 |
|
Quésta a l'é stæta l'estæ de Robert Sheckley. O grà nde scrittô o l'é vegnûo in Italia, grà çie a-a iniçiatîva e a l'inpêgno de Roberto Quaglia, ch'o l'à invitòu, acudîo e portòu in gîo pe l'Italia e pe l'Euröpa pe 'n mêze intrêgo. Chi l'à avûo l'ocaxón de védlo o l'é restòu incantòu — vedde inte sto numero i comménti de Vittorio Curtoni in Memories of green
e de Roberto Genovesi in Interazioni — e émmo deçîzo d'ofrîve sta crònaca do vissûo, 'n pittìn particolâre (no poéiva ëse atraménte, dæto ch'a l'é stæta scrîta da Quaglia) e tà nto afasinà nte (vedde de d'âto).
Arîvo in Italia
Milà n Linate, mèrcordì 21 Lùggio 1999, ôe 14 e 30.
Ghe n'é d'aerei ch'arîvan e van vîa a mogión, ma sôlo un o l'é quéllo inportà nte. A l'aeropòrto ghe sémmo anæti in trî: Max Morando,
Daniele Vecchi e o sotoscrîto. Vèrso e trê e quarcösa l'ùnico aereo inportà nte de quéllo giórno o dovéiva consegnâne into pà rmo da mà n l'ùnico Robert Sheckley
de tùtto o universo che noî conoscémmo. O l'é defìçile crédighe, ascibén che 'na lónga sequénsa d'evénti improbà bili a l'avéiva fæto vegnî sta poscibilitæ benedîamente probà bile. Ànni e à nni de coréspondénsa pe pòsta eletrònica, tentatîvi precedénti falîi pe-o Câxo, e a-a fìn 'na geometrîa amirà bile de coincidénse favorévoli. E coscì l'improbà bile o vêgne inevità bile, e noî sémmo lì a Linate, a tremâ da-a nòstra megô emoçión. L'aereo che spêtémmo o l'atêra. Ne preparémmo a-o scóntro, e pöco dòppo védemmo i passegê sfilâ davà nti a noî. Quâ de lô o saiâ Sheckley? No sémmo guæi cómm'o l'é fæto. Inta memöia, sôlo o ricòrdo de quà rche fòto vêgia de dêxe à nni. O baste pe ricognóscilo? Amiémmo con atençión tùtte e fà cce ch'an pà ssan davà nti. E coscì fando sémmo pian pianìn vìtima de quélla mæxima Defórmaçión Metafòrica che Sheckley o l'à inventòu inte 'n seu lìbro. Començémmo a alucinâ Sheckley in ògni persónn-a sôla de 'na çèrta etæ. Arîvémmo ascì a anâ apprêuvo a quà rchedûn, çercà ndo de fâse nòtâ, sperà nde ch'i se tramû inte quéllo Sheckley ch'i no són ciæo. O ténpo o pà ssa, e oramâi quâxi tùtti i passegê són pasæ invà n pe-o nòstro setà sso. A Defórmaçión Metafòrica a strénze, e ascì 'n vêgio giaponéize o pâ pe quà rche momento ch'o pòsse ëse o Nòstro. Pöi i passegê finìscian, e ascì o ténpo de Daniele, ch'o deve tornâ in ofìçio. Restémmo Max e mì, e l'ùnica cösa che poémmo fâ a l'é spêtâ o pròscimo aereo.
L'aereo inportà nte o l'arîva ëse quéllo de ôe 18 e 30. E a-a fìn, de cólpo, Sheckley o l'é con noî. O l'à in dòsso e bermude e e çiavà tte, e o pòrta con lê sôlo 'na gròssa bòrsa, 'n säco da spà lle e 'na già cca elegà nte ch'o têgne in mà n. Pe tùtto o vià gio, into mêze ch'o vêgne, no o se la metiâ ciù 'na vòtta.
Dôe ôe dòppo sémmo a Zêna, dóve Sheckley o l'é ospite de Maurizio
Frizziero (Popi pe-i amîxi), inta seu bèlla câza davà nti a-a spià gétta de Bocadà ze, fòscia o canto ciù evocatîvo de tùtta Zêna. Lì, davà nti a 'na töa inbandîa de proxùtto e mëlón, pasémmo 'na seià nn-a splèndida a ciacolâ, dôvèrtùtto in sce l'improbabilitæ de quéllo ch'o ne câpita. Ne acorzémmo sùbito, Popi e mì, che Sheckley o no gh'é, né o poriéiva ëse. Con noî chì gh'é sôlo Robert, e Robert o l'é vêo e o l'esìste in cà rne e òsse e o l'é chì con noî, mentre Sheckley o l'esìste inti nòstri çervèlli cómme raprezentaçión. Raprezentaçión da raprezentaçión, o pignoriâ pöi Mario. Comónca 'n mîto, 'n archetìpo, 'n'entitæ astrà tta che i nòstri sénsci no porîan mâi conósce, tà nto ch'émmo immaginâ inta pasâ. Pe comoditæ o ciamiô comónca Sheckley into résto de sto mê racónto. Ma sacciæ che in realtæ pensiô a Robert, perché o l'é lê quéllo ch'ò conosciûo.
 Zêuggia 22 Lùggio o l'é 'n giórno d'aclimataçión. O fa tà nto câdo, gh'é 'n jet lag da superâ, decidémmo de no stracâse. Cösa ch'a no ne ferma da-o godîse 'na seià nn-a splèndida into lögo de Enrico Reboscio, ostê e amiratô de Sheckley, ch'o ne òfre 'na lærga panorà mica de tìpiche specialitæ gastronòmiche lìguri.
Â
 |
 |
|
| A-a librerîa Fahrenheit 451 |
|
Vénardì 23 Lùggio sémmo a Piaxénsa. A disnâ ne l'à invitæ Vittorio
Curtoni, 'na persónn-a delizióza, into dilà di seu mêriti into cà npo da fantasciénsa italià nn-a. E o disnâ, cuxinòu da seu mogê Lucia, o l'é deciximaménte a-a âtéssa. Dòppo avéi mangiòu, Sheckley o se concêde 'na pìcola sccià ppa in sciô divà n. Pöi Vittorio o diâ ch'o gh'avìæ metûo de d'âto a-o divà n 'na tà rga incîza:
Chì o l'à dormîo Robert Sheckley. Cösa ch'a ne portiâ pöi a l'idêa, pe 'n pròscimo vià gio, de preparâ 'na tà rga ch'a dîxe
Chì gh'é òua Robert Sheckley, da espónn-e in ténpo rêale dôvonque ne fermémmo. O dòppopranzo a realtæ a se fa ciù fìtta. A câza de Curtoni arîvan in pelegrinà gio amiratô de Sheckley da mêza Italia. Pöi anémmo a-a librerîa Fahrenheit 451, dóve o Nòstro o ven intervistòu pe 'na televixón locâle. Pöi tùtti finìscian a mangiâ inte 'na bónn-a tratorîa. I Testimòni de Sheckley són vegnûi ancón ciù tà nti, e òua són quarà nta i conmensâli ch'i mà ngian con lê. Dòppo çénn-a tornémmo inta librerîa pe 'na prezentaçión pùblica de l'autô. Ae ôndexe de séia partémmo pe-o ritórno, vèrso Zêna. O l'é stæto 'n bèl giórno, descrîto ciù in detà lio e da 'n âtro pónto de vìsta da Vittorio Curtoni inte sto mæx-mo numero de Delos. Sheckley o l'é tà nto conténto. Mì ascì. E Vittorio ascì. Se ghe n'é quà rchedûn de scontẹnto, o se sà iâ ciæo retiòu con descreçión da 'n cà nto.
