|
l e t t e r a zero |
|
Stònne a scequà a nu gioche. Stònne a scequà a nan scequà a nu gioche. Ce le fàzze vedè ca le vède scequà, rombe le règue e me punìscene. Agghi'a scequà a u gioche lòre, de nan vedè ca vède u gioche.
R. D. LAING
|
|
PROPÒSETE EPISTOLÀRE
Caro Maurizio Costanzo Show,
da quase tutte le vànne ca la uàrde, quèste jè pròbbie na lèttere ca t'è arrevàte, ca la stà a lèggere. Te l'agghie scritte jì. Jì sò n'èssere umàne o jì de ddà. U nome mì jè ggià scritte da tutte le vànne e allòre nan u ripète pure ind'a la lèttere. T'avvìse ca te scrivarràgghie na mundàgne de lèttere, dòppe quèste. T'avvìse pure ca te le mannarràgghie, sennò cè lèttere sarrìene? T'avvìse pure ca tutte le tanda lèttere ca te mannarràgghie forse a la fine devendèrene pure nu libbre ca pubblecarràgghie e ca me farà guadagnà na mundàgne de sòlde o almène assà o cumunghe quacche cusarèdde. T'avvìse pure ca te mannarràgghie quìste lèttere pure pe Internet, accome ogge jè tande de mòde. Spère ca l'italiàne nan me copièscene. Ce tutte te scrìvene accussì tanda lèttere accome agghie decìse de fà jì, ci sàpe quanda pòvere àlbere honna ausà pe fà tutta la carte ca ce sèrve. E pure sop'a Internet, ci sàpe quanda elettròne se sprecarrìene.
Scuse ce pare ca nan zàcce scrìve cu tutte le frase complicàte ca jè bbèlle mètte ind'a le libbre ma pure ind'a le lèttere. A dì la veretà nu picche u sàcce fà, ma jè mègghie ca l'evite, almène a l'inìzie. Pure ce sàcce ca quèste jè na lèttere (agghie ggià preparàte pure la buste e u francobbòlle pe la versiòne de carte), sàcce pure cumunghe ca jè pure l'inìzie de nu libbre, e pure la prima parte de nu mucchie de paròle fernùte na vòlde sop'a Internet pe restàrce pe sèmbe. Dòppe tutte jè chèdde ca t'agghie appène ditte, cioè scritte. E siccòme cumunghe magàre jè pure l'inìzie de nu libbre, jì agghie penzàte ca jère mègghie nan mettèrce sùbbete tutta cudda ròbbe mbrugghiàte cu le paròle complicàte ca pò le crestiàne nan ge capìscene nudde e mènene u libbre.
Scusàte ce vàche a càpe nu picche pure a spropòsete.
Vide, Maurizio Costanzo Show, ce quèsta lèttere devendàsse averamènde l'inìzie de nu libbre, pò magàre quacchedùne u vède ind'a na libbrerìe cu u tìtue sù ammiccànde (agghie penzàte ca ce vole nu tìtue assà ammiccànde) e allòre u apre pe vedè ce se u vole accattà e lègge la prima còse ca le càpete. Bbuène, parècchie aprene u libbre a cazzìmme, e pe lòre jì nan pòzze fà nudde, mannàgge! M'avève tuccà fà u libbre tutte accussì, accome jè mò, ca però nan è ca me piàsce pròbbie assà assà. Cioè, me piàsce, ma nan pe tutte u libbre.
Spère ca ce capìsce quacche còse de chèdde ca stògghe a disce.
Parècchie crestiàne nvèce aprene u libbre da l'inìzie o da la fine, pe vedè ce le piàsce. Bbuè, pe cudde ca u aprene da la fine ce penzarràgghie a la fine du libbre, ca mò jè nu picche prieste ca jè appène accumenzàte. Ma pe cudde ca nvèce u aprene da l'inìzie, sèmbe pe vedè ce le piàsce e ce s'u honna accattà, allòre agghie penzàte de scrìve accussì, nu picche a la portàte de le crestiàne (Spère de nan èssere Presundùse), senza tutte cudde defficoltà ca picchè mà s'honna scì a cercà ind'a nu libbre quanne une magàre volève sule distràrse, e tène raggiòne? Ce pò a quacchedùne ca stà a lèggere nan le piàsce tutte quìste, allòre pòte pruà a aprì a mmènze a u libbre, ca magàre jè nu picche devèrse e allòre s'u accàtte u stèsse. L'mbortànde jè ca s'u accàtte. Ce quacchedùne lègge quìste rìghe ind'a nu libbre sbirciàte ind'a na libbrerìe, ca vè sùbbete a la casse a accattàrle, nge u conzìgghie jì ca sò l'autòre.
Però tu, Maurizio Costanzo Show, nan u sà angòre ca quìste jè nu libbre, picchè t'è appène arrevàte quèsta lèttere, ca da quase tutte le vànne ca la uàrde jè pròbbie na lèttere e secùre nan pòte ggià èssere pure nu libbre, pure ce cumunghe jè na ròbbe stràne sop'a Internet.
E jì te mannarràgghie na mundàgne de lèttere, une a u dì, sperànne ca me chiàme pure a mè ind'a la trasmissiòne tò ca jè accussì mbortànde scìrce, accome sànne tutte.
