Su dotore de sos disìgios. Su sproloquio abìlitat sa mente a trascèndere a sé etotu. Casos de domo no sunt cosa ne cusì de crèsia. Su famigeradu "deo" si riconfigurat a ghiribitzu suo. Fluttuantes damigellas si isfantzeddant cun gràtzia implume. Ego logo meco e teco. Bagamundo cun mirada de magu ma no subra su lagu, logu chi faghet rima ma pro nudda b'intrat. Bagamundo in modu bagu, comente isceti si podet bagare. Bagare, nudda istrafàghere. Bagare pro evitare de istare. Chie istat, no bagat. Chie no bagat, no bivet. Chie no bivet, no bivet. Chie no bivet, no bivet.
Sias dimèntigu de cussu chi ti confortat semper a regordare. Evita opuru nono de evitare sas novidades chi in sos meandros tuos fintzas si cuant. Sa Novidade est semper una novidade, o comunque bi assimìgiat meda. Assimigiare est giai unu grave difetu, ma sa perfetzione est difetu galu prus grave, pro cui est mègius assimigiare che èssere perfetamente carchi cosa chi gasi no assimìgiat mancu a sé etotu. Cuat unu sensu, custu aparente perìodu? No si chèrgiat l'ischire pro tzertu! Cuntzetos chi assimìgiant a àere sensu sunt malos, ma sunt mègius che cuntzetos chi unu sensu l'apant e l'apant pretzisu e perfetamente. Proite? Chie lu ischit. No si ischit mancu si est gasi. O sinono. No si ischit nudda. Si faghet finta de ischire de no fàghere finta de ischire. No si ischit nudda, mancu chi no si ischit nudda. Ischire de no ischire nudda est meda zen, e ipòcrita, e istùpidu. Est paradossale, in modu banale. Ischire de gelati a sa fràula est prus sìmplitze e fintzas gustosu. Totus diant chèrrere ischire de fràula, prima o poi in sa vida issoro, o in sa vida de calicunu chi ant atobiadu. Unu sciocu diat nàrrere chi ogne fràula diat chèrrere prima o poi ischire de calicunu chi chèrgiat ischire de issa. Semus totus sciocos, e tando naràmuslu, cun su gustu de chie no tenende gustu de fràula si placat cun totu sos gustos chi pro casu saltiant subra sas papillas gustativas de s'interfaccia percetiva pròpia. Iscoberimus intre s'àteru de èssere su meru elencu prus o mancu ordinadu de sa infidele registratzione de su magma de fenòmenos percetivos chi nos ant riguardadu. Est una frase incumpleta, comente totu sas frases, e cheret nàrrere bene pagu. Esistint frases chi cherant nàrrere bene meda? Si sas frases sunt frases fatas no cherent nàrrere nudda ma lu narant in modu meda comprensìbile e bene cundivisìbile. Si sas frases no sunt frases fatas cherent nàrrere forsis de prus ma nerèndelu no lu narant propiamente, o imbetzes eja. Acò sa indeterminatzione, o forsis nono, acò però carchi cosa... o forsis carchi cos'àtera... est mègius una frase fata oje che una frase no fata cras. O vitzeversa. Chiesisiat sèbberet opuru nono. Chiesisiat pigat vantàgiu dae sa personalìssima cunfusione sua pro generare sa release sighente de sé etotu. Chiesisiat s'abbeverat opuru nono dae sa rara fonte de cunfusione pura o comunque pagu adulterada. Sa cunfusione podet èssere giamada caos. Dae su Caos pro Casu naschet Cosa, narat unu de sos prus picettianos intre sos Gigi Picetti chi in sos cosmos esistint o diant esistire. Su caos est su torrare a mesturare sas cartas dae giogu, est sa riconfiguratzione de sos archètipos. Chissai poi ite cheret nàrrere custa ùrtima frase, ma sonat tota prena de significadu recònditu, e su significadu, ispetzie cuddu recònditu, est sa moneda de mègius corsu a su mannu mercadu de s'energia fata homo sapiens. Chie fuit sa cunfusione fuit su printzìpiu chi l'at resu esistente, rinùntziat a su giogu de s'evolutzione, cale si siat cosa custu potzat, chèrgiat o no potzat o no chèrgiat significare, opuru nono, o imbetzes eja, a su nessi in parte.