 Sà bbo 24 Lùggio e domênega 25 Lùggio són giórni relativaménte trà nquilli. Ma no pe sto motîvo mêno scignificatîvi. E Gròsse Cöse no són necesariaménte cöse gròsse. Andémmo 'n pittìn in gîo pe Zêna e dintórni con Alessandro Testa e âtri amîxi, ma sémmo tùtti de quélli ciù interesæ a-e cöse che se dîmmo che a quélle che fémmo. A domênega, a câza de Popi, co-o mâ blêu che da-a fenéstra o ne ricòrda con descreçión l'existénsa do móndo, amiémmo ascì distræti o Grà n Prêmio de motorîximo a-a televixón, savéndo che 'n fóndo o vâ l'âtro pe-e nòstre cià cole.
Â
Lùnedì 26 Lùggio fémmo 'n gîétto pe-a riviêra, a Camoggi, e con o batèllo ne vêgne ascì 'na pónta a San Fruttuoso de Camoggi. O ténpo o l'é sénpre bèllo. E ascì e nòstre cià cole. Ve poriô mostrâ e fotografîe ch'i ve convìnsan che o ténpo o l'é bèllo. Ma pe quéllo che rîguarda i discórsci, ve toca crédime in sciâ paròlla. Sémmo sénpre conténti.
 Mârtedì 27 Lùggio ne tóccan e Çìnque Tære. Sheckley o n'avéiva sentîo dî bén, coscì decidémmo d'anâle a védde. Anémmo in mà china fìnn-a a Manarola. A pê, percorèndo a famigerâ Via dell'Amore sótta 'n sô che spà cca e prîe, arivémmo a Riomaggiore. Da chì 'n batèllo o ne pòrta a Vernazza, da dóve 'n treno o ne ripòrta a-a nòstra mà china a Manarola. A dîlo ghe vêuan 'na mangiâ de paròlle, a fâlo ghe vêu bén de ténpo e fadîga conscidarà bile. Amìi de l'ecèsso, a-o ritórno atrovémmo o ténpo e l'enerzîa ascì pe 'na vìxita a Portofìn. Quà nde o giórno o finìsce, Sheckley o l'é distrùto. Ma e Çìnque Tære l'an lasciòu sénsa paròlle, e no sôlo pe-a stanchéssa.
Decidémmo che mèrcordì 28 Lùggio o l'à da ëse 'n giórno de repòzo conpléto. O ciêuve, e co-a ægoa a temperatûa a câla, ofréndone 'na trêgoa e favoréndo 'n mêgio repòzo. O giórno o l'é comónca animòu da 'na vixîta de Natalino Bruzzone, ch'a câza de Popi o fa 'na bèlla intervìsta pe-a pà gina cultùrale do Secolo XIX.
Â
|
 |
|
| A-a Mondadori: da scìnistra Lippi, Laura Serra, Sheckley, Festino, Alessandri, Quaglia |
|
Zêuggia 29 Lùggio anémmo a Milà n. Prìmma tà ppa: Segrate, Mondadori. Ne riçéve 'n cordialìscimo Giuseppe Lippi, curatô de Urania, e con sorprêza descurîmmo ch'o no l'é sôlo: tornémmo a védde Vittorio Curtoni, Laura Serra, Giuseppe Festino,
Piergiorgio Nicolazzini, Ferruccio Alessandri, tùtti za prezénti a Piaxénsa, ciù Claudio Asciuti,
Domenico Gallo e divèrsci âtri. Disnémmo inta ménsa da Mondadori, dòppo de che Sheckley o ne ven sotræto pe 'n gîo d'intervìste e tratatîve d'afæ. Aspêtémmo paçiénti a lóngo inte 'n cà mbrétto spêlòu. Un apprêuvo a l'âtro tùtti se ne van, e mì me atrêuvo a aspêtâ ciù ò mêno da sôlo. A-a fìn i sparîi i tórnan a comparî, e se pêu anâ in çitæ. Destinaçión: a Libreria del Giallo, in Via Peschiera 1. 'N pòsto ecelénte, tà nto ch'arîvo ascì a dâne l'indirìsso. Ghe convèrzan âtri fans e sùbito ghe nà sce 'n bèl ciaciaramén-to, bagnòu co-o spumà nte ch'i padrón i ófran. O cónpâ ascì Claudio
del Maso. E sùbito o l'é séia, vêu dî ôa de çénn-a, ò mêgio: de pìzza. Pe l'ocaxón o cónpâ ascì Luca
Masali. 'Na gròssa pizà da colétiva condîa con quà tro âtre cià cole. Sémmo tùtti conténti, e chi o no l'é, o pâ. 'N pâ d'ôe de mà china pe tornâ a Bocadà ze, e ascì sto lóngo giórno o se særa.
 Vénardì 30 Lùggio lascémmo Zêna e Bocadà ze. Sheckley o me domà nda: No tornémmo ciù chì? Mì rispóndo: No inte sto vià gio. A lóngo me ricordiô a tristéssa imediâta ch'a gh'à ciapòu a fà ccia. Saluà ndolo, Popi o l'amîa, o sorîe e o ghe dîxe: No serve che diêmmo ninte òua. Sheckley o fa 'n çénno apénn-a e o vêgne vîa con mì. Popi e Robert i s'êan za dîti tà nto inte longhe néutte pasæ a parlâ mentre âtri dormîvan. Montémmo in mà china e partémmo pe Lùcca, dóve arivémmo quà rche ôa dòppo. Ne riçéve Alessandro Fambrini, ch'o ne vêgne a piggiâ co-a biçiclétta e o ne móstra a strà dda pe-a seu câza, dóve saiêmo ospiti. O l'é 'n dòppopranzo trà nquillo quéllo ch'o ne spêta. No mêuiémmo da-a vêugia de fâ quéllo ch'i turìsti fà n quà nde arîvan in t'un pòsto. Se repòza 'n pittìn, se fa 'n gîo trà nquillo in mà china intórno a-e miâge da çitæ, se va a-a staçión a piggiâ Stefano Carducci ch'o l'arîva da Treviso. E a-a séia se va tùtti insémme a mangiâ inte 'na tratorîa ecelénte in sciô brìcco.
Â
Sà bbo 31 Lùggio o coménsa con 'na gîà da pe-i brìcchi d'intórno, dóve ne inbatémmo inte 'n improbà bile quaiêdromo, 'n pòsto comónca scîgoro da-o quæ instintîvaménte vêuggio stâ a-a lærga. Decidémmo de cangiâ âia e ne spostémmo a Pîza, dóve ne piggia in cà rego Francesco Ghetti, ch'o ne fa da guîda. A-a séia sémmo da lê a çénn-a, e a quantitæ e a qualitæ di pià tti a l'é tâle da métine deciximaménte in crîxi (dôvèrtùtto o sotoscrîto). In paròlle pôvie: mangiòu e beciûo tròppo. Ma cómm'éa poscìbile reziste? D'in tâl mòddo ò d'in t'un âtro atrovémmo torna a strà dda de câza e afrontémmo 'na lónga néutte de sònno e digestión.
