
 |
OPINIÒNE DA EXTRATERRÈSTRE
Caro Maurizio Costanzo Show,
invìte chiùnque stà a lèsce quèste rìghe, ca sìa jìdde o jèdde màscule o fèmmene o tutte e dò o nisciùne de le dò, a nan penzà o sèsse de ci ha scrìtte cudde ca tu stà lègge. Ci scrìve, pe tè ogge nan tène sèsse, anzi, ci scrìve ogge nan esìste, pe tè. Stònne sule quèste paròle e tu le lìgge.
Nisciùne allòre ha scrìtte quèste paròle. Quèste paròle rispècchiene nu pùnde de vìste asèttiche, lundàne, sènza sèsse, accome cudde de n'extraterrèstre ideàle. Ècche, se pròpie vù immagenà quàccheduno ca jè u responsàbbele de cudde ca tu lìgge, cunsìdereme l'òspete extraterrèstre tò.
Sò allòre virtualmènde n'extraterrèstre, gendilmènde ospitàte da la mènda tò e le dindòrne sò, cioè la società ca tu fà pàrte. Nan canòsche le concètte vùste de Bbène e de Màle, picchè nan tènghe le preconcètte vùste, e allòre pe evetà de fà l'ùne o l'àlde nan fazze nudde, ma naturalmènde pàrle, e descrìve cudde ca vède. Spère de nan fà Màle o Bbène sule parlànne, ma in fin de cùnde jè l'ùneca licènze ca me pìgghie.
Da u pùnde de vìste extraterrèstre, le usànze sessuàle de na società ca nan ze canòsce sò ùne de le argomènde de trastùlle cchiù efficàce. Parlarò allòre de cudde ca de cchiù bbuffe agghie osservàte jind'a quèste abbitùdene vòstre.
Pe decènze còsmeche nan tràse ind'o particolàre de le incàstre amoròse fìsece vùste. Me astènghe pure da u repète scioccamènde tutte cudde ca a vù jè perfettamènde canosciùte, pe nan annoiàrve. In effètte ve parlarò de cudde ca agghie osservàte de le comportamènde sessuàle vùste no quanne stà nu rapporte sessuàle conclamàte, ma quanne nan ge stà.
Cudde ca in mòde particolàre ha nfàtte tiràte l'attenziòne mè jè la modalità curiòse vòstre de relaziunàrve ndrà nu sèsse e l'àlde pròpie quanne stà assènze totàle de rapporte sessuàle conclamàte.
Ovviamènde nan ge stà nudde da dìsce de quanne le màscule e le fèmmene sò combletamènde separàte le ùne da l'àlde, fisicamènde e sensorialmènde, picchè allòre nudde ndrà màscule e fèmmene succède.
Ma appène se retròvene a condivìde le stèsse spàzie, ècche ca la situaziòne càngie. Pure se nan ze canòscene, màscule umàne e fèmmene umàne tènene nu comportamènde sessuàle recìproche. Fàscene cioè cose ca càusene effètte de natùre sessuàle sop'a chìdde du sèsse oppòste.
Quìste effètte pònne naturalmènde èssere piacèvole o spiacèvole, e sò nfàtte sèmbe o l'ùne o l'àlde o tutte e dò.
Particolarmènde bbuffe, da u pùnde de vìste extraterrèstre mì, sò le effètte negatìve. Jè nfàtte la soffrènze la facènne cchiù intrigànde pe ci nan la subbìsce, e devènde pure la cchiù bbuffe quanne jind'a le càuse ca la determìnene se acchiàppe l'elemènde assùrde e allòre la natùre grottèsche. Da u pùnde de vìste extraterrèstre mì, acchiappà quèste cose jè nu sciòche da uagnùne extraterrèstre.
Accome jè ca se regìstre n'effètte negatìve? Bbè, putèmme dìsce ca stà n'effètte negatìve quanne nu màscule o na fèmmene, pe colpe de la presènze vecìne de quàccheduno du sèsse oppòste, prove nu sense de malèssere emoziunàle. In cèrte càse, agghie notàte, pàre dabbère ca màscule e fèmmene ca nan ze canòscene fàscene a gare pe dàrse ùne a l'àlde quìste malèssere emoziunàle.
U malèssere emoziunàle ca cchiù spìsse prove u màscule, trovànnese vecìne a na fèmmene, jè causàte da la sèmblece osservaziòne de la fèmmene, sopr'a tutte se de jèdde sò visìbbele o evidenziàte le genitàle, o chèdde zòne du cuèrpe ca fàscene da richiàme sessuàle. Jè curiòse accome basta accussì pòche pe causà malèssere emoziunàle jind'a la maggiòr pàrte de le màscule. Evidentemènde, u màscule jè assà sensìbbele riguàrde a cèrte istìnde sò, e quanne subbìsce nu richiàme sessuàle sòffre se nan l'jè permèsse de respònne a jìdde. Cchiù forte jè allòre u richiàme sessuàle, cchiù granne jè allòre u malèssere emoziunàle du màscule ca nan l'jè concèsse de respònne a quìste richiàme.
