|
Perché regalâ a-a Telecom 'na mûggia de palànche consultàndo o mæ lìbbro online? Pe lézîselo tûtto ghe vêu ôe e ôe, e stâ atacæ a-a lìnia telefònica tûtto sto ténpo o ve costiâ 'na mûggia de palànche. O l'é tòsco stâ a dâ tûtte ste palànche a-a Telecom pe lézîse o mæ lìbbro quànde tûtta a fadîga de scrîve o lìbbro l'ò fæta mì. O l'é tànto mêgio dâ 'n pö de palànche a mì, da tûtti i pùnti de vìsta (feua quéllo da Telecom). O l'é mêgio coscì descaregâse o lìbbro intrêgo in formâto conprésso ZIP, espànderlo inte 'na directory a piaxéi in sce l'hard disk do vòstro computer e coscì léze e stanpâ in tûtta còmoditæ quéllo che voéi. A-a magiôre economîa s'azónze 'na magiôre còmoditæ, vìsto che stâse a sciûgâ da Internet 'na pàgina a-a vòtta o te fâ pèrde 'na mûggia de ténpo e paçiénsa. Naturalménte, dàggo pe scontòu che chiunque o decîde de descaregâse o lìbbro intrêgo in versción zippâ o l'àbbie za decîzo che o lìbbro ghe piâxe abàsta da indûlo a fâ coscì. E sicómme "Câo Maurizio Costanzo Show..." o l'é 'n lìbbro shareware, scàtta coscì o dovéi ètico do lettô de mandâme o seu pìccolo contribûto econòmico, segóndo e modalitæ stabilîe chì. Pe facilitâ a-o lettô a scélta de adénpî a-o seu imperatîvo ètico, ò preparòu o segoénte mòddulo, conpilàndo o quæ o lettô adenpiénte o riçeviâ sùbito o link a l'indirìsso FTP con o quæ o porriâ sùbito descaregâse o file do lìbbro zippòu.
|