
 |
LA SOCIETÀ TELEVISÌVE ITALIÀNE
Caro Maurizio Costanzo Show,
ind'o paìse nùestre ce stònne dò Itàlie. Nan stoche a parlà de la spartènze ndrà Nord e Sud. De quìste pàrlene ggià tutte le alde e nisciùne dìsce nudde de nùeve. Stoche a parlà de dò società italiàne paràllele, ca stònne nzìime ind'a le mènde de tutte le italiàne. Ùne de chèdde jè la clàssiche "Società Italiàne", ca ognùne pòte vìvere cu l'esperiènze dirètte sò. Le affètte sùve, u fatìe sù o la disoccupaziòne sò, cioè le relazziòne dirètte cu le alde crestiàne. Jè na società de nu tipe ca esìste da quanne esìste l'Òme, picchè l'Òme jè n'anemàle sociàle.
L'alde jè chèdde ca jì chiàme "la Società Televisìve Italiàne".
La Società Televisìve Italiàne jè prime de tutte fatte da nu cìrchie strìtte de crestiàne, ca fàcene la càste cchiù alde ndrà chèdde addò jè spartùte la Società Italiàne. La Società Televisìve Italiàne però jè assà cchiù de na càste. Jèdde jè pe esèmbie U Granne Pegnatòne Addò Vòllene Tutte le Mìte. Jè pure nu sacche de alde còse, e cu u timbe cercherìme de mettèrne a ffuèche quande cchiù se pòte.
La Società Televisìve Italiàne jè vive ind'a le cervìdde de tutte nù italiàne. Pure ca le cittadìne normàle, ca nan combàrene mà sop'o video, nan ne fàcene pàrte a pìine tìtole, ne fàcene pàrte u stèsse a tìtole cchiù ppìccele. Accome ogne alda società, la Società Televisìve Italiàne se pòte paragonà a n'organìsme; le protagonìste du video ne sò u cervìdde cu cchiù fàcce, le miliùne de telespettatòre ne sò u cuèrpe gruèsse e putènde. Cuèrpe e cervìdde stònne attaccàte strìtte. Pe esìstere, ognùne tène bisùegne de l'alde.
Tutte le mìte ca u cervìdde umàne s'ha sèmbe magnàte pe s'orientà ind'a la vìte, ogge se càcciene da u caudaròne de la Società Televisìve Italiàne. Ind'a la Società Televisìve Italiàne nan ge stònne sùle le personàgge nuèstre, le mikebongiorno, 'e emiliofede, 'e giulioandreotti. Ce stònne a ugguàle tìtole personàgge forastìire, le stallonerambo, 'e boriseltsin, 'e billclinton, 'e mickjagger. Le personàgge forastìire fàcene quàse sèmbe pure pàrte de Società Televisìve Forastìire, e pe quìste motìve, ind'a l'immagginàrie collettìve, vàlene de cchiù.
Tutte le protagonìste de la Società Televisìve Italiàne sò, se capìsce, mìte. Certe sò mìte positìve, alde sò mìte negatìve. Certe ncàrnene u mìte de la tranguillità, alde cudde de l'inguietùdene. Ma nisciùne de lòre pòte scanzà u ruòle de mìte. Accome pe le mìte andìche ind'a la società clàssiche, ognùne de lòre esìste ind'a la Società Televisìve Italiàne pe ncarnà na funziòne bbuène precìse. Ind'a l'esistènze de ognùne de lòre u cittadìne normàle crède a la cecàte, pure ca nan ha mà avùte la pròve secùre de nu contàtte personàle. Quànde, ndrà 50 miliùne de telespettatòre, honne mà 'ngondràte sgarbi de persòne, accussì appurànne ca sgarbi esìste daddavère, ca tène nu risgòndre pure ind'a la Società Italiàne, e nò sùle ind'a la Società Televisìve Italiàne? Ogge se crède a l'esistènze de sgarbi accome na vòlde se credève a l'esistènze de odino. Vìvìme ind'a l'èpoche cchiù mitològgiche ca l'umanità ha mà pruàte. U mìte jè accussì cendràle, ind'o munne de mò, ca nan pe ccàse u parlà de le uagnùne s'ha pigghiàte la paròle, sùle a vvedè facènnene banàle u sìgnefecàte. Quanne la uagnèdde dìsce ca vascorossi jè nu mìte, dìsce la verità.
