b'at delìriu e delìriu su fatu chi deo ogne tantu esibo una tzerta cumpetèntzia in su sproloquio est opinàbile oje m'est sutzèdidu de sighire su corsu de sos sighentes pensamentos chi curriant dae issu pro sa mìnima buggerada sa vagina sua e sa cocincina sua tenent sos dinaris e gasi tenent semper resone issos no lu isposaia mancu si esseret s'ùrtimu òmine a su mundu e poi tenent carchi cosa de curiosu sos pitzocos issoro semper a annudorare in dogni parte cussas bruttonas mi pediat si cussu chi faghia teniat malu fragu e chi cheriat chi faghere si nono cuddu oro forsis ite arratza de dimandas si bi la ispalmaia unu pagu in dogni logu subra cuddu visu betzu totu rugas cun sos cumplimentos meos aiat cumprèndidu tando sa passa bene passa ite cosa dae comente nde faeddaiat pensaia faeddaret de sa roca de Gibilterra a propòsitu est una bella imbentzione a beru però a pustis mi piaghet a mi lassare andare a fundu in sa tatza fortzende su prus possìbile e poi tirare sa cadena pro l'infusare bene punturas de ispìngula astradas però s'àteru sistema tenet sos vantàgios suos ischiat semper dae comente la faghiat Milly sa criadura si teniat sos vermes o nono però li dat dinaris su matessi cantu est dotore prego una ghinea e mi pediat si teniat omissione a s'ispissu ma inue las andant a chircare cussas paràulas cussos parruccones omissione cun cussos ogros de mìope chi mi teniat a coddu de traessu no mi dia àere fidada a mi fàghere dare su cloroformiu o Deus ischit ite àteru però mi piaghiat cando si est postu a si sètzere a iscrìere totu gasi sèriu e accigliadu nasu gasi intelligente a su diàulu bruttu faulargiu Oh totu cussu chi si cheret mancu che un'idiota fiat bastante ischidu a si nde acatare via dependiat totu dae su pensare a issu e a sas lìteras macas suas Isteddedda mea totu cussu chi riguardat su isplèndidu Corpus tuo totu sutolineadu chi benit dae inie est una cosa de bellesa e de gosu pro s'eternidade carchi cosa chi at agatadu in calicunu de sos libros istùpidos suos deo semper a sas presas 4 o 5 bortas a su die e li naraia de nono e segura Oh eja at naradu so segurìssima in unu tzertu sensu li tupaia sa buca ischiat cussu chi fiat pro bènnere debilesa naturale e bastat est istadu issu chi m'at etzitadu no isco comente sa primíssima sera chi nos atobiemus cando abitaiat a Rehoboth Terrace si est abbarradu in pee a nos abbaidare pro a su nessi 10 minutos comente si nos esseremus giai atobiados dae carchi parte creo pro via chi fiat ebrea apo pigadu dae mamma mi divertiat tando sas cosas chi naraiat cun cuddu risu indolente suo e totu sos Doyle naraiant chi si diat àere portadu deputadu Oh iscioca nàschida chi no fia àteru a cròere a totu cussas chiàcciaras suas subra s'autonomia irlandesa e s'unione natzionale m'at mandadu cussa barba de romanza de sos Ugonotti a cantare in frantzesu proite faghiat prus finu O beau pays de la Touraine no l'apo mai cantada mancu una borta unu sacu de ispiegatziones e filastrocas subra sa religione e sa persecutzione no ti faghet gosare nudda naturalmente e poi podiat issu isceti a sa prima ocasione in via de favore chi li capitaiat a Brighton square at cùrridu in sa càmera de letu mea faghende finta de s'èssere maciadu sas manos cun s'inchiostru pro si las samunare cun cuddu saboni a su zurfu e late de Albione chi tando impreaiat fiat galu inintro de s'involùcru trasparente Oh so iscoppiada dae su risu cuddu die a bi pensare est mègius chi no bi fatza una seduta fintzas a manzanu subra custu afare diant àere de fàghere basos de dimensione naturale in modu chi una fèmina bi potzat sètzere subra comodamente issu s'aggenugat pro la fàghere deo naro chi no bi nde at in totu su mundu un'àteru chi tenet sas abitùdines suas abbaida cuddu modu chi tenet de dròmere a sos pees de su letu comente faghet sena unu capitzale duru mancu male chi no tirat càutzos sinono mi diat fàghere saltiare totu sos dentes respirat cun sa manu subra su nasu comente cuddu deus indianu chi m'at portadu a bìdere una domìniga proosa a su museu de Kildare street totu grogu cun unu grembiulinu istèsidu subra su fiancu apoiadu a una manu cun sos pòddighes de sos pees a foras chi issu naraiat fiat una religione prus manna de cussa de sos ebreos e de su Nostru Segnore postos paris in totu s'Asia l'imitat comente est abitùdine sua de imitare a totus creo chi fintzas issu dromeret cun sa conca a sos pees de su letu cun cussas piotas cuadradas in buca a sa muzere ite bruttesa comunque inue apo postu cussas petzas ah eja lu isco speramus chi s'armàriu no criccat ah lu ischiat issu dromit sodu si depet èssere divertidu li depet àere fatu ispèndere bene su dinari suo naturalmente mancu l'at àpida gratis Oh ite iscuciadura ispero bi siat riservadu carchi cosa de mègius in s'àteru mundu a nos ligare totus gasi Deus nos iscampet e lìbera pro custa note andat bene gasi e immoe su betzu letu bozolosu e tintinnante mi regordat semper su betzu Cohen bi si depet èssere grataladu a s'ispissu inintro e issu creet chi babbu l'at comporadu dae Lord Napier chi deo ammiraia sa criadura proite bi l'aiat naradu abbellu abbellu Oh comente si istat bene in letu Deus nos rimus comente a su sòlitu a pustis de sèighi annos in cantas domos semus istadas Raymond terrace e Ontario terrace e Lombard street e Holles street e issu si nde andat inghìriu fischende ogne borta chi si depet islogiare semper cussos ugonotti o sa martza de sas ranas faghende finta de agiuare sos òmines cun cussos 4 istecos de mòbbiles chi tenimus e poi s'albergu City Arms de peus in peus narat su provostu Daly cuddu postigheddu delitziosu subra su pianerotolu semper calicunu inintro a pregare poi totus si lassaiant in segus totu sos putzos issoro si ischit semper chie bi est istadu pro ùrtimu e ite nde narat de custos pensamentos su cui corsu oje m'est capitadu de sighire faghent asco sunt bellos su trucu chi apo impreadu pro los pensare est unu betzu trucu apo abertu s'Ulisse de Joyce e nde apo lèghidu una pàgina mentras sos ogros meos curriant su testu mi so retrovadu custas paràulas in mente e gasi sena duda las fia pensende giai chi bi fia apo pro coincidèntzia iscritu in tempus reale cussu chi mi passaiat in sa conca a su ritmu fissu de sa letura e acò tando abbantzare custa lìtera a pustis de sa serrada de su libru e sa iscumparta de cussos pensamentos dae sa conca mea gasi foras chi pro sas primas binti paràulas a curtzu de custu piessu e poi immoe a repartire dae carchi momentu a como imbetzes chi delirare deo apo lassadu delirare Joyce e poi naràdemi bois si issu a tempus suo e poi fintzas a pustis de su tempus suo no bos at pigadu pro su culu a totus.

Roberto Quaglia