|
Cur Telecom magnam pecuniae copiam donare librum meum in linea consultando? Ad eum totum legendum horae et horae requiruntur, et tam diu lineae telephonicae adhaerere multam pecuniam vobis constabit. Stultum est tantam pecuniam Telecom dare ad librum meum legendum, cum totum laborem libri scribendi ego fecerim. Multo melius est paululum pecuniae mihi dare, ex omnibus rationibus (praeter Telecom rationem). Melius igitur est totum librum formato compresso ZIP exonerare, eum in directorium pro lubitu in disco duro computatri vestri expandere et deinde commode legere et imprimere quaecumque volueritis. Maiori economiae accedit maior commoditas, quoniam paginam unam post alteram ab Interrete sugere multum temporis et patientiae perdere facit. Scilicet pro certo habeo quemcumque librum totum versione compressa exonerare decreverit iam statuisse librum sibi satis placere ut ad ita faciendum inducatur. Et quoniam "Care Maurizio Costanzo Show..." liber shareware est, ita oritur ethicum lectoris officium mihi parvum suum contributum oeconomicum mittendi, secundum modos hic statutos. Ut lectori facilior sit electio ethico imperativo suo satisfaciendi, sequens formularium paravi, quo compilato lector officio fungens statim accipiet nexum ad inscriptionem FTP qua statim librum compressum exonerare poterit.
|