| Alia declaratio auctoris |
|
Quasdam gratias meas refero illis hominibus superioris pretii quos detegetis, in non rigoroso disordine antialphabetico, iuxta nomina "Gigi Picetti", "Alessandro Testa", "Max Morando", ob contributum quod mihi praebuerunt primum exsistendo, sed hoc non est meritum eorum, et secundo apte et synchronice mecum interagendo, id est ego, sive auctor huius libri et harum linearum, ergo, ad effectus anagraphicos, Roberto Quaglia, substituentes se adeo mihi in supradicto munere auctoris in omnibus illis epistulis quas ego me scripsisse iacto quamquam, in initio cuiusque earum, obscure alluserim ad mysteriosum munus quod supra memoratae personae in redactione eiusdem gessissent, et hoc est meritum eorum. Nihil intellexistis? Melius ita! Quod refert est ut illi intellexerint. Illis destinabam quasdam gratias meas. Non vobis. Et si etiam illi non intellexissent... age, dicant mihi et ego eis voce explicabo. Gratias ago tamen etiam illis duobus vel tribus aliis amicis quos hic non memoravi ob contributum quod et ipsi mihi praebuerunt exsistendo, quamquam hoc evidenter non sit meritum proprie eorum. Ceterum, ne meritum quidem meum est.
|