Â
Domênega 1 Agósto o l'é 'n giórno pöco conscigiòu pe métise in sce l'autostrà dda. Ma a lögica di espæti inteligénti a ne agiùtta. Da quà nde són vegnûi de mòdda i espæti inteligénti, i giórni tradiçionalménte pézo pe partî són vegnûi i mêgio, dæto che nisciûn o l'é coscì stùpido da métise in vià gio pròpio inte quélli giórni. Coscì in sce l'autostrà dda no atrovémmo trafégo e arivémmo a Treviso sénsa problêmi a-o prìmmo dòppopranzo. Ne fermémmo a câza de Stefano Carducci. Ne repozémmo quà rche ôa, e a-a séia anémmo in gîo pe-a çitæ, fermà ndose a çenâ inte 'n'âtra tratorîa ecelénte, dóve i nòstri nòbili propòxiti de zazûn dietético i fà n naufrà gio pe l'ennéximo vòtta.
Â
Lùnedì 2 Agósto anémmo a Venéçia. O fa tà nto câdo, gh'é tà nto sô e ancón ciù turìsti. Sheckley o no védeiva Venéçia da 'na vintìnn-a d'à nni. O pòsto o l'inspîra e coscì o se métte a scrîve. Dôvonque, pe tùtto o nòstro pelegrinà gio, Sheckley o no lasciâ mâi o seu quà dèrno e o seu adoròu péno Montblanc gnà nca pe 'n momento. Tùtti i giórni, tà nte vòtte a-o giórno, l'émmo vìsto e o vediêmo cacciâ fêua quà dèrno e péno e començâ ò continuâ a scrîve. Ma a Venéçia o l'é 'n momento speçiâle. O védemmo scrîve con dedicaçión ciù inténsa do sòlito. Dòppo 'na pìzza mediòcre vixitémmo a librerîa de Giampaolo
Cossato. A metæ do dòppopranzo o l'é ôa de tornâ a Treviso pe 'n pittìn de siesta. Émmo descurîo che i detà lli de Venéçia, cómme dôvèrtùtto de tùtti i pòsti, no interéssan a Sheckley pe ninte tà nto. Quéllo ch'o çèrca inti pòsti ch'o vixîta a l'é l'atmosfêra ch'i tramétan. L'atmosfêra a l'é a conponénte inefà bile di pòsti, l'aspêto ciù interesà nte de quéllo che t'inórnia. A-a séia o se gh'azónze Daniele Vecchi co-a seu mogê Debora, e tùtti insémme çenémmo benìscimo a câza Carducci. Stefano o cacia fêua 'n repertöio de dìschi in vinîle con mùxica che Sheckley o no sentîva da dêxénni. E sùbito o l'é nostalgîa, ò quarcösa de quélla famìggia d'emoçioìn. A séia a se dipà na e a finìsce piaxeivolménte.
Â
Prà ga
Mârtedì 3 Agósto a-o matìn prèsto arîvan da Zêna Mario Quaglia, Ada Cortese e Max Morando. O l'é con lô che ne métemmo in vià gio e lascémmo l'Italia, co-o néizo da mà china vèrso tramontà nn-a. Sémmo çìnque inta mê mà china, sémmo strénti (dôvèrtùtto quélli di sedîli de drîo, dæto che o sôlo Max o contêgne çìrca 120 chîli de lê mæximo), ma o bagagiâ o l'é gròsso e o motô o fa o seu dovéi. Sciortìmmo a Tarvisio e ne dirizémmo vèrso Salisburgo, pöi vortémmo a man drîta vèrso Linz, dòppo de che piggémmo a stradón vèrso tramontà nn-a e ne tufémmo inta Repùbblica Cêca. Arivémmo a Prà ga vèrso e nêuve de séia dòppo 'na giornâ de vià gio, sô e paesà ggi piaxeivolìscimi. Ne spêta Yaroslav Olsa
Jr., zóveno diplomà tico cêco e un di ciù gròssi espèrti de fantasciénsa do seu paéize. O l'é lê ch'o n'à invitòu a Prà ga, e o l'é lê ch'o ne métte a despoxiçión 'n apartaménto còmodo dóve piggémmo alozo. Ghe rèsta ancón ténpo e enerzîa pe 'na çénétta inta tratorîa ciù vexìnn-a. No sò di âtri, ma mì són distrùto. Ò guidòu tùtto o giórno e 'na néutte de sònno fóndo a l'é deciximaménte benvegnûa.
Â
|
 |
|
| Sheckley e Quaglia inte 'n caffè de Prà ga |
|
Mèrcordì 4 Agósto Cöse se fa o prìmmo giórno a Prà ga? Se dà 'n'amiâ in gîo. Se va into labirìnto do çéntro vêgio a amiâ i sovenîr ch'i véndan in tùtti i pòsti turìstichi do móndo, se çèrca de scorîse 'n pittìn de Prà ga atravèrso a cuvèrta fìtta di turìsti, e quéllo o l'é difæti quéllo che fémmo. Pe quà rche ôa. Chì e là se s'asétta a béive 'n caffè ò pinciglâ quarcösa. Sémmo ciù a tramontà nn-a e a-a fìn a temperatûa a l'é soportà bile. E o ténpo o l'é comónca bèllo. E mâlgrado i turìsti Prà ga a l'à 'n'atmosfêra ùnica. O dòppopranzo spendémmo 20 mîa lîre de tassì pe percórre eutoçénto mêtri fìnn-a a-o Ministêro di Afæ Estêri, dóve ne spêta Yaroslav Olsa. Inpecà bilménte abotonòu into seu elegà nte cómpleto da diplomà tico, Yaroslav o ne riçéve in conpagnîa de 'na seu colêga afasinà nte e de râ inteligénsa, Jana
Pechova, ch'a restiâ con noî pe-o résto do giórno. O Ministêro di Afæ Estêri o l'é in sce 'n brìcco, e 'na cammìnâ cià nn-a vèrso a vâle a spóza in mòddo perfètto e exigénse turìstiche co-a nòstra pigrîçia legìtima. Ascì perché a-i pê do brìcco ne atrovémmo inta câza ezòtica de Yaroslav, pìnn-a d'òpere d'à rte africà nn-a e dôvèrtùtto de lìbri de fantasciénsa da tùtto o móndo. Ma mì no pà rlo do móndo che conoscéi voî. Pà rlo de lìbri de fantasciénsa birmà n, etiòpichi, congoléixi, e coscì vîa de longo. 'N gioièllo apprêuvo a l'âtro. E ghe béivémmo de d'âto. O l'é l'ôa de l'aperitîvo. Tra pöco o fiô da fantasciénsa cêca o ne spêtiâ inte un di ristorantìn ciù esclusîvi do çéntro. E lì ghe sémmo difæti, pöco dòppo, inte quéllo ambién-te rafinòu de cùi pòsto, ahimæ, m'ò scordòu, asetæ a 'na gròssa töa iluminâ sôlo da-e céndòe in atéiza de 'na çénn-a a bâze de cuxìnn-a boêma. Òltre a Noî, Yaroslav e Jana, gh'é Ondrej Neff, scrittô cêco ben conosciûo, Ivo Zelezny, editô de fantasciénsa, Ivan Adamovic, redatô da rivìsta Ikarie e divèrsci âtri. O mangiâ o l'é bón, ma co-o ténpo o l'avîæ scordòu, dæto che o contèsto o l'é ciù interesà nte. Beivémmo ascì 'na mogión de bón vìn. A-a fìn da çénn-a anémmo tùtti inte 'na famôza birarîa dóve de tà nto in tà nto, pâ, o se mostrà va o Prezidénte Havel in persónn-a. Pasémmo a 'n pà sso da-o ghetto ebrà ico, dóve in quéllo mæximo istà nte i fìlman 'na scêna de 'n film ch'o l'é ambientòu quà rche ténpo fa. Védemmo 'na mogión de naçìsti, ocupæ a rastelâ ebrêi. Pöco dòppo sémmo inta birarîa, dóve me prepónno de no béive ninte. O saiæ tròppo. O mê propòxito, però, o no têgne 'na mangiâ de segóndi. E zù a bîrra, veaménte bónn-a! Sémmo tùtti conténti. Tà nto conténti. O l'é 'n vià gio pìn de contentésse. Quésto o no l'é 'na cösa de tùtti i giórni. O l'é 'n pecòu che ògni vòtta ch'un o l'é conténto pöi o gh'à , a-a fìn, da anâ a dòrmî tutùn. E o giórno apprêuvo o gh'à da recomençâ da-o prinçìpio.
