
|
Parchè regalê a la Telecom una masa ad bajòc a cunsultê e' mi lìbar online? Par lèzal tot u j vô dal ór e dal ór, e stê tachê a la linea de' telèfan tot ste temp u v costa una masa ad bajòc. L'è da tont stê a dê tot sti bajòc a la Telecom par lèzar e' mi lìbar quând che tota la fadiga ad scrìvar e' lìbar a l'ò fata me. L'è una masa mej dê un pô ad bajòc a me, da tot i pont ad vesta (fóra che da quel dla Telecom). L'è mej alóra scarghês e' lìbar intìr in furmât cumprès ZIP, slargâl int una directory a piasé s'l'hard disk de' vòstar computer e pu lèzar e stampê cun tota la cumudità quel ch'a vurì. A la piò ecunumì u s'azonta una piò cumudità, dato che stê a ciuciê da Internet una pagina a la volta e' fa pérdar una masa ad temp e pazinzia. Naturalmént, a dëgh par scuntê che chiunque e' decida ad scarghês e' lìbar intìr in versiòn zippêda e' bëba zà decis che e' lìbar u j piés abastânza da purtêl a fê acsè. E dato che "Caro Maurizio Costanzo Show..." l'è un lìbar shareware, e' scata acsè e' dovér ètic de' letór ad mandêm e' su cuntribut ecunòmic znin, secònd al mudalità stabilidi aquè. Par facilitê a e' letór la scelta d'fê e' su imperativ ètic, a jò preparê e' modul ch'e' vén dop, e cumpilend e' quêl e' letór ch'e' fa e' su dovér l'arzevrà sóbit e' link a l'indirizz FTP cun e' quêl e' pudrà sóbit scarghês e' file de' lìbar zippê.
|