Sia ca me chiàme o ca nan me chiàme, quanne le lèttere sarànne accussì tanda ca ce se pòte fà nu libbre, allòre jì agghie ggià decìse ca ce fàzze nu libbre, e te mannarràgghie quìste libbre pe fàlle pubblicità ind'a la trasmissiòne tò accome fàscene tutte cudde ca scrìvene le libbre de successe. E allòre jì penze ca tu me mmitarrà ce nan m'avìve mmitàte prime, o me rimmitarrà ce l'avìve ggià fatte, picchè dòppe tutte quìste jè u prime libbre ca parle dritte de tè (o pure "a tè"), e ce dòppe tutte tu à purtàte nnànze accussì tanda libbre ca nzomme nan è ca èrene tutte capolavòre pure ce èrene sèmbe assà bbèlle, secùre te farà piacère presendà nu libbre ca te reguàrde.
Quanne allòre te mannarràgghie u libbre mì ggià pronde, quèste nan zarà cchiù na lèttere, ma nu libbre. Percìò nan zàcce ce mò stà a lèggere la lèttere o u libbre o la pàggene de Internet, ca quìste rìghe ce stònne in tutte e tre, e jì le scrive na vòlda sole.
Nan menà quèsta lèttere, caro Maurizio Costanzo Show. Nan è u prime libbre ca stògghe a scrìve. N'agghie ggià scritte almène cìnghe ma qquà in Italia ce stà nu picche de distraziòne e allòre sò tutte in pràteche inèdete. Ma ind'a paìse lundàne nvèce me le pùbblechene (nan zàcce picchè) e allòre ddà sò ggià famòse e me cèrchene l'autògrafe e me fasce tutte accussì tande piacère ca agghie decìse ca jè mègghie devendà famòse pure in Italia, ca stà cchiù vecìne de le paìse lundàne. (Ce nan ge crìde ca sò famòse ind'a paìse lundàne te mànne na videocassètte addò se vède ca nvèce u sò).
Mò chiude quèsta lèttere mè zero, spiegànne però angòre ind'o paràgrafe ca vène, pe ci nan ha capìte, chèdde ca pure jì agghie fatte fatìche a capì, cioè cè jè quèsta lèttere, o mègghie quìste libbre. Scusàte ce devènde cchiù complicàte. Quìste lèttere sò (sarànne) sobbrattùtte tràcce lassàte da nu cervìdde sule (u mì), fatte de sottotràcce de cervìdde de le àlde, mescàte a parècchie quindàle de bbuène ledàme. Nzomme, ce n'è pe tutte le gùste! Quanne quìste lèttere (ca mèndre scrive nan ge stònne, ma mèndre tu lìgge forse ggià ce stònne o pure no) se spòsene pe fà nu libbre de carte, darànne a u leggìteme e pagànde accattatòre du libbre stèsse e pure, se càpisce, a le amìce sù scroccùne o scroccùne e bbaste, l'occasiòne de scì appìrse a le sùlche de cudde cervìdde (ca pò jè sèmbe u mì), e truàrse ind'a la cucòzze pròpie le penzìere ca ind'a la mè sò, se càpisce, nate, pròbbie quanne stève a scrìverle (mirabbele e pròvvede coincidènze!). Occasiòne ca avarà svilùppe pure ind'o ciberspàzie, addò stu libbre mì esistarà pe sèmbe, sop'a Internet, addò le lèttere ca jì te mànne se fàscene canòsce pure a l'umanità a ci ìnteressene. Nu mucchie sule de paròle e frase pe tre identità formàle devèrse. Lèttere, libbre vère, lèttere-libbre virtuàle. U fatìe mì jè une e trine. Nan ge stà nu fìle, o forse ce sarà - ci u sàpe! Le idèe crèscene sarvàgge ind'a na mènde bbuène concimàte (ind'a le mènde nan concimàte nan cresce nudde, ma ce stà quacche lucertòne de plàsteche), e ind'a u mescùgghie lòre caòteche ma genuìne fàscene a vòlde paesàgge assà cchiù interessànde de cudde ca sèmbe truàme fatte vedè cu orgòglie ind'a le mènde, pure de prèggie e stimàbbele, de ci a le idèe sò ha mbòste le rigòre de na crescìte ordenàte e disciplinàte. Nzomme, sìme e sìte abituàte a libbre ordenàte, sequenziàle e coerènde. Chèdde ca quìste libbre o sequènze de lèttere jè o sarà jè nvèce na sèlve ncivìle. Accome a na vìte interessànde.
Fine de la lèttere zero.
Roberto Quaglia
L'òpere "Caro Maurizio Costanzo Show...", tutta sane o a pìezze, pòte èssere lètte, scarecàte sop'o computer, stambàte e copiàte senza lìmete, sule pe ùse personàle. Tutte le tèste e le illustraziòne sò proprietà de Roberto Quaglia e nan ze pònne ausà sane o a pìezze senza permèsse. U progètte gràfeche e le pìezze gràfece de quìste pàggene sò proprietà riservàte de Roberto Quaglia. L'òpere "Caro Maurizio Costanzo Show...", tutta sane o a pìezze, nan pòte èssere mettùte in vèndete a nisciùne tìtue senza permèsse de prime.
© 1994-1999 Roberto Quaglia.
|