte le còse. Sarèbbe còmede pe ttutte sapè ce se jè 'ndellegènde o nò o fòrse (jè vère: pòte èssere ca se pòte èssere "fòrse" 'ndellegènde, accome pure le crestiàne sènza fìsse dimòre nan ze sape probbie addò stònne, eppùre da quacche vànne stònne pure lòre). Na persòne ca vè a l'anagràfe ce cèrche nu certificàte de 'ndellegènze e accussì po' sape precìse ce jè 'ndellegènde de secùre, ce u jè fòrse o ce nan u jè. Sarèbbe nu bbèlle progrèsse cevìle. U putèssere scrìvere pure sop'a la carte d'identità. Tutte pòtene vedè sùbbete ca tènghe l'ècchie e le capìdde marrò, pure sènza lèggere sop'a la carte d'identità "ècchie: marrò", "capìdde: marrò". Sarèbbe cchiù còmede ce invèce de quèste fessarìe ce scèsse scritte "'ndellegènde: sì/nò/fòrse" (se capìsce nò tutte e trè nzìime sennò sìme da cape).
Ma allòre a mmè cè m'avèssere da scrìvere sop'a la carte d'identità? Jì sàcce ca nan zò 'ndellegènde, picchè nan zò mìnghe scème, sò sùle semblìce. Ma sàcce pure ca ind'a alde giòrne invèce u sò, sèmbe pe ccolpe de Froid e de le teorìe sùve. Allòre cè ce honna scrìvere sop'a quèsta carte? "'Ndellegènde: nu pìcche sì e nu pìcche nò"? Ma nan zarèbbe vère. Jì nan zò nu pìcche 'ndellegènde e nu pìcche nò. Jè ca sò assà crestiàne, o almène cchiù de ùne, accome 'mbàre Froid. Na persòne ca sò sàcce ca jè 'ndellegènde, n'alda persòne ca sò (ndrà l'alde probbie ind'a quìste momènde) sàcce ca nan u sò ('ndellegènde). Allòre quìste vòle dìsce ca fòrse tènghe bisùegne de cchiù de na carte d'identità? Ma nan jè proibbìte tenè cchiù de na carte d'identità? Nan jè obbligatòrie èssere sùle na persòne? Crède probbie de sì e allòre sò fore legge, ma nan u fazze appòste. E ce m'acchiàppene mèndre fazze quìste reàte, cè me faranne? E ce acchiàppene la persòne ca jì sò quanne sò 'ndellegènde? Jì pènze ca jè tutta colpe de la persòne ca jì sò quanne sò 'ndellegènde. Avève penzà jìdde a resòlvere quìste uàje, visto ca jè probbie 'ndellegènde. Cè colpe ne tènghe jì, sobbrattùtte o confrònde sù? Fòrse, però, jè probbie picchè jè 'ndellegènde ca ave a penzà sèmbe a quacch'alda còse. Ce jìdde pènze cudde ca pènze jì, vòle dìsce ca nan jè mìnghe tande 'ndellegènde. E allòre ci ne sàlve? Nan ge capìsche cchiù nudde. Quacchedùne me pòte aiutà?

Roberto Quaglia





Làsse nu Commènde.

Lìgge le commènde de le àlde.

Me piàsce! Me piàsce! Me piàsce!

Ìndece de le lèttere.

Copertìne.

Ma ci jè Roberto Quaglia?





L'òpere "Caro Maurizio Costanzo Show...", tutta sane o a pìezze, pòte èssere lètte, scarecàte sop'o computer, stambàte e copiàte senza lìmete, sule pe ùse personàle. Tutte le tèste e le illustraziòne sò proprietà de Roberto Quaglia e nan ze pònne ausà sane o a pìezze senza permèsse. U progètte gràfeche e le pìezze gràfece de quìste pàggene sò proprietà riservàte de Roberto Quaglia. L'òpere "Caro Maurizio Costanzo Show...", tutta sane o a pìezze, nan pòte èssere mettùte in vèndete a nisciùne tìtue senza permèsse de prime.
© 1994-2000 Roberto Quaglia.




















Spàrtele:FacebookXWhatsAppTelegramEmail