 Zêuggia 5 Agósto Recomençémmo da-o prinçìpio fasèndose sùbito robâ 'na videocà mera. No a mêgio cösa pe restituî a contentéssa do giórno précedénte. Ne tergiversémmo pe-o çéntro de Prà ga in atéiza do pròscimo apuntaménto. O dòppopranzo i fans ne spêtan inte un di ciù inportà nti club de fantasciénsa. Lì l'acugénsa a l'é tà nto câda, ma sôlo pe Sheckley. Pe quà rche ôa nisciûn o s'acòrze che a fià nco de Sheckley ghe són âtre trê persónn-e, e nisciûn o se dégna de salutâne. Soggetîvaménte, mì preferîva i VIP da séia précedénte. Dòppo 'n pittìn noî italién començémmo difæti a sentîse de tròppo. Cöse fémmo chì? Dòppo 'n pittìn o cónpâ quà rchedûn ch'o conóscio e a situaçión a mêgioa 'n pittìn. Yaroslav o m'avéiva avertîo, metèndome in goà rdia in sce-a pöca socevoléssa di cêchi. D'âtra pà rte, ghe vêu provâ pe crédighe. L'ùnica emoçión a l'é amiâ a mìstica trance de 'n sinpà tico fan rùsso davà nti a Sheckley. De râo ò vìsto tà nta emoçión inti êuggi de 'n esträneo. E 'n pittìn d'òsmòxi emotîva a l'é a conseguénsa lògica. De sto dòppopranzo me ricordiô coscì in futûro sôlo i êuggi de sto figgêu. Ascì perché, za che gh'éa, ò filmòu tùtta a scêna. A-a séia çenémmo con 'n grùppo de fans.
Â
Ungherîa
Vénardì 6 Agósto On the road again. Partémmo pe Budapest, sénsa frétta, vèrso metæ matìn. O vià gio o l'arîva ëse ciù lóngo do necesà rio pe 'n détôe inùtile pe l'Austria. Arivémmo a Budapest vèrso séia, e atrovémmo sùbito dóve dòrmî. Dæto che ò guidòu sénpre mì, són consciderà bilménte strà cco. Quésto o no ne ferma da-o anâ a çenâ in sce 'n batèllo in sciô Danùbio, dóve — ahimæ noî — ne strafogémmo. A cólpa do mangiâ tròppo bón.
Â
Sà bbo 7 Agósto Dòppo a colaçión, 'n bèl gîo pe Budapest, sôlo pe fâse 'n'idêa. O dòppopranzo ne métemmo torna in vià gio, vèrso sciroco. Ne godémmo i ùrtimi otà nta chilòmetri d'autostrà dda. Dòppo saià n sôlo stradón. O fa 'n câdo treméndo, ma l'âia condiçionâ a ne sà rva. Pasémmo l'ùrtima çitæ ungheréize, Szeged, e arivémmo a-a fìn a-o confìn co-a Romanîa. O l'é tùtto inbutîo, e ghe vêu ciù de 'n'ôa pe pasâ. 'N'âtra ôa a perdémmo viртuâlménte pe-o cà nbio de fûzo orâio. O l'é tà rdo dòppopranzo quà nde a-a fìn schiçémmo pe-e cià nn-e desolæ da canpà gna romêna into nòrdvèst do paéize. No ghe vêu tà nto pe arivâ a Timisoara, a nòstra destinaçión pe ancheu. A-o hotel Continental atrovémmo e apreçémmo e câmere reservæ pe noî. Sheckley o l'é strà cco e perplèsso. O dichîara che l'Italia a l'éa 'n'âtra cösa. Ma o no se laménta, né o se pénte d'ëse chì. O l'é za séia, e ghe rèsta apénn-a o ténpo de mangiâ quarcösa in sciâ terà ssa-ristorà nte de l'hotel, mentre a fià nco de noî de balerìnn-e no tròppo vestîe i fà n 'n spetà colo pe-a dirètta de 'na TV locâle. Davà nti a 'n bón mangiâ e 'na bónn-a bîrra, e ascì a 'n bón nùmero de balerìnn-e scaadenæ pöco ciù in là , ascì o ümô de Sheckley o se ripiggia in frétta. Inte l'ôe e l'ôe pasæ in mà china inti ùrtimi giórni o l'à scrîto bén, e quéllo o baste a contentâlo. Stâ asetòu a scrîve, o nòta, o l'é quéllo ch'o gh'é sénpre tocòu fâ, e in mà china con noî o pêu ascì ciacolâ e amiâ o paesà ggio ch'o cà ngia.
Â
Romanîa
Domênega 8 Agósto O fa tà nto câdo a Timisoara. Inta hall de l'hotel atrovémmo quélli ch'i n'an invitòu in Romanîa. Jonathan
Cowie, scïençòu scoçéize e ascì persónn-a rafinâ e amîgo piaxeivolìscimo, o ne fa o seu câdo benvegnûo. O l'é, ciù che âtri, l'organizatô de l'evénto a-o quæ sémmo vegnûi a partecipâ. Ma tà nti se són convèrti a-o Continental pe salutâne. Gh'é
Jim Walker, cómme Jonathan vegnûo da l'Inghiltæra. Ghe són i romêni Silviu Genescu, Antuza Genescu
e Dorin Davideanu. Dòppo e inevità bili gentilésse de l'ocaxón, optémmo pe 'na vixîta a-o muzêo locâle de-e câze de canpà gna, 'n pà rco into quæ són stæte ricostruîe e tradiçionâli câze de canpà gna romêne. O no l'é a fìn do móndo, ma o l'é a-o mêno quarcösa de neuvo, e comónca l'ocaxón pe 'na cammìnâ. Ghe n'é un muzêo ciù gròsso e ciù interesà nte do génere a Bucarest, ma noî sémmo a Timisoara. Ch'a l'é comónca 'n pòsto interesà nte e piaxeivole. O dòppopranzo gh'é a çerimònia d'inauguraçión do convénto. Personalménte mì abôrìscio ògni çerimònia de qualónca génere, coscì no çerchiô de convìnseve ch'a segge pe mì 'na fónte d'alegrîa. Diêmmo ch'o me ròmpe mêno do sòlito. Probà bilménte, e çerimònie de sto génere són 'n mâ necesà rio. A-a séia, çenémmo tìpicaménte a-a romêna. Cómme cuxìnn-a a no l'é mâ, ma a no l'é tà nto variâ, e dòppo quà rche pà sto un o l'à za provòu tùtto.
