|
Proite regalare a sa Telecom unu sacu de dinari consultende su libru meu online? Pro si lu lèghere totu bi cherent oras e oras, e istare atacados a sa lìnia telefònica totu custu tempus bos costat unu sacu de dinari. Est macu istare a dare totu custos dinaris a sa Telecom pro si lèghere su libru meu cando tota sa fadiga de iscrìere su libru l'apo fata deo. Est meda mègius dare unu pagu de dinari a mie, dae totu sos puntos de vista (foras cussu de sa Telecom). Est mègius gasi iscarrigàresi su libru intreu intreu in su formadu cumpressu ZIP, ispàrghelu in una directory a piaghere subra su hard disk de su computer bostru e gasi lèghere e imprentare cun totu sa comodidade cussu chi cherides. A sa majore economia s'aciunghet una majore comodidade, proite s'istare a suciare dae Internet una pàgina a borta ti faghet pèrdere unu sacu de tempus e passèntzia. Naturalmente, dao pro iscontadu chi chiesisiat detzidit de s'iscarrigare su libru intreu intreu in sa versione zippada giai at detzisu chi su libru l'agradat bastante dae lu portare a fàghere gasi. E sicomente "Caro Maurizio Costanzo Show..." est unu libru shareware, iscatat gasi su dovere èticu de su letore de mi mandare su suo minore cuntributu econòmicu, segundu sas modalidades istabilidas inoghe. Pro facilitare a su letore sa isseberada de fàghere su suo imperativu èticu, apo preparadu custu mòdulu inoghe in bàsciu, chi a lu cumpilare su letore chi faghet su dovere suo at a retzìere luego su link a s'indiritzu FTP cun su cale podet luego iscarrigàresi su file de su libru zippadu.
|