![]() a p r e v a l e n t e u s o
d ' ' e c i b e r n à u t e
"Caro Maurizio Costanzo Show..." a l'é ël prim travaj leterari Uno e Trino fàit an Italia. "Un", përchè mi i l'hai falo na vira sola. "Trin", përchè chiel a l'ha a l'istess temp tre forme prinsipaj, o identità:
Përchè i l'hai decidù ëd buté an sl'Internet a disposission ëd tùit ës liber mè? I l'hai le mie bon-e rason, la prima dle quaj a l'é che a-i é gnun-a rason vàlida për la qual i dovrìa evité ëd felo. Vàire scritor e editor a chërdo, a mè avis sensa fondament, che buté sò liber an sl'Internet a comporta pì përicoj che vantagi. La tutela dij drit d'autor, la paranoja ëd subì dij plagi, e sopratut la tëmma che gnun a cataria an librerìa un liber ch'a peul trové gratis an sl'Internet. Mi i penso che tùit sti motiv a sio completament sensa fondament. As trata ëd chërdense ch'a l'han gnun-a rason d'esiste e che prest a saran ëscovà via, com prima o peui a càpita a tùit ij tabù ch'a l'han perdù ël sens. Pregiudissi obsolet ch'a duran nen longh, ëdcò përchè mi i l'hai l'antension ëd dësfeje sùbit. La comersialità d'un liber a ven difati për gnente antacà da soa butà "online" an sl'Internet. A chiunque a anteressa un liber, a serv pòch tenilo ant sò computer andoa la letura a dev passé për ël monitor, lòn ch'at rovin-a j'euj oltra a esse na facenda scomodìssima. Un liber ch'a pias as veul possedlo fisicament, për podèjlo sfojé con comodità an poltron-a, an let, an autobus o an sla spiagia. Un liber pijà da l'Internet, se as l'ha nen l'antension ëd leslo an sël monitor (rovinandse j'euj), as podrìa stampelo con na stampanta laser. A l'é sicur na solussion vàlida (e adritura preziosa) për ij cas andoa ës liber a esista nen an librerìa (e antlora l'autor a perd sicur gnun-a vendita). Stampéslo a ca a dventa nopà na facenda pitòst nèscia e antieconòmica se ël liber an chestion a l'é an vendita an librerìa. Con lòn ch'a costa l'ancòster ëd na stampanta laser, andé a caté ël liber an negossi o an edìcola a costa nen ëd pì che stampéslo a ca, e a la fin at resta an man e an biblioteca un liber nopà che na pila ëd fojass sparpajà. Superà ël leu comun che ëd un liber an comersi as bassa le vendite se chiel a l'é present antregament ëdcò an sl'Internet, vëddoma ij vantagi che sta neuva facenda a comporta: Ël gradiment dij sibernàuta a sarà an pì ël paràmetro andispensàbil për capì se un liber a anteressa ij letor e an che mesura, prima ëd stabilìne la publicassion an sla carta e la tiradura relativa. Vàire vire ancheuj j'editor a sbalio clamorosament la tiradura dij sò volum, sorvalutand o sotvalutand un tìtol o l'àutr? An futur (o mej, a parte da adess), l'editorìa "online" a favorirà ël travaj ëd selession dj'editor. Sòn an pì a comportrà ël superament dël pelegrinagi d'ancheuj, ritual, postulant e umiliant, dj'aspirant autor a la cort dij grand editor che tant ant ël 99% dij cas a lesran mai ij sò manuscrit. A saran difati j'editor a avèj tut l'anteresse a sërché an sl'Internet ij liber online ch'a l'abio arscotù ant ël siberspassi un tal sucess da rende con certëssa conveniente e remunerativa ëdcò soa publicassion an sla carta e an librerìa. An pì, la publicassion d'un liber an sl'Internet a peul già an chiel comporté d'artorn econòmich. Për ël software a-i é già la fòrmola dlë "shareware". A peul aplichesse ëdcò a la literatura online. Ël pùblich ch'a les a l'é an bon-a part componù da person-e onoràbij, an media bon-e a rispeté n'ètica condivisa. A st'argoment, ch'i l'hai mach ancenà ambelessì, a l'é dedicà an concret la pàgina ch'a ven. Se infin për cas i pensèisse d'esse finì su ste pàgine për eror, essend-ve a l'inissi propòst ëd sërché quaidun d'àutr o quaicòs d'àutr, ve angustie nen tròp. L'eror a l'é la quintessensa dl'evolussion, la ciav ëd vòlta ëd minca progress. Sërché a l'é amportant, ma qualsëssia individuo ëd mesa sapiensa a sa che a la fin as treuva sempre quaicòs d'inaspetà che ëd sòlit a anteressa pì ëd lòn ch'as sërchava. Com a dis Gigi Picetti, "Chi ch'a sërca a treuva quaicòs d'àutr". Sòn a l'é sopratut ver an sl'Internet, che nen për cas a l'é n'ambient a evolussion rapidìssima. An pì, chiunque ch'i fusse an camin ëd sërché, ambelessì i l'eve idealment trovalo. A l'é nen forse ël Maurizio Costanzo Show ël ver e ùnich Totem dël Vilagi Italian? A l'é nen ël Maurizio Costanzo Show ël contenitor ideal dij mit moderno a ij quaj minca di, ant na manera o ant n'àutra, i fasoma riferiment, tant che i-j andoma a sërché fin-a an sl'Internet? Për dila a la Negroponte, minca di ch'a passa l'esistensa digital ëd minca un ëd nojàutri a dventa pì efetiva e portadris d'efet che nòstra esistensa material. Roberto Quaglia, 20 d'Avril 1997
|