
|
Pecchì regalare a Telecom na muntagna de sordi cunsultannu u libru mie online? Ppe u leggere tuttu ci vonnu ure e ure, e stare attaccati a linea telefonica tuttu chistu tiempu vi costa na muntagna de sordi. È fessu dare tutti chisti sordi a Telecom ppe leggere u libru mie quannu tutta a fatica de scrivere u libru l'aju fatta iu. È assai megliu dare nu pocu de sordi a mia, de tutti i punti de vista (fora chiru da Telecom). È megliu allura scaricare u libru sanu 'n formatu compressu ZIP, u spannere intra na directory a piacire supra l'hard disk du computer vostru e pue leggere e stampare ccu tutta a comodità chiru chi vuliti. A ru risparmiu si junge a comodità, datu chi stare a sucare de Internet na pàgina a vota ti fa perdere na muntagna de tiempu e de pacenzia. S'intenne, dugnu ppe scuntatu chi chiunque decide de scaricare u libru sanu 'n versione zippata ha già decisu chi u libru ci piace abbastanza ppe lu purtare a fare accussì. E siccomu "Caro Maurizio Costanzo Show..." è nu libru shareware, scatta accussì u duvere eticu du letture de mi mannare u cuntributu economicu sue picciulu, secunnu i modalità stabilite ccà. Ppe facilitare au letture a scelta de fare u duvere eticu sue, aju preparatu chistu modulu ccà sutta: chine u cumpila e fa u duvere sue ricive subitu u link all'indirizzu FTP ccu cui pò subitu scaricare u file du libru zippatu.
|