U malèssere emoziunàle ca cchiù spìsse prove la fèmmene, trovànnese vecìne a nu màscule, jè ca u màscule respònne a le richiàme sessuàle cu le quale jèdde l'ha culpìte pe sbàglie. Nan vògghie nfàtte penzà ca na fèmmene mànne richiàme sessuàle vèrse màscule ca nan vòle colpì cu jìdde. La respòste du màscule a le richiàme sessuàle ca ha recevùte, sò richiàme sessuàle pur'jìdde, pure se tènene forme devèrse. Mendre le richiàme de la fèmmene vèrse u màscule sò sopr'a tutte de tìpe visìve, chìdde du màscule vèrse la fèmmene sò spìsse de tìpe vocàle-uditìve, quàcche vòlte pure tàttele. U màscule mànne dunque sùne de condenùte sessuàle ca nan se pòte sbagghià, o tòcche cu la màne le pàrte de richiàme sessuàle femminìle ca l'honne richiamàte. Recevènne quìste richiàme la fèmmene pìgghie spìsse nu malèssere emoziunàle paragonàbbele a cudde ca pìgghie u màscule recevènne chìdde de la fèmmene. Pure se quàcche vòlte u màscule umàne mànne quìste richiàme sonòre o tàttele sò pure sènza ca la fèmmene ha mannàte prìme le richiàme visìve sò, agghie constatàte ca jind'a la maggioranze de le càse jè la fèmmene a mannà pe prìme le segnàle visìve sò, a le quale u màscule, quanne nan rièsce a trattenèrse, respònne cu le sò.
Cudde ca a l'ùcchie innocènde extraterrèstre mìje pàre spassosìsseme picchè assurdamènde grottèsche ind'o condèste de la presùnde civiltà du accussì dìtte èssere umàne, spèce presùnde intelligènde de quìste pianète sennò coerènde, jè ca stà jind'a le èssere umàne na granne disparità de giudìzie respètte o fatte de causà a le indivìdue de sèsse oppòste o sù, malèssere emoziunàle pe mmèzze de l'emissiòne de le richiàme sessuàle caratterìsteche sò. Cu àlde paròle, sìa màscule ca fèmmene sò pe la maggiòr pàrte d'accòrde ca la fèmmene tène u piène dirìtte de colpì qualsìase màscule ngòndre pe la strade cu le potènde richiàme sessuàle visìve sò, causànnele eventuàle malèssere emoziunàle, mendre l'òme nan tène dirìtte de colpì qualsìase fèmmene ngòndre pe la strade cu le richiàme sessuàle vocàle sò, o moderatamènde tàttele, causànnele eventuàle malèssere emoziunàle. Le richiàme sessuàle maschìle vènene chiamàte "atte de libbìdine", picchè evidentemènde sèrvene o màscule pe comunecà la libbìdo sò a la fèmmene vèrse la quale le fasce. Curiosamènde, le richiàme sessuàle femminìle nan vènene chiamàte "atte de libbìdine", benché evidentemènde sèrvene a la fèmmene pe comunecà la libbìdo sò a tutte le màscule ca sò capàce de vedèrle. Da u pùnde de vìste extraterrèstre mì modèste me pàre ca la fèmmene umàne, mostrànne o evidenziànne le pàrte sessuàle du cuèrpe sù, fasce automaticamènde "atte de libbìdine" vèrse chiùnque, vedènnele accussì, prove u malèssere emoziunàle ca n'avìme già parlàte.
Nan vulèsse ca quàccheduno penzàsse màle de nù extraterrèstre picchè dìche cudde ca vède.
La natùre, ovviamènde, nan ze cùre de le pregiudìzie de le spèce inferiòre accome chèdda umàne ca jì nan ge appartènghe, e cu u tìimbe riequilìbre le asimmetrìe ca nan tènene sense.
Se ind'o futùre le fèmmene umàne menarànne sèmbe de cchiù le richiàme sessuàle lore mostrànne dapertùtte cùle e mènne, sèmbe cchiù spìsse abbuffàte de silicòne, succedarà allòre prìme o pò, fatalmènde, ca le màscule umàne s'emancìpene da l'archètipe culturàle ca angòre le trattène da u fà tutte sèmbe u stèsse, e s'adègguene a fà tutte u stèsse, e sèmbe.
Quèste jè cudde ca jì agghie notàte, da u pùnde de vìste extraterrèstre mì. Quìste probblème personalmènde nan me tòcchene, dàte ca nù de la spèce extraterrèstre mè sìme sessualmènde autòctone, e nu giùrne ve spiegarò cè vòle dìsce.
Penzàte bbuène a cudde ca v'agghie dìtte, dàte ca dòppe tutte nan ve capìte tutte le giùrne ca n'extraterrèstre ve fasce notà cose sop'o mòde vùste de vevè ca jìdde rièsce a vedè sule picchè jè n'extraterrèstre, e nan tène allòre interèsse personàle ind'a la facènne de l'esistènze umàne. Penzàteche, sènza cumbìngerve ca jì tènghe tuèrte sènza mangne avèrce penzàte. Nan pozze nfàtte tenè tuèrte, picchè nan agghie espresse nisciùna opiniòne. V'agghie sule cundàte cè se vède da qquà ngìme da addò jì ve vède, e nan credìte ca agghie viste màle, picchè tènghe na vìsta òttime. Mettìteve o poste mì e guardàteve, e pure vù avarìte nu pìcche de la saggèzze extraterrèstre mè.
Roberto Quaglia
L'òpere "Caro Maurizio Costanzo Show...", tutte nzìme o in parte, pòte èssere lètte, scaricàte sop'o compiùter, stambàte e copiàte sènza lìmete, sule pe ùse personàle. Tutte le tèste e le illustraziòne sò proprietà de Roberto Quaglia e nan pònne èssere ausàte tutte o in parte sènza autorizzaziòne. U progètte gràfeche e le componènde gràfeche de quèste pàggene sò proprietà riservàte de Roberto Quaglia. L'òpere "Caro Maurizio Costanzo Show...", tutte nzìme o in parte, nan pòte èssere mìse in vèndete a nisciùne tìtele sènza autorizzaziòne prime.
© 1994-2000 Roberto Quaglia.
|