Cristallos e pappagallos, pagos de cristallos, abbàntzant pappagallos variopintos pro finta, comente totu sos pupatzos. Sos pappagallos, fintzas otres o bòidos de urina, dant su via a una frase chi no ischit comente sighire. Frases chi no sighint sunt comente minividas truncadas, apartenent a sa realidade e fàghere finta chi custu no siat est ridìcula manifestatzione de bàscia umanidade o arta animalidade, o vitzeversa opuru nono. Cantu prus frases naschent chi no ischint sighire, tantu prus frases miràbiles imbetzes surghent e si manifestant in s'ùnicu e dae cussu momentu imitàbile isplendore issoro. Si tota s'umanidade faeddaret semper e isceti impreende ogne indivìduu a ogne frase semper e isceti frases chi mai nemos apat pretzedentemente proferidu, s'umanidade diat èssere una cosa diversa. Custu est bene possìbile, essende s'umanidade pagos miliardos de cranios cun corpus allegadu e sas frases possìbiles eppuru mai pronuntziadas miliones de miliardos e naro de prus issas sunt galu de prus e deo apo naradu miliones de miliardos pro su cunvincente sonu chi custu nùmeru totu summadu astratu possedit o a nois a s'ispissu paret chi issu possedat. Brutta sa vida fata de frases astrusas a fases, o belle, eh? Sa vida sena fases o cun pagas de issas, cun fases bene definidas etichetadas DOC, etichetas de sos prus e de sos prus de sos prus in su presuntu significadu issoro cundivisas, sa vida gasi bos allègrat, eja, fintzas si no negades chi siat gasi gasi. Pagas fases pagu cunfusas no bos cunfundent e bos istudant, gasi chi de s'ardore pèrdidu passades annos a nde regordare scioccamente s'ardore. No est forsis sciocu istruggersi a regordare s'ardore de s'ardore? Est comente implodire a pensare a s'amore de s'amore, a sos dinaris de sos dinaris, a sos paperon de sos paperones, a pensare de pensare... o imbetzes nono? Pensade de pensare, poi pensade de pensare de pensare... Si sezis printzipiantes procedide pro grados. Afrontade su primu pensamentu bostru pagu a borta, pro no bos islogare su cherbeddu. Prima mesu de issu, o galu de mancu. Cando unu pensamentu pro intreu tenides, cun summa cautela abbinàdemi un'àteru, chi s'ocupat de su primu. Unu pensamentu chi s'acatat de un'àteru pensamentu. Poi, in sa folle escalation chi sas bonas follas ad arte ispontaneamente aprendent, adornade, segundu abbominàbile metàfora, s'àrbore natalitziu de s'èssere bostru a su mundu cun barluccicante costellatzione de pensamentos indipendentes benché cunnessos, ognunu o belle testimòngiu de sos àteros e carchi borta fintzas de sé.
Nudda comente su sproloquio autotematizante nos surprendet si a èssere surpresos nois pro natura o pro isseberu nos retrovamus inclinos. Su sproloquio autotematizante diat andare insinzadu a iscola comente matèria a sé, comente disciplina de palestra mentale, comente vacunu contra ogne fondamentalismu, comente profilassi de una vasta gamma de patologias chi inoghe e immoe no enùmero proite no mi benint in mente e no bido proite dia àere de mi fortzare prus de tantu - antzis gasi sutometo a sa sovrana voluntade de chiesisiat immoe leghet sa dae me suggerida optzione de atzetare cussu chi a custu puntu traighet de èssere unu sutaintesu còmpitu de fàghere a domo, gasi sutaintesu chi evito sena àteru de lu sovraintèndere nerèndelu.
Comunque, o addiritura duncas, proite suta suta so ischidu immoe m'arresto, atesto chi no bos arresto ne bos ischido si ischidados galu no sezis, e lestru m'apresto a pònnere fine a custu congestu forsis fintzas molestu ma onestu manifestu, proite giamai orchestro su sechestru bostru, ne bos infesto o tempesto cun su capestru meu. So unu pagu mestu, e custu detesto. Sa vìgile mea immoe bortat a su vespru. Ma prestu, si su cherbeddu de sa mente no ispògio, mi torro a pònnere in sestu, cun unu solu gestu. Fine de su testu.

Roberto Quaglia