‹ Ìndece du site · Càse du musèe · repèrte restauràte
Spàrtele:FacebookXWhatsAppTelegramEmail
Panteca e Baccini (Caro Maurizio Costanzo Show... lettera n.39)
lèttere n.39

Accome se pòte guvernà nu paìse addò stònne duecendoquarandasèie specie devèrse de formàgge?

C. DE GAULLE






















PANTECA E BACCINI

Caro Maurizio Costanzo Show,

ci o cè jì sò jè nu mistère pe mè accome pe chiùnque ca nan tène le travègghie. Fernùte quèsta premèsse ne putìme devertì a fà fìnde de congettùre vère parziàle, inferiòre e storte.
Arremescànne le paràmetre nuèstre putìme allòre dìsce sènza pavùre de èssere smendùte da ci ha accettàte de nan ne smendì ca jì sò mò sopr'a tutte u padròne de nu mure. Ma no de nu mure qualsìase, accome ce ne stònne tànde nu pìcche dapertùtte. Nu mure in quàcche mòde ambortànde, picchè jè state angiamènde nominàte jind'a la trasmissiòne televisìve ca tu sì. Nan jè u Mure de Berlino, vennùte a pezzecìdde a ci tenève sòlde da spènne. Nan jè u Mure du Chiànde e mangne cudde de le Pink Floyd. Jè u mure de Baccini.
Jind'a la trasmissiòne ca tu sì quìste mure venì nominàte, forse pure cchiù vòlte, picchè jè vèrse de jìdde ca u candautòre Baccini avì a vutà u sguàrde sù pe tande òre o giùrne pe anne e anne mendre se mbaràve a candà. U chiamàme allòre u Mure du Cande de Baccini. Le berlinìse tenèvene u Mure de Berlino, ca scèvene a vedè quanne volèvene vedè fin'a addò putèvene scì. L'Ebbrèe tènene u Mure du Chiànde, addò se mèttene quanne ne vène da chiàgne. Baccini tenève u Mure du Cande. Quanne ne venève da candà jìdde se mettève nnànze o Mure sù addò stève accostàte nu pianofòrte e candàve, assà cchiù a lùnghe de quande l'ebbrèe ce la fàscene a chiàgne nnànze o lore, o le berlinìse a passeggià attaccàte o lore. U famòse Mure du Cande de Baccini.
Quìste Mure probabbilmènde rèsce u titte de nu lòcale genovèse chiamàte "Panteca", ca jì, già padròne du Mure, agghie avùte la fatalità de gestì pe tànde tìimbe. Francesco Baccini trasì jind'a la Panteca ind'o 1981, appène dimagrìte da l'ipertrofìe lipìdeche sò, sguàrde spiretàte e quàse mùte, la mènde sò confùse ormà règne de psicofàrmace. Stève sèmbe sule jind'a nu cande, sènza mangne levàrse u cappòtte, mà parlànne cu nisciùne, guardànne u pianofòrte addò quàccheduno sèmbe sunàve. Appène u quàccheduno de turne s'auzàve pe na besògne o nu desidèrie de vève (vìte "vòglie de bìrre"), Baccini se menàve sop'o pianofòrte sguarnìte sunànne quàcche menùte de mùseche clàsseche. Pò scomparève. Ma scomparève pe dabbère. Quèste succedì parècchie vòlte. Sop'o pianofòrte le pianìste de sòlete gerèvene accome le mandrìlle jind'a nu casìne. Ca nu pianìste spìsse scomparève, jère normàle. Ma no ca scomparèsse sèmbe, pure quanne se cercàve de identificàrle pe canoscìrle e offrìrle da vève. Allòre nu giùrne, a le prìme nòte de mùseche clàsseche, quàccheduno se mettì appostàte vecìne o piàne pe scuprì u mistère du pianìste ca scomparève. Baccini sunò quàcche menùte accome o sòlete, pò tutte nzìcche s'auzò de bbòtte, e a passe lùnghe pigghiò de mìre la porte, da addò fosse secùre assùte accome nu fandàsme dòppe pòche secònde accome sèmbe. Ma l'appostàte u fermò de pirsòne, costringènnele a fermàrse quàcche istànde pe accettà quàcchecòse da vève. Baccini cercò de oppònerse, pò s'arrennì e cercò quàcchecòse de forte, na camomìlle.
