It ses ëdcò ti anrabià dal fàit che le librerìe a bùto fòra liber ch'at anteresso nen antramentre che coj ch'at piaserìa lese a smijo pròpi nen esiste? A l'é nen da fé sgiaj che bande ëd scritorass racomandà as ambosco na mucia ëd dné mach për anojé TI a mòrt con ij sò liber che, con n'alternativa valida, ti't lesrìe mai? It veule antlora ëdcò ti bate-te për na società pì giusta, almanch fin-a al pont che ëdcò ij liber ëd Quaglia a comparisso an librerìa a tira ëd man? Bravo. Sapie antlora che Roberto Quaglia a l'é dël tut indiferent, se nen moderatament ostil, a l'eventualità che editor italian a decido da bon ëd publiché sò liber. A treuva vàire pì divertent esse publicà mach a l'èstero. Ma se TI it vorìe podèj lese ij liber ëd Quaglia, antlora at resta mach ëd prové a anondé ëd mëssagi j'editor italian fasend-je present sta toa necessità! A l'é facilissim. A basta cliché an sij link sì-sota, na vira, doe, des, sent, mila vire. Ël liber "Car Maurizio Show" a l'é ël pes dj'eut che Roberto Quaglia a l'ha scrit. At l'é piasù? It na veule lese d'àutri? Angëgnte e daje ëd travaj. At na fa gnente? E antlora com mai it ses sì e còsa it ses drè a lese?