Mandê di baj a Roberto Quaglia.
Adës u s pô.
|
A m'avì dmandê ad pudé dê una mân a la vita ad Roberto Quaglia, e nó a v'avem ascultê. L'è adës finalment pussìbil mandê di baj a Roberto Quaglia e in sta manira dê una mân da bon a la su vita, ognun second al su pussibilitê. Par andê avânti, basta clichê s'e' bulòn ad Paypal "Make a donation", mètar la zifra ch'a vlì mandê e e' zug l'è fat.* |
|
QUÂNT BAJ U S PÔ MANDÊ A ROBERTO QUAGLIA? U n' gn'è una zifra fësa. E u n' gn'è un lìmit. Qualcadun e' manda sôl quêlch Euro a Roberto Quaglia, una zifra simbòlica. Piò d'solit, chi ch'e' vô dê una mân a la vita ad Roberto Quaglia e' fa cun almanc 10 Euro - quel ch'la custa una pizza e una minerêla. Tânta zent però la dà ènca dal zifr piò grösi. U n'è rêr che e' cuntribut l'ariva ènca a 100 Euro e piò. Di cristiân ad gran valór i à dê ènca 1000 (mël) Euro. Chi ch'l'à tânt e' pô dê tânt. Ènca dişmila Euro o zentmila Euro i sarèb cuntribut ben gradì. Da e' milion d'Euro in sò u s'ciapa un zertifichêt speciêl d'autèntica benemerenza. |
|
PARCHÉ UNA PERSONA LA PÔ MANDÊ DI BAJ A ROBERTO QUAGLIA? Prèma ad tot parchè Internet e' parmet ad fêl, e la dvent una facenda curta e fàzil. Pu u j è tânt mutiv ch'i spenz la zent a mandê di baj a Roberto Quaglia. Qualcadun e' manda di baj a Roberto Quaglia sôl parchè u j pê un'idea bona. U j è quèl, in Roberto Quaglia, ch'u j fa vnì vója ad fê quèl par lò, mo, siccome i n' sa bën cosa, u j spenz a mandêi un po' ad baj, savènd che lò e' gradirà. |
| Êtra zent la manda di baj a Roberto Quaglia parchè i la pensa un su dirèt. L'è un dirèt sacrosânt d'ogni persona lìbra ad sciêr cs'u n' fê di su baj. Sta zent la e' sa, e, siccome ch'la aprèza al ativitê ad Roberto Quaglia, la vô tnìli sò cun un su cuntribut persunêl. I prifirès d'gran lunga ch'un po' di su baj i vaga a Roberto Quaglia invezi che a i sòlit parassita e avultùr. |
| U j è dla zent ch'la manda di baj a Roberto Quaglia sôl parchè acsè la sta mej. U n' gl'interèssa savé parchè ogni tânt i regala di baj a Roberto Quaglia. U gl'interèssa sôl che acsè i sta bën. La prèma vôlta d'solit i à paura, parchè i n'à mai fat un quèl de' gènar, acsè, senza un mutiv precis. Pu, quàsi senza pinsêi, i sfraca e' bulòn "Make a donation" e i manda i su prèm baj. I n's'pent mai. L'è un quèl ch'u j fa piò seren. Ogni vôlta. |
| Qualch individuo e' manda di baj a Roberto Quaglia parchè l'è un status symbol. Mia tot i pô, a dì la verità, vantês d'avé mandê di baj a Roberto Quaglia. Sôl chi ch'l'à fat dabón e' pô dì un quèl de' gènar senza risghê un dè ad pérdar la faza. A sta zent u j pis pudé dì: Me a so stê un di prèm a mandê di baj a Roberto Quaglia. Chi ch'e' pô dêi tôrt? |
| Êtra zent la prifirès mandê di baj a Roberto Quaglia parchè la l'disprèza. Qualcadun ènca parchè i l'òdia. Mandê di baj a Roberto Quaglia l'è par lór una manira d'umiliêl. I fa vèdar la su superiurità sora Roberto Quaglia ubligandal a tô i su baj. L'è una sielta ènca questa, che niseun l'à e' dirèt ad criticê. |
| Qualcadun u n'à mia bën ciêr in ment parchè mai i duvrèb mandê di baj a Roberto Quaglia. Par quest, prèma ad decìdar, i s'imàgina cum ch'i s'sintirà dop d'avél fat. L'è una sensazion gradèvula. Cumè tot i piasé dla vita, l'urìgin dla sensazion ad piasé l'è misteriosa, mo quest e' la fa sôl piò atraenta. Imaginês cum ch'u s'sintirà dop d'avé mandê e' propri cuntribut l'è la manira mej par savé cun sicureza se e quênt baj u s'sent ad vlé mandê a Roberto Quaglia. |
|
*Mandê di baj a Roberto Quaglia l'è una dal manir pussìbil d'interagì cun lò. La vita l'è un fenòmen biològic e spirituêl fat ad relazion e transazion d'energì fra i individui. Qualch fórma ad relazion l'è piò cumplicheda e elegânta, êtri l'è piò sémpliz e da cuntê. L'amór l'è senz'êtar e' cuntribut piò eclatânt ch'a pussèma ufrì a chi ch'u s'pis, mo mia sèmpar l'ariva a destinazion e e' fa i su efèt. I baj i n' sarà pin di stëss "quanti" ad spìrit pur, però almanc a sem sicur ch'i ariva a destinazion (soratot druvènd Paypal) e i fa dabón i su efèt, neca s'umil. Pruvê par crédar. |
|
CUPERTINA | INDIZ | BIOGRAFIA | I MI SCRET | FANTASCIENZA | IMÀGIN | | RASSEGNA STAMPA | LIBRARÌ | POSTER | PULÌTICA | SATIRA | GUST | AMIG | VARIA UMANITÀ | DÀ UNA MÂN A LA VITA AD ROBERTO | CUNTÀT | LINKS | |
||
S'a vlì cuntatê ste mutânt S'a n' e' savì, CLICHÊ AQUÈ
|
||
|
S'a n' savì cum fê, lassì perd |
||
|
Ùltma mudèfica, 23 Utòbar 2003 © 1995-2006 by Roberto Quaglia |
||
| Tot i test e al imàgin ch'i è int "Astounding Quagliaspace", i pô ësar lèt, guardê, aduré, scarghê s'e' computer, stampê e tachê int la vostra cambrèta, e cupiê senza lìmit, SÔL PAR US PERSUNÊL. Tot i test e al ilustrazion i è ad pruprietê ad Roberto Quaglia e i n' pô ësar druvê tot o in pêrt senza permess. E' prugët gràfic e i pëz gràfic ad sti pàgin i è pruprietê riservêda ad Roberto Quaglia. Nient ad quest e' pô ësar mess in vèndita o cmunque cumercializê a niseun titul senza permess prèma. |