Ind'a la Società Italiàne nan ze pòte fà a mmène de la Società Televisìve Italiàne. Jè cchiù mise da pàrte nu menìne ca nan zape accome pàrlene le puffi o ci sò le tartarugheninja ca nu menìne "devèrse" a la manère de na vòlde. N'òme granne ca nan jè aggiornàte sop'o campionàte de pallòne jè suspètte. Ce po' quìst'òme granne se ttène a dìsce nu giudìzie sù sop'a sgarbi, u nùmere de le crestiàne cu ccì pòte parlà càte a mmàre. Pure nan canòscere le spot pubblicitàrie pòte èssere pericolòse quanne nan jè probbie fatàle. Jè na pràtiche sèmbe cchiù frequènde cudde de mètte mmènze, ndrà nu descùrse e l'alde, u slogan de nu spot pubblicitàrie. U citatà nu slogan addevènde volendìire pure strumènde pe fà rìdere. Ce a la fine, pe cùlme d'azzàrde, u nùestre òme granne ipotètiche decèsse a ttutte ca nan tène la mìnema idèe de ci jè mikebongiorno, né de avè mà sendùte u nòme sù, sarèbbe guardàte nò devèrse da accome se guàrde nu pàcce ca nan ze recùpere cchiù, o angòre pègge, n'erètiche.
La granne pàrte de cudde ca se dìsce ndrà le italiàne de mò, pe motìve ca nan ndrasèscene cu la fatìe, jè attaccàte strìtte a la Società Televisìve Italiàne. Cchiù spìsse de quanne ce mettìme in contàtte cu le amicìzie nòstre (ind'a la Società Italiàne), ce mettìme in contàtte cu la Televisiòne (cioè la Società Televisìve Italiàne), appecciànnele.
Avè succèsse ind'a la vìte, cioè ind'a la Società Italiàne, jè nfinitamènde mène prestiggiòse ca avè succèsse in Televisiòne, cioè ind'a la Società Televisìve Italiàne.
La Società Televisìve Italiàne, ind'a la scàle normàle de le valòre, jè quinde assà cchiù imbortànde de la Società Italiàne. Nan pe ccàse jè assà difficile arrevà a ffàrne pàrte a pìine tìtole, e quìste infàtte jè ùne de le sùenne e de le ambiziòne prengepàle de sèmbe cchiù italiàne. Combarì in Televisiòne, ind'o munne occidendàle de mò, ormà jè addevendàte n'esperiènze mìstiche a ttutte le effètte, accome vedìme ind'a ùne de le lèttere ca vènene.
Pe ogge jè tutte, caro Maurizio Costanzo Show, sublìme e megghie sìmbele de la Società Televisìve Italiàne.
Roberto Quaglia
L'òpere "Caro Maurizio Costanzo Show...", tutta sane o a pìezze, pòte èssere lètte, scarecàte sop'o computer, stambàte e copiàte senza lìmete, sule pe ùse personàle. Tutte le tèste e le illustraziòne sò proprietà de Roberto Quaglia e nan ze pònne ausà sane o a pìezze senza permèsse. U progètte gràfeche e le pìezze gràfece de quìste pàggene sò proprietà riservàte de Roberto Quaglia. L'òpere "Caro Maurizio Costanzo Show...", tutta sane o a pìezze, nan pòte èssere mettùte in vèndete a nisciùne tìtue senza permèsse de prime.
© 1994-2000 Roberto Quaglia.
|