![]() a p r e v a l e n t e u s o
d ' ' e c i b e r n à u t e
"Caro Maurizio Costanzo Show..." jè u prime fatìe letteràrie Une e Trine fatte in Italia. "Une", picchè jì l'agghie fatte na vòlda sole. "Trine", picchè jìdde tène a u stèsse tìembe tre forme prengepàle, o identità:
Picchè agghie decìse de mètte sop'a Internet a disposiziòne de tutte quìste libbre mì? Hagghie le raggiòne mìje òttema, la prime de le quale jè ca nan ge stònne raggiòne bbòne pe le quale avèsse a evità de fàlle. Parècchie scrittùre e editòre crèdene, secònde mè senza fondamènde, ca mètte nu libbre pròpie sop'a Internet pòrte cchiù perìcue ca vandàgge. La tutèle de le dirìtte d'autòre, la paranòie de subbì plàgie, e sobbrattùtte la pavùre ca nisciùne accattarrìe in libbrerìe nu libbre ca pòte truà a gratis sop'a Internet. Io pènze ca tutte quìste mutìve nan tènene nisciùne fondamènde. Sò credènze ca nan tènene nisciùna raggiòne de esìste e ca prieste sarànne scopàte vìe, accome prime o pò succède a tutte le tabbù ca honne perdùte u sènze. Preconcètte vècchie ca nan durarànne assà, pure picchè jì vògghie sfatàrle sùbbete. La vèndete de nu libbre nfàtte nan vène tuccàte pe nudde da u fatte ca jè mettùte "online" sop'a Internet. A ci nu libbre interèsse, sèrve picche tenèrle ind'o computer pròpie addò la lettùre add'a passà pu monitor, còse ca te rovìne l'ècchie e jè pure na facènne scomodìsseme. Un libbre ca piàsce u se vole tenè pe dda vère, pe sfogghiàrse cu commodità sop'a la poltròne, ind'o liètte, sop'a l'autobus o sop'a la spiàgge. Nu libbre pegghiàte da Internet, ce nan u se vole lèggere sop'o monitor (rovinànnese l'ècchie), u se petèsse stambà cu na stambànde laser. Jè secùre na soluziòne bbòne (e pure preziòse) pe le case addò stu libbre nan esìste in libbrerìe (e allòre l'autòre secùre nan pèrde nisciùna vèndete). Stambàrsele a càse devènde nvèce na facènne abbastànze fèsse e antieconòmeche ce u libbre jè in vèndete in libbrerìe. Cu chèdde ca coste l'nghiòstre de na stambànde laser, scì a accattà u libbre ind'o negòzie o a l'edìcole nan gòste cchiù ca stambàrsele a càse, e a la fine te rèste in mane e in bibblioteche nu libbre nvèce de nu mucchie de fogghiàcce spàrse. Superàte u luèche comùne ca de nu libbre in vèndete se càlene le vèndete ce jìdde stà sane sane pure sop'a Internet, vedìme le vandàgge ca quèsta facènne nòve pòrte: Il gradimènde de le cibernàute sarà pure u paràmetre ca nan ze pòte lassà pe capì ce nu libbre interèsse a le lettùre e quande, prime de stabbelìrne la pubblicaziòne sop'a la carte e la tiratùre. Quanda vòlde ogge le editòre sbàgghiene de bbrutte la tiratùre de le volùme lòre, penzànne tròppe o tròppe picche de nu tìtue o de n'àlde? In futùre (o mègghie, da mò nnànze), l'editorìe "online" aiutarà u fatìe de seleziòne de le editòre. Quìste pure purtarà a fernì u pellegrinàgge de ogge, rituàle, de supplìche e umiliànde, de le aspirànde autòre a la corte de le granne editòre ca cumunghe ind'o 99% de le case nan lèggerànne mà le manoscrìtte lòre. Sarànne nfàtte le editòre a tenè tutte l'interèsse de cercà sop'a Internet le libbre online ca honne avùte ind'o ciberspàzie nu successe tale da fà secùre conveniènde e remuneratìve pure la pubblicaziòne lòre sop'a la carte e in libbrerìe. Inoltre, la pubblicaziòne de nu libbre sop'a Internet pòte ggià purtà guadàgne. Pe u software ggià vale la fòrmule du "shareware". Pòte valè pure pe la letteratùre online. U pùbbleche ca lègge jè fatte in bbona parte de crestiàne onoràte, in mèdie bbuène a rispettà n'ètiche spartùte. A quìste argomènde, ca qquà agghie sule accennàte, jè dedecàte pròbbie la pàggene ca vène. Se a la fine pe càse penzàte de èssere fernùte sop'a quìste pàggene pe sbàgghie, ca a l'inìzie volìveve cercà quacchedùne o quacche còse àlde, nan ve angustiàte tròppe. U sbàgghie jè la quintessènze de l'evoluziòne, la chiàve de vòlde de ogne progrèsse. Cercà jè mbortànde, ma qualsiàse crestiàne de mènza saggèzze sàpe ca a la fine se tròve sèmbe quacche còse ca nan ze aspettàve e ca de sòlete interèsse cchiù de chèdde ca se stève a cercà. Accome dìsce Gigi Picetti, "Ci cèrche tròve n'àlda còse". Quìste jè vère spècialmènde sop'a Internet, ca nan pe càse jè n'ambiènde ca se evòlve velocìsseme. E pure, ci se sìe ca vù stàveve evendualmènde cercànne, qquà l'avìte idealmènde truàte. Nan è forse u Maurizio Costanzo Show u Totem vère e ùneche du Villàgge Italiàne? Nan è u Maurizio Costanzo Show u condenitòre ideàle de le mìte modèrne a le quale ogne dì, in nu mòde o in n'àlde, ce referìme, tande ca ce le sciàme a cercà pure sop'a Internet? Pe dìcele accome Negroponte, ogne dì ca pàsse l'esistènze digitàle de ognune de nù devènde cchiù effettìve e cchiù chiène de effètte de l'esistènze materiàle nòstre. Roberto Quaglia, 20 Abbrìle 1997
|