Â
 |
|
|
| Sheckley e Quaglia, sponsorizæ, fìrman autògrafi |
|
Lùnedì 9 Agósto ne pòrtan a vìxitâ 'n muzêo. No sémmo tîpi da muzêo, né Sheckley né o sotoscrîto, coscì in pöco scapémmo, e ne refuggémmo inte 'n McDonald's, 'n pòsto che nisciûn de noî dôî o frequénta de sòlito. Ma chì o fa 'n câdo do diâo, e o McDonald's o l'à l'âia condiçionâ. E in ciù o no l'é obligatöio mangiâ. Pe quéllo ghe són e beivà nde. Pöco dòppo a troupe de 'n canâle televixîvo naçionâle a vêgne a intervistâne. O dòppopranzo, 'n pittìn de trêgoa in hotel. O hotel Continental o l'é gròsso e acogliénte, o cónta 'na dêxìnn-a de cian di quæ ghe n'é un interesà nte: o segóndo. Giórno dòppo giórno ne fémmo difæti tùtti senscìbili a quéllo che começémmo a ciamâ o Mistêro do Segóndo Cian: a ciascûn de noî, difæti, into seu anâ sù e zù co-l'ascensô, ghe câpita de spésso d'atrovâse in conpagnîa de splendide donzèlle che a ciamâle vestîe o l'é tròppo, tùtte che invarià bilménte intran ò sciòrtan da l'ascensô a-o segóndo cian. Dîte grà çie pöi sparìscian chi sa dóve co-a mæxima soitenéssa con cûi compà rìscian. Esploraçioìn aprofondîe a-o segóndo cian no agiùttan a ciairî o mistêro. E a noî no ne rèsta che e nòstre ipòtexi.
Â
|
 |
|
| I giornâli de Timisoara o giórno apprêuvo |
|
Mârtedì 10 Agósto no me són ancón ben dexedòu che m'atrêuvo con Sheckley, Max, Mario, Ada, Jonathan e tùtti i âtri a-a librerîa BIC-ALL pe-a prezentaçión de l'ediçión romêna do lìbro de Sheckley
Scambio Mentale (Transfer Mental) e do mê Pane, burro e paradossina
(Pâine, unt si paradoxina), tùtti dôî publicæ da Nemira. Gh'é de mêzo ascì 'n sponsor, a bîrra Kaiser, e Sheckley e mì émmo da métise di magiétte rósse co-a mà rca da bîrra, e dôvèrtùtto émmo da béive 'na mogión de bîrra, o l'ideâle apénn-a dexedæ. Gh'é ascì o vìce-scìndaco de Timisoara, ch'o se là nsa inte 'n lóngo discórso in romêno. Quà nde o l'é o mê tórno pà rlo a câxo pe 'n pittìn, cómm'o me câpita oramâi da ténpo, savéndo bén che tà nto quéllo ch'ò dîggo ciaschedûn o o scordiâ in frétta tutùn, sôlo che sta vòtta me sbà glio. Inti giórni apprêuvo ritrovrô difæti, con 'n çèrto oróre, i mê argoménti sconclusionæ riportæ fedelménte inte divèrsci artìcoli in tùtti i giornâli locâli, cómme se i scignificà ssan veaménte quarcösa. Sheckley, ciù prudénte, o sêgge 'na lìnia ciù sòbria. Gh'é relatîvaménte tà nto pùblico, dæto che inti giórni précedénti i giornâli locâli l'an gónfiòu l'evénto, ilustrà nde i artìcoli ascì con immà gini descaregæ, sénsa che mì o saviésse, da-i mê scîti in sce l'Internet. O diretô marketing de Nemira, Laurentiu
Teohar, o l'à evidénteménte travagiòu bén. Dòppo i discórsci 'n asêdio tradiçionâle pe l'autògrafo in sce-e còpie di lìbri o no ne dà fastìdio pe ninte, e a-a fìn ascì sto bèl momento o se ascciûe. E l'ôe genêriche tórnan a scórî inta câdùa torîda de Timisoara e tornémmo a refuggâse pe quà rche menûto into McDonald's. Ae çìnque do dòppopranzo asistémmo a 'na conferénsa de Jonathan Cowie in sce l'eclìsse de doman.
Â
Eclìsse
 |
|
|
| Sheckley o l'amîa l'eclìsse |
|
Mèrcordì 11 Agósto o l'é o giórno de l'eclìsse totâle de sô. E o coménsa malaménte. O çê o l'é tùtto cuvèrto e o ciêuve. Pöi o çèssa, ma o çê o no mêgioa. A-a fìn o vêgne frêido. Sheckley o dîxe che 'n pittìn de frescûa a gh'é ciù cà a che l'eclìsse. Conmónca decîdo de no piggiâméla tutùn. O saiâ comónca interesà nte védde o giórno tramutâse in néutte. Intà nto l'eclìsse parçiâle a coménsa, ò coscì a-o mêno a dîxe a nòstra tabelìnn-a. No poémmo védde ninte, a pà rte e cöse normâli. Sôlo che e nìvie pian pianìn s'aslêgian, e de cólpo quà rchedûn o l'adêucia 'n parvénsa de sô ch'o fìltra atravèrso o çê dispetôzo. Sùbito 'na gròssa córsa pe anâ a piggiâ i ögiæ pe l'eclìsse. O çê o se vèrze 'n pittìn de ciù e de tà nto in tà nto o sô o se móstra intrêgo pe quà rche menûto. E coscì émmo avûo a nòstra eclìsse parçiâle, ne dîmmo. Ne avixinémmo a-o momento da totalitæ, e o çê o se vèrze sénpre de ciù. Fòscia sémmo fortunæ. L'incògnita meteorològica a fa o tùtto probà bilménte tà nto ciù emoçionà nte de quéllo ch'o saiæ stæto in condiçioìn meteorològiche ideâli. Sémmo into nòstro hotel e montémmo in sciâ terà ssa. Da lì se domìnn-a tùtta a çitæ. De tà nto in tà nto o vêgne zù 'n cùrto sguà sso d'ægoa, sôlo pe gradiménto. In sciô téito 'na TV locâle a intervìsta Sheckley e mì in dirètta e, co-o pretèsto de l'eclìsse, fémmo réclà mme a-i nòstri lìbri. Ghe mà nca sôlo 'na mangiâ de menûti a-o momento fatâle, e o çê o l'é tornòu prométénte. 'Na córsa zù into camerìn pe seguî a-a televixón l'avansaménto de l'eclìsse totâle atravèrso l'Euröpa. TV vîa satèlite, programmi brità nnichi, françéixi e tedéschi, ch'a turno documéntan e cómentan l'eclìsse totâle ch'a vêgne e a va vîa. Inaspetæ, o l'é comovénte, mâlgrado e stupidà ggini che i divèrsci comentatô no pêuan fâ de mêno de dî. Quà nde l'eclìsse totâle a lascia ascì l'Austria, o l'é o momento de precipitâse torna in sciô téito. Gh'é bagà rre pe l'ascensô, ma sémmo noî quélli ch'i vìnsan. O sô o l'é ancón vixìbile, atravèrso 'n strà to sotîle de nìvia ch'a se mêuve in frétta, ma ghe n'é sôlo 'na pìccola fâsétta. E nìvie i fà n da fìltro e se pêu ascì amiâ a êuggio nûo sénsa problêmi. A l'orizónte, intà nto, o çê o l'é vegnûo néigro pìxe a ponénte. O l'é l'eclìsse totâle ch'a s'avixìnn-a. Pöi 'na brùtta nìvia a finìsce dóve a no dovéiva, e o sô o spà rìsce, totalménte eclissòu da-a nìvia 'n istà nte primma che da-a lùnn-a. E pöi de cólpo o l'é tùtto scûo, e coscì o rèsta pe 'n pittìn. Védemmo a nìvia indezideâ móvise, ma no abà sta in frétta. A çitæ a l'é a-o scûo, o çê de d'âto a noî o l'é scûo, ma l'orizónte o l'é luminoxìscimo a 360 grà ddi. 'N panorà ma mâi vìsto. Pöi a lìnia de lûxe a s'avixìnn-a, pròpio cómme primma o l'éa vegnûo o scûo. Amîo in sciù, e a nìvia a l'é quâxi anæta vîa — sénto 'n rombo de vôxe ch'o vêgne da 'n âtro quartê da çitæ. Là o nìvio o l'é za anæto vîa, e pe 'n momento s'é vìsto l'eclìsse totâle. Amîo in zù: ancón scûo. Amîo torna in sciù: e de cólpo me cólpisce 'n raggio assoçénte de sô, e pe 'n momento adêucio 'n tòcco de diamond ring, l'immà gine ch'a mà rca a fìn de l'eclìsse totâle. Amîo in zù e a çitæ a l'é iluminâ. Émmo perso l'eclìsse totâle pe dôî ò trê segóndi ò, se voî preferî, pe dôî ò trêxénto mêtri. Ma probà bilménte no avìæmo avûo tùtte e emoçioìn ch'émmo avûo se e cöse i fùssan anæte cómme noî l'avìæmo vorsûo. Da quéllo momento, comónca, o sô bùrlón o no l'à ciù finîo de luxî.