Cu u passà de le mìse e pò de l'anne, Baccini devendò nu frequentatòre sèmbe cchiù assìdue de la Panteca. Accumenzò a mètte mmènze a la clàsseche pezze de mùseche leggère, preferènne le Blues Brothers e u ballètte de Erode de Jesus Christ Superstar. Prevò a candà, e l'effètte nan fu malacce. Lassò la clàsseche e candò sèmbe de cchiù. Ind'o 1985 l'intensità de la frequendaziòne sò de la Panteca arrevò o mmàsseme. Se presendàve a la porte a le òtte de sère, quanne la Panteca aprève, e ne assève a le dò o a le trè, quanne jèdde chiudève. Accumenzàve a sunà e candà cìnghe secònde dòppe ca trasève la prìma uagnèdde bbèdde, e pò nan la fernève cchiù. Pure a ferragòste, quanne la cetà stève esùle da n'alda pàrte, Baccini stève dà, sule nzième a mè e pòche àlde e nisciùne allègre, e fu pròpie ind'o desolàte Aùste de l'85 ca a la fine de na seràte scàrne sètte uagnedduzze finlandèse comparèrne pe mirècole jind'a la Panteca scure e se u purtàrne vìe facènne pìàzza pulìte de tutte le verginità principàle sò, episòdie già nominàte sop'o palcoscèneche de la trasmissiòne ca tu sì.
Ma la Panteca nan jè sule Baccini. De l'èpeche de Baccini restène le recùrde, le fotografìe, e le òre de videoregistraziòne ca angòre tènghe de nu Baccini spaurìte e cu tutte le capìdde ca, sènza ca nisciùne u sènde, nan la fernèsce mà de sunà accome nu trattòre.
Ind'a l'arche de la vìta sò la Panteca contenì a tratte fugàce na moltitùdene de crestiàne accussì dìtte famòse, da Gian Maria Volonté a Dario Fo, da Angelo Branduardi a Enrico Rava, da Bruno Hendel a Enzo Tortora, da Pinco a Pallino e nan ne scurdàme de Chicchessìa. Ma contenì sopr'a tutte moltitùdene de crestiàne de prègie mène canosciùte ma nan pe quèste sènza de jìdde o indègne. Èccheve le etichètte de Rino Riccio, Alessandro Testa, Gigi Picetti, Max Morando, Bruno Medicina, Guido De Vecchi, Alessandro Buricchi, Beppe Mistretta, Chicco Sirianni, Max Manfredi, Enrico Tetris... làsse fòre le fèmmene picchè n'avèsse a nominà troppe e la pegrìzie me fèrme. Cudde ca quèste etichètte de crestiàne annascònnene e quàcche vòlte mòstrene nan u scuprerìte facilmènde, sopr'a tutte se sìte distràtte da u Nudde ca cumànne.
La Panteca jè mìlle àlde stòrie, a l'àlda pàrte de la gènese de Baccini. Jè u prìme lòcale "alternatìve" ca mà jè nate a Genova. Fucìne de mènde e de talènde. Archètipe de la moltitùdene de lòcale e localìcchie ca ogge fàscene vìve le seràte de na cetà ca se more. Jè u poste addò ind'a l'anne sò remàste ineluttabbelmènde ngastràte le mènde cchiù moderne e cchiù fèrtele de Genova. Còve de sinergìe. Recipiènde mìteche ca tène de tutte. Le riflettòre s'appiccianne sop'a la Panteca quanne jèdde nan ge starà cchiù, pe enfatizzà e fà mìte de qualità ca pòche honne sapùte acchiappà quanne avèssere putùte, ind'a l'arche de la vìta sò vère, cioè pe esèmbie mò. (errata corrige de l'ùltema ore: l'esèmbie nan ge vène bbuène: jè nfàtte forse già tròppe tàrde!)

Roberto Quaglia





Làsse nu Commènde.

Lìgge le commènde de le àlde.

Me piàsce! Me piàsce! Me piàsce!

Ìndece de le lèttere.

Copertìne.

Ma ci jè Roberto Quaglia?





L'òpere "Caro Maurizio Costanzo Show...", tutta sane o a pìezze, pòte èssere lètte, scarecàte sop'o computer, stambàte e copiàte senza lìmete, sule pe ùse personàle. Tutte le tèste e le illustraziòne sò proprietà de Roberto Quaglia e nan ze pònne ausà sane o a pìezze senza permèsse. U progètte gràfeche e le pìezze gràfece de quìste pàggene sò proprietà riservàte de Roberto Quaglia. L'òpere "Caro Maurizio Costanzo Show...", tutta sane o a pìezze, nan pòte èssere mettùte in vèndete a nisciùne tìtue senza permèsse de prime.
© 1994-2000 Roberto Quaglia.




















Spàrtele:FacebookXWhatsAppTelegramEmail