‹ Ìndece du site · Càse du musèe · repèrte restauràte
Premèsse de l'autòre (Lèttere a u Maurizio Costanzo Show)
Attenziòne! Avvìse mbortànde!

Quìste jè u prime libbre "shareware" italiàne (e forse du munne). U pàghe sule dòppe ca l'à lètte, ce t'è piaciùte. Nudde jè dovùte a l'autòre ce u libbre nan piàsce. A ci se sìe ca nvèce piàsce tòcche u dovère de mannà a l'autòre na cìfre proporziunàle a quande u libbre l'ha piaciùte.
Accome se fasce a controllà ca cudde a ccì u libbre ce piàsce po' pàgane daddavère? Jè semblìce: a controllà ce penzerà la coscènze du lettòre stèsse. Le lettòre cu pòche coscènze, o cu na coscènze de bàsse qualità, ca nan ze sèndene legàte da quìste valìde imperatìve ètiche, sò ggià stàte punìte da la natùre a bbastànze, picchè lòre sò mònche de stìle, correttèzze, dignità, onòre, e tutte u rèste ca tènene o crèdene de tenè nan le pòte cchiù aiutà. A cudde, crestiàne immònde, n'èquipe nòstre de bràve stregùne s'ammazzerà de fatìe pe fà auguri efficàce de coccolòne malìgne. Le lettòre umanamènde corrètte, ca rispèttene u patte d'onòre ca ind'a quèsta pàgene pòtene sottoscrìvere, invèce nan tènene e nan teneranne mà nudde da temè, né du destìne né da la vìte, picchè lòre appartènene a la metà megghie de l'umanità.

Tabbèlle de le prìzze possìbbele de quìste (ciber-)libbre
(dovùte da tutte cudde a ccì ha piaciùte)
Lettòre Pòvere5.000 lire
Lettòre Mèdie10.000 lire
Lettòre Benestànde30.000 lire
Lettòre Sostenitòre da 100.000 lire a ssus
ogne sostenitòre ricevèrà n'omàgge internazionàle misteriòse

Accome pagà?
U sistème megghie jè cu Paypal. In pòche secònde pù mannà u contribbùte tù in manère semblìce e secùre. Clicca qquà pe scì nnànze.
Le cìfre pìccele se pòtene sennò mannà a l'autòre pure in contànde (ind'a na bbuste chiùse, mmènze a nu pare de fògghie de carte pe nan fà vedè ca ce stònne le sòlde) a quìste ndirìzze:
Roberto Quaglia, Casella Postale 1433, 16100 Genova Centro

Accètte la validità de stu raggionamènde e m'attènghe! Ma sì pazze? Jì nan dògne de bbona vògghie nudde in cagne de cudde ca me piàce!


CUPPERTINA