 Zêuggia 12 Agósto o l'é o nòstro ùrtimo giórno a Timisoara. O dòppopranzo Sheckley, Tony Chester e mì sémmo intenti a ciacolâ a 'na töa rotónda. A-a séia, çénn-a de gà la inte 'n ristorà nte reservòu quâxi tùtto pe noî. O pâ 'n bèl pòsto, ne acomodémmo e pe 'n pittìn o va tùtto bén. Ma tra o prìmmo pià tto e o segóndo pà ssan dôe ôe d'atéiza, francaménte tròppe pe no inervozîse. Dòppo a çénn-a ghe són e gentilésse rituâli ch'i acompà gnan i strascìchi de tùtte e çénn-e de gà la, e Sheckley o se retîa fùrbo in hotel. Ascì noî o seguiêmo tra pöco. Doman o saiâ 'n giórno tòsto.
Â
 |
|
|
| Ògni momento o l'é bón pe segnâ quà rche nòta |
|
Vénardì 13 Agósto o l'é 'n giórno tòsto. Ae ôtto e mêza do matìn émmo caregòu tùtto e tùtti in mà china e partémmo, vèrso o sciroco do paéize. No ghe són quâxi autostrà dde in Romanîa, e i stradón, ascibén refæti de frésco, no són 'n schèrso, dôvèrtùtto se un o gh'à da percórighe seteçénto chilòmetri de fîa. Ascì perché atravesà ndo o paéize un o l'é in sciâ mæxima rótta de tùtto o trafégo comerciâle da naçión, e no sôlo: cösa ch'a vêu dî colónne de cà mion romêni, bùlgari, tùrchi, ma ascì italién e tedéschi. O tùtto condîo con trebiatrîci che de tà nto in tà nto sciòrtan da dôppo 'na vóltâ piggià ndo 'na corscîa e mêza, mîa de cæti de contadìn tiæ da-i cavà lli, caroà nn-e de çìngani ch'i se mêuvan ascì lô co-i seu cæti e cavà lli, mà ndrie de bèrri ch'i atravèrsan de tà nto in tà nto a strà dda con indiferénsa, và cche sôle e no sôle e cà n randà gi suicìddi. A intervà lli regolâri, difæti, i bòrdi de-e strà dde da Romanîa són tempestæ de carcà sse de cà n ch'i an atravesòu a strà dda into momento sbagliòu. Ghe són miglioìn de cà n randà gi in Romanîa, ch'i aоméntan incesà nteménte, e da quéllo che m'an spiegòu a comunitæ eoropêa a l'à ordinòu a-i romêni de no copâli pe no violâ i seu dirîti animâli, ò quarcösa do génere. No sò se o l'é vêo ma o saiæ tîpico, e intà nto i cà n randà gi auméntan, formà nde di vêi branchi ch'i de tà nto in tà nto, segóndo quà rchedûn, se mà ngian ascì o quà rche figgêu. E intà nto mì guîdo. Ghe n'ò pe tùtto o giórno. A diferénsa do guidâ in autostrà dda, chì no se pêu fâse distrâe pe 'n momento. Guà i a stacâ i êuggi da-a strà dda! Ànni fa, quà nde són vegnûo da ste pà rte insémme a Silvio Sosio e Luigi Pachì, pe çercâ de lenî o seu choc pe-e strà dde romêne (in quéllo ténpo i êan tà nto mêno asfaltæ d'òua), ghe diêva che e strà dde in Romanîa i són 'na metà fora da vìtta: no se sa mâi cöse vegnî inte 'n momento, e quà nde mêno te l'aspêti te inbà tti inte quarcösa d'imprevìsto. Intrémmo inti Carpâti e afrontémmo a traversâta da Transilvania inte 'n clîma lùgubre e afasinà nte. O ténpo o l'é brùtto, e nìvie i són bà sse e o coménsa a ciêuve a sêuggia. Ne ralegrémmo pe l'atmosfêra apropriâ, ma l'alegrîa a dûa pöco. A strà dda a córe a fià nco de 'n sciûme e a man drîta gh'é sôlo miâge de ròcca. Da-e quæ, in vìrtû da pieuva, o no vêgne zù sôlo ægoa. Sénpre ciù de spésso ne inbatémmo inte 'na frà nn-a ch'a strénze 'na pà rte da nòstra corscîa. O l'é incoragià nte. Fìnn-a a che a strà dda a no l'é de cólpo blocâ da 'na frà nn-a ch'a câpita pròpio in quéllo momento davà nti a noî. E mà chine i són tùtte lì, férme, in atéiza. A strà dda a no l'é ancón do tùtto blocâ, ma di blòcchi e di scià ssi ròtolan pe travèrso a strà dda, fà ndo o transîto pöco apetîbile. De tà nto in tà nto quà rche mà china a tènta a fortûnn-a e a pà ssa, çercà nde de dribblâ e ròcche za in sciâ strà dda e e âtre, ciù periculôze, in arîvo. Mì me métto inta corscîa de sorpà sso e m'avixìnn-o. Me férmo. Çerchémmo de pasâ ò aspêtémmo ancón? Tra pöco o poriæ ëse tròppo tà rdi, a strà dda a se poriæ blocâ do tùtto. In quéllo momento 'n gròsso blòcco o schìçça a tùtta velocitæ pe travèrso a strà dda davà nti a noî. O l'é a roulette rùssa. Pe fortûnn-a a frà nn-a in córso a l'é òua perfètтаménte vixìbile in tùtto o seu svolzìse. Vêgne zù de tùtto pe-o pendîo scìmmo a man drîta, ma o se védde bén, e pe-a ciù pà rte i són di scià ssétti. Cösa ch'a vêu dî che con 'n pittìn de prudénsa se pêu pasâ sénsa tròppo rîschio, in sintonîa co-o ritmo da frà nn-a in mòddo da evitâ i râri blòcchi. Scià cco o pedâle de l'açeleratô, açendéndo o turbo do motô e de l'adrenalìnn-a. Mentre pà sso atravèrso a frà nn-a 'na rêua a sbà lla 'na prîa cóntra a-o telâ de sótta da mà china e o rumô fòrte de l'inpà tto o no ne ralêgra. 'N momento dòppo schìçço a 'na velocitæ inaudîa tra e mà chine che da l'âtra pà rte da frà nn-a i stà n férme in atéiza, e quà rchedûn providençialménte o me o fa nòtâ. Quà nde o turbo de l'adrenalìnn-a o s'açénde, gh'é o ráxo che un o se scòrde de smortâlo. No sénsa fadîga o smòrto e ralénto. Me sénto 'n pittìn in cólpa vèrso Sheckley pe avéilo portòu fìnn-a chì e coscì ghe dîggo: A-o mêno o no l'é 'n vià gio nuiózo. Sheckley o rispónde con âia convìnta: No, nuiózo o no l'é. De tùtti noî o pâ o mêno preocupòu. O se rimétte sùbito a scrîve. Sbircio o seu quà dèrno e lêzo We stopped at one point and watched a flow
of small pubbles trickle out of a hole in the mountainside and onto the
road. It was like the Earth was bleeding. Pe lê i evénti i són dôvèrtùtto o spónto pe avéi quarcösa da scrîve. I Carpâti i són quâxi pe finî. O continùa a sêuggia. Sheckley o continùa a scrîve. Ghe rôbo 'n'âtra mangiâ de frà xi: The flooding grew worse as we continued.
A deserted car park had become a lake, empty except for one white plasticchair
floating in it. Occasionally we passed a peasant, standing at the side
of the road, huddled under a plastic raincoat, waiting for God knows what.
But for the most part we encountered no one. Quà nde pensémmo d'avéi pasòu o pézo, ne inbatémmo inte 'n ingórgo. Gh'é 'n abasaménto inta strà dda ch'o s'é inpîo d'ægoa. I cà mion i pà ssan, ma 'na mà china ch'a çèrca de fâ o mæximo a sprofónda e a rèsta lì. Chì no se pà ssa. Pe fortûnn-a gh'é 'na strà dda alternatîva, ma émmo da tornâ inderê quà rche chilòmetro. Fà sso inversción e, repercoréndo in sénso opòsto a strà dda apénn-a percórsa, m'inbà tto sùbito inte 'n gròsso blòcco in mêzo a-a strà dda. 'N pittìn primma o no gh'éa. O l'é vegnûo zù pöco dòppo o nòstro prìmmo pasà ggio lì e pöco primma do segóndo. Sémmo fortunæ, ò comónca no sémmo sfortunæ. Mêz'ôa dòppo émmo superòu i Carpâti sénsa dà nno e o l'é torna cià nn-a, cösa ch'a no ne dispiâxe veaménte ascibén l'atmosfêra a no l'é ugualménte interesà nte. Arivémmo a Bucarest vèrso e ôtto de séia, ma quésta a no l'é a nòstra destinaçión pe ancheu. Vagiémmo conmónca se fermâse ò no, pöi unà nimi decidémmo de continuâ. Cà la o scûo, e sôlo alôa me ricòrdo perché no ò mâi vorsûo viagiâ pe-a Romanîa de néutte. I âtri o descêuvran pe-a primma vòtta. A-o scûo, e lûxi acoçénti da colónna de cà mion in sciâ corscîa opòsta i t'açêgan, cösa ch'a no l'é precîza-mènte o mêgio in Romanîa, dóve e strà dde i têgnan sorprêza in sce sorprêza, dóve i cæti tiæ da-i cavà lli i no gh'an lûxi de drîo e dóve i ocaxonâli pedón i cà mminn-an quâxi in mêzo a-a strà dda, fidà ndose fòscia ch'e mà chine i schìvian, ò ciù probà bilménte sénsa pónise o problêma pe ninte. O l'é a pà rte mêno divertẹnte do vià gio. Arivémmo a Cernavoda tra e dêxe e e ôndexe de séia. Ghe n'é 'na centrâle nucleâre lì, ma no ne poémmo lamentâ tròppo. L'émmo costruîa noî italién (ò mêgio, noî zenéixi) insémme a-i canadéixi. Ne sistémmìan inti apartaménti spaçiôxi e luxuôxi 'na vòtta costruîi pe-o personâle ocidentâle da centrâle. Sémmo strà cchi, ma ascì abà stanza conténti. Pe chìndexe ôe émmo tegnûo a corscîa, sorpasà nde incesà nteménte mà chine, cà mion e cæti, fà ndo atençión a no scciantâse de mûzo inti cà mion che in sciâ corscîa de sorpà sso te atrêuvi davà nti in ògni momento, e émmo soprevisciûo.
Â
|
 |
|
| In sciô batèllo vèrso Atlantykron |
|
Sà bbo 14 Agósto o l'é 'n giórno nuvolôzo. A trentaçìnque chilòmetri da Cernavoda gh'é 'n izolòtto in sciô Danùbio ciamòu Atlantykron, vexìn a-o paéize de Capidava. O l'é lì che anémmo. 'N pòsto sarvà dego fêua do móndo sòlito dóve i romêni i organìzan tùtti i à nni 'na settemà nn-a d'eventâli atinénti a-a fantasciénsa. 'N pìccolo batèllo o ne tragéta là . A-o mêno, çèrco d'incoragiâ Sheckley, chì nisciûn o te portiâ in gîo turìstico. Sheckley o rispónde: Quésta a l'é 'na bónn-a neuva. Ne sbagliémmo, però. Apénn-a sbarcæ in sce l'izolòtto, Sorin
Repanovici, l'organizatô de l'evénto, o ne riçéve e o ne pòrta in gîo turìstico pe l'izolòtto, mostrà ndone e ténde e i seu ocupà nti. Pöi se béive e se mà ngia quarcösa in sciô pónte do batèllo amaròu a l'ìzоla, dòppo de che ghe segue 'n incóntro-dibà tito co-i prezénti in sce l'ìzоla. O dòppopranzo, Sheckley o preferìsce tornâ into seu apartamentìn a Cernavoda perché o vêu scrîve 'n conto e pe quésto ghe serve a solitùdine. A-a séia o l'avîæ za finîo e o ne saiâ tà nto conténto.
 Domênega 15 Agósto tornémmo a Bucarest. O l'é o prìmmo pà sso inta direçión de câza. A Bucarest émmo a despoxiçión 'n pâ d'apartaménti dóve stâ. Anémmo a disnâ da Sydney, 'n pub assæ in australián dóve i sèrvan ascì rôbe mescicà nn-e. E o l'é pròpio lì, asetæ da Sydney davà nti a 'n bón pià tto ezòtico, che Sheckley o dichîara che a Romanîa a coménsa a pià xighe, e ch'o se poriæ imaginâ de vìve lì. O dòppopranzo, Sheckley o vêu continuâ a scrîve. Ghe lascio o mê portà tile a despoxiçión e noî âtri anémmo a fâ 'n pâ de gîi. A-a séia o l'avîæ scrîto 'n âtro conto.
Â
 |
|
|
| A-a TV romêna, intervistæ da-o ministro |
|
Lùnedì 16 Agósto o l'é 'n giórno tà nto inténso, començòu con 'n bèl tæremoto. A scòssa ch'a l'à distrùto a Tùrchia a s'é sentîa ascì chì. Max e Ada, i sôli de noî svéggi a quéll'ôa, testimònian che tùtto o l'à balòu pe 'n bèl pittìn, mentre i lampadâi i barcolà van deciximaménte de chì e de là . Mì dormîva e no m'é acòrto de ninte. A-o matìn sémmo invitæ a-a televixón romêna da Alexandru
Mironov, ex ministro do spòrt e da gioventù e ascì espèrto de fantasciénsa e condutô de 'n programma televixîvo de fantasciénsa in sciô prìmmo canâle naçionâle, ch'o realìza 'n programma ecelénte çentròu in sce noî. Sheckley o l'é tà nto conténto, e mì no són da mêno. O l'é stæto 'n bèl programma, con domà nde e discórsci inteligénti, lontà n da ògni banalitæ abituâle. A disnâ ne refuggémmo torna da Sydney. E o dòppopranzo o l'é in vìsta 'na segónda partecipaçión a 'n programma televixîvo. Sta vòtta sémmo ospiti into salòtto de
Mihaela Muraru Mandrea. A-a séia invêce sémmo invitæ a çénn-a da Florin Munteanu, scïençòu romêno brilantìscimo e mê amìgo gròssìscimo. O l'é 'na seià nn-a tà nto bèlla, de cûi ògni descriçión a saiæ riduttîva. Sheckley o n'é entuxià sta. What a fantastico man! o comentiâ pöi, repensà nde a Florin.
Â
Mârtedì 17 Agósto anémmo da Nemira, o nòstro editô. Sémmo ben açèlti da Valentin Nicolau, l'editô, e Vlad Popescu, o seu vìce. Ninte discórsci de çircostà nsa. Inveçe, 'na mogión de ténpo insémme a ciacolâ fêua di rituâli sòliti. Ghe rèsta ascì o ténpo pe 'na pónta inta redaçión de Anticipatia, a ciù longêva rivìsta de fantasciénsa romêna. Pöi o sòlito spuntìn da Sydney. O dòppopranzo, Sheckley o se retîa torna a scrîve. Anémmo tùtti a dòrmî prèsto. Doman o saiâ 'n giórno tòsto.
Â
Ritórno
Mèrcordì 18 Agósto tornémmo a partî pe l'Italia. Ae çìnque e mêza do matìn. Sveggia ae quà tro e mêza. O l'é o mêgio sistêma pe sparagnâse quà rche ôa de trafégo pezà nte e acurtî a dûâ do vià gio. Se vià gia difæti in frétta e sénsa tròppi problêmi. Partèndo coscì prèsto, anticipémmo i gròssi flùsci de trafégo e a-o prìmmo dòppopranzo sémmo za a-o confìn de Arad. A metæ do dòppopranzo arivémmo a Budapest, dóve contémmo de fermâse. Avéndo atrovòu in frétta alozo pe Sheckley, ghe métemmo quà rche ôa pe sistemâ ascì noî âtri. Budapest a l'é pìnn-a fìnn-a a-i téiti, ma a-a fìn atrovémmo quarcösa. O l'é o momento do vià gio dóve mì són ciù strà cco. Sénpre e sôlo mì da sôlo ò guidòu, e a fadîga a l'é anæta acumulà ndose. A dî che són distrùto o l'é dî pöco. Tornémmo a çenâ in sciô batèllo dóve avéivimo mangiòu a l'andâ, e ch'o n'éa piaxûo tà nto. O l'é pasòu 'n mêze da quà nde Sheckley o l'é con noî, e òua o mà ngia in mêdia o dóppio de quà nde o l'é arivòu. Sta séia o mà ngia ciù do quà ttro vòtte tà nto. O diâ pöco dòppo: Me ricordiô a lóngo de sta çénn-a. Noî ascì.
 Zêuggia 19 Agósto o l'é o giórno do ritórno in Italia. Atravesémmo l'Austria, dóve in sce l'autostrà dda ne ciapémmo ascì 'na bèlla mùlta pe ecèsso de velocitæ, e vèrso séia arivémmo a-o aeropòrto de Venéçia, dóve de cólpo o bigétto de ritórno de Sheckley o no se trêuva ciù. O l'é 'n'ôétta de suspense, pöi o bigétto o sciòrte fêua. Atrovémmo 'na pensción lì vexìn e coscì rezolvémmo ascì o problêma de st'ùrtima néutte. Pe festezâ o ritórno in Italia ne strafoghémmo 'n pâ de pìzze ecelénti a tèsta.
 Vénardì 20 Agósto Sheckley o piggia l'aereo che, vîa Lóndra e Seattle, o o portiâ torna a Portland, Oregon, dóve o l'aspêta a seu mogê Gail. A-o ritórno vèrso Zêna gh'é silénzio in mà china pe 'n pittìn. E o l'é Max che a 'n çèrto pónto o dîxe: O no gh'é ciù. Mario o ribà tte: O no gh'é mâi stæto. O l'é o mê tórno: O gh'éa, o gh'éa, o no l'éa 'n'alucinaçión. E s'o l'éa, o l'é comónca 'n'alucinaçión mêgio de l'âtre.
In realtæ fòscia no l'ò dîto pròpio coscì. Ma a chi ghe inpòrta di detà lli, òua che Sheckley o no gh'é ciù inte sta stòria?
 Fêua do Ténpo ghe rèsta ancón ténpo pe 'na conscideraçión finâle: quéllo ch'éi lézûo fìnn-a chì o l'é a sénplice cronologîa de quéllo ch'o l'é capitòu. Ninte de veaménte scignificatîvo o l'é racôlto inte quéllo ch'o l'é scrîto chì. Quéllo ch'o cónta veaménte o no se pêu contâ coscì. Probà bilménte, o no se pêu contâ pe ninte. O se pêu sôlo ricordâ, da chi o l'à vissûo. E fòscia gnà nca quésto o l'é vêo. Quéllo ch'o cónta veaménte o se pêu sôlo vìve mentre un o o vîve. Tùtto o résto o l'é sôlo raprezentaçioìn dià fane. Ò, se voî preferî, raprezentaçioìn de raprezentaçioìn. Vêu dî quarcösa ch'a-a fìn a gh'à pöco a-a chê fâ co-a realtæ. Ne contentémmo, e contentæve. L'inportà nte o l'é equivocâ o mêno poscìbile.
 'N à lbum fotogrà fico ciù conpléto do vià gio o l'é disponìbile cìccà ndo chì. (http://www.fantascienza.com/quaglia/sheckley/1999/)
Â
|
Italiano
Zeneise
Napulitano
Romanesco
Sicilianu
Veneto
Milanes
Bulgnais
Sardu
Furlan